miss dody

عضو جديد
#1
السلاام عليكم

انا رافعة قضية نفقة ليا ولبنتي من اكتر من سنة والمحامي بتاعه زور ورقة ولعب لعبة كدة انه بياخد مبلغ قليل جدا وبيتخصم منه تأمينات كمان والورقة مختومة بختم الشركة وانا المحامي بتاعي عمل تحريات بالمرتب بتاعه الحقيقي .. والقاضي حول القضية للنيابة لاستماع لشهادة الشهود من الطرفين . دلوقتي انا ينفع اخلي جوز اختي وابن اختي يشهدو او اخويا يشهد ؟؟ لان قرايبي الوحيدين اللي يعرفو التفاصيل دي .. ووبخبرتكم كمحامين القاضي هيفصل في القضية دي ازاي ؟ يعني معقول في شركة خاصة عقارات بتقبض 500 جنيه ؟؟؟ وايه شكل الاسئلة اللي هتتوجه للشهود بتوعي ؟ وشكرا مقدماااا
 

الكــــاســـــــر

الكــــاســـــــر

عضو مميز
#2
وعليكم السلام ورحمة الله وبركاته

ينفع أخوكي وجوز أختك يشهدوا وكذلك أبن أختك بشرط يكون سنه 15 سنة فيما فوق

القاضي هيفصل في القضية علي حسب ظروف الدعوي وكذا المستندات والأدلة الموجودة أمامه مع العلم أن القاضي له كامل الحرية في تكوين قناعته وعقيدته من الأدلة والمستندات المقدمة أمامه و وكذلك شهادة الشهود

الأسئلة اللي هيسألها القاضي للشهود المفروض محاميكِ يجلس معاهم قبل التحقيق ويعرفهم يقولوا إيه

طبعا بعد ما بيحلفوا اليمين
هيسألهم القاضي أيه علاقتك بالخصوم
وهل في مشاكل بينهم وبين زوجك أو طليقك
وهو بيصرف عليكي وعلي بنتك ولا لا
ومتي أمتنع الزوج عن الإنفاق وكيف عرفوا ذلك

ومن حق محامي زوجك أو طليقك يوجه لهم اي أسئلة فلازم يكونوا مستعدين
وبعد كده يمضوا بمحضر الجلسة علي أقوالهم ويتوكلوا علي الله

القاضي هيفصل في القضية لصالحك ولصالح أبنتك في جميع الأحوال .

فلا داعي للقلق
 

miss dody

عضو جديد
#3
شكرا لحضرتك علي اهتمامك وردك ... هو الحقيقة لسة علي ذمته محصلش طلاق بس المشكلة ان مش هيبقي معايا محامي لانه سافر يعمل عمرة .. والغريبة انه قلي مينفعش اخوكي عشان شهادته هتبقي مجروحة !!! مش فاهمة قال كدة بناء علي ايه مع العلم انه محامي كويس وكبير وموثوق فيه !!!! وهل ينفع اقدم صور من رسايل سب واهانات للنيابة بكرة تعزز موقفي في القضية ؟؟
ده غير انه في محادثات بيني وبينه من السنة اللي فاتت بيقولي فيها مرتبه الحقيقي هل ممكن وكيل النيابة يشوف ده ؟؟
 

gamal gamal

محامى ومستشار قانوني
#4
لا تقلقى وخذى الشهود معك
وبالفعل ليس من المعقول الحصول
على مرتب 500 ج الان في مصر كمرتب
والعبرة بالتحرى الذى سيرد في القضية ...........
 

أعلى