Max Pain

عضو مشارك
التسجيل
10/3/13
المشاركات
88
الإعجابات
3
#1

بفضل الله خلصت اجراءات التخلف عن التجنيد و تمت محاكمتي من 3 ايام وحبيت اشارك اخواننا عشان تعم الفايدة
اولا انا متخلف عن التجنيد بعد ما قدمت ورقي ف التجنيد بتاريخ 3\2013 و كنت ساعتها طالب ف الكلية سنة تالتة وتم فصلي عشان تميت ال 28 كشفت طبي و اخدت لايق و كنت متعشم اني اخد تاجيل في الارجا عشان انا دفعة قديمة لكن كله كان لابس ومفيش ارجا من اساسه استخرت ربنا و مروحتش بعد كده لسماع السلاح او الترحيل (ولو روحت يوم سماع السلاح ساعتها حتبقي هارب مش متخلف وموقفك مش حينتهي عند ال30 ) .. تميت ال 30 من شهر وكنت بصراحة متردد اروح المنطقة عسكرية خوفا من اني اكون هارب مش متخلف خصوصا بعد التعديلات ف القوانين العسكرية الاخيرة بس الحمد لله سالت اكنر من واحد وكله طمني انها تخلف مش هروب ورحت وسالت ف مكتب التخلف قالي لازم تروح لصول الترحيلات الاول وتساله عن الملف بتاعك وبعد كده تعمل اجراءات الغاء سلاح ودي اصعب خطوة ف المشوار كله بالنسبة للناس ال قدمت ورقها وكشفت طبي لان الملف مكانش موجود ف المنطقة العسكرية ولازم تستني يجيي من مصر الاول وانت ونصيبك ممكن بعد شهر وممكن بعد اتنين وممكن اكتر انا الحمد لله ملفي جيه بعد شهرين و كام يوم وبدات ف الاجراءات واخدت ميعاد محاكمة وروحت يوم المحاكمة لقيت اسمي منزلش ف الكشف وطلع اني اتاجلت للمحاكمة الجاية عشان الورق لسه مجاش من المنطقة ع المحكمة و روحت اليوم التاني و لقيت اسمي نزل ودخلت المحكمة الساعة 10 و بدات المحاكمات الساعة 11:00 وكنا 13 واحد بس كلنا خدنا غرامات ومفيش حبس خالص والحبس اصلا مش بيطبق علي اي حد الا اذا كان هارب و عامل مصيبة ف الجيش غير كده ان شاء الله مفيش حبس ولا حاجة الغرامات بس هي العقوبة و ف اسوأ الاحوال بتبقي الغرامة عالية مش اكتر من كده ..القاضي بيسألك اتخلفت ليه وبتشتغل ايه وعلي اساس وظيفتك بيحدد الغرامة ونصيحة بلاش تكدب عشان ميدفعكش غرامة عالية ..انا و 4 انفار كنا جايبين محامين والباقي كانوا جايين من غيرمحامين احنا ال 4 خدنا اعلي غرامات والباقي خدوا اقل غرامات والغرامات كانت 3000 لفرد واحد بس و الباقي 3400 وال 4 ال جابوا محامين اخدنا 3500 و 3600 و 3600 و اعلي غرامة كانت من نصيبي 3700 جنيه .. الحكم بيبقي بعد حوالي ساعة من انتهاء الجلسة بينادي علي واحد واحد ويقولك غرامتك كام وبعد كده تطلع علي النيابة العسكرية يدفع غرامتك ف نفس اليوم او ف يوم تاني وبتاخد وصل بالدفع و بعد كده بتروح بعدها ب 10 ايام للنيابة العسكرية تاخد تصديق ع الحكم وتروح ع المنطقة العسكرية تكمل اجراءاتك عشان تاخد الشهادة بتاعتك انا لحد دلوقتي لسه مروحتش النيابة عشان اخدج تصديق الحكم ولما اروح حبقي اكمل كتابة الاجراءات ان شاء الله واي استفسار انا موجود ان شاء الله ...
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2
ألف ألف مبروك يا غالى
وشكرا لمشاركتنا تجربتك ...
 

Mahmoud Morsy

عضو مشارك
التسجيل
1/3/14
المشاركات
72
الإعجابات
1
#4
الف الف الف مليون مبروك, الحمد علي كل شيء ومش مهم الغرامة المهم الموضوع خلص.
انا عندي استفسار انا استلمت الشهادة وخلصت كل حاجة بس اول مرة اسمع عن تصديق الحكم في النيابة!!! ايه الغرض من التصديق يعني هينفعني بأيه !!! انا عملت جواز سفر جديد بالشهادة التجنيد ومسألنيش علي التصديق وبعدين سافرت بره وبردو محدش سألني علي التصديق!!
ياريت تفيدونا عشان منقعش في مشاكل بغني عنها.

ومبروك مرة تانية.
 

Mahmoud Morsy

عضو مشارك
التسجيل
1/3/14
المشاركات
72
الإعجابات
1
#5
هوا الموقع هنا مفيهوش مسح مشاركة؟؟؟؟ خلاص لا داعي للرد فهمت قصدك, انا حسبتها تصديق الشهادة بس انت تصديق الحكم.
تمام تمام اعذرونا علي سوء الفهم. :Foil::Foil::Foil:
 

Max Pain

عضو مشارك
التسجيل
10/3/13
المشاركات
88
الإعجابات
3
#6
هوا الموقع هنا مفيهوش مسح مشاركة؟؟؟؟ خلاص لا داعي للرد فهمت قصدك, انا حسبتها تصديق الشهادة بس انت تصديق الحكم.
تمام تمام اعذرونا علي سوء الفهم. :Foil::Foil::Foil:
الله يبارك فيك يا اخ محمود ...
 

Max Pain

عضو مشارك
التسجيل
10/3/13
المشاركات
88
الإعجابات
3
#7
شباب انا الحمد لله خلصت بقية الاجراءات روحت النيابة وعملت تصديق ع الحكم وبعدين طلعت ع المنطقة العسكرية تاني يوم ختمت ورقة الحكم وو قفت ف شباك دفع مصاريف الشهادة والمبلغ بيبقي حسب تاريخ الميلاد انا دفعت 22.5 جنيه وبعدين استلمت الورق تاني وقدمته ف شباك المراجعة بعد ما مليت الجزء العلوي من استمارة بيسلمهالك هناك وبتقف بعدها تستني الوصل ال حتستلم بيه الشهادة بعد الساعة 2 الظهر

ملحوظة مهمة يا شباب : انا قريت امبارح علي قناة الفراعين خبر عاجل بيقول "انباء عن تشديد العقوبات العسكرية علي المتخلفين عن التجنيد "ومحدش عارف ايه ال ورا الخبر ده هل هو زيادة غرامات ولا حبس بعد كده ياريت ال يعرف حاجة عن الموضوع ده يقول ف مشاركة جديدة و يفيد الناس ال مستنية سن ال 30 عشان تخلص شهادتها وربنا يوفق الجميع !!
 

Adventure

عضو مشارك
التسجيل
12/9/08
المشاركات
46
الإعجابات
2
#8
ألف مبروك وتقريباً الحالة بالنسبة ليك شبيه لحالتي إلا حد ما خاصة لما قولت "مروحتش بعد كده لسماع السلاح او الترحيل" وأتمني الإفادة بخصوص هذه الأيام وخاصة نسبة الغرامة
 

Max Pain

عضو مشارك
التسجيل
10/3/13
المشاركات
88
الإعجابات
3
#9
ألف مبروك وتقريباً الحالة بالنسبة ليك شبيه لحالتي إلا حد ما خاصة لما قولت "مروحتش بعد كده لسماع السلاح او الترحيل" وأتمني الإفادة بخصوص هذه الأيام وخاصة نسبة الغرامة
نفس الكلام يا اخ ادفنشر مع اختلاف الغرامة بفرق بسيط ومش مع كل الناس فيه ناس بتاخد غرامة بسيطة (الحد الادني 3000 جنيه) ولا صحة لتغليظ العقوبات علي المتخلفين لحد دلوقتي مسمعتش عن تغييرات جذرية
 

Adventure

عضو مشارك
التسجيل
12/9/08
المشاركات
46
الإعجابات
2
#10
شكراً لإفادتك أخي الكريم ، وللأهمية بالنسبة لموضوع تمام سن الـ30 هل أقدر أروح أقدم على المحاكمة وأنا مطمئن وإتباع كافة الإجراءات عند تمام السن 30 سنة باليوم "اي 30 عام باليوم بالتمام والكمال " أم الأفضل الإنتظار حتي مرور بضعة أيام أو حتي تخطي ميعاد الفرز اللي هوا كان بتاريخ 12/7/2010 ... وشكراً جزيلاً لنصحكم وإفادتكم
 

Max Pain

عضو مشارك
التسجيل
10/3/13
المشاركات
88
الإعجابات
3
#11
شكراً لإفادتك أخي الكريم ، وللأهمية بالنسبة لموضوع تمام سن الـ30 هل أقدر أروح أقدم على المحاكمة وأنا مطمئن وإتباع كافة الإجراءات عند تمام السن 30 سنة باليوم "اي 30 عام باليوم بالتمام والكمال " أم الأفضل الإنتظار حتي مرور بضعة أيام أو حتي تخطي ميعاد الفرز اللي هوا كان بتاريخ 12/7/2010 ... وشكراً جزيلاً لنصحكم وإفادتكم
السن 30 ويوم بعدها روح وامشي ف الاجراءات ومتخافش من اي حاجة الموضوع حيطول شوية معاك عشان قدمت ورقك زيي بس باذن الله حيخلص ف الاخر
 

Adventure

عضو مشارك
التسجيل
12/9/08
المشاركات
46
الإعجابات
2
#12
آسف للإطالة عليك لكن ممكن ياخد وقت قد إيه تقريباً لو الموضوع طول معايا ؟ وفي العادي ممكن يوصل لكام يوم وأكون خلصت الموضوع ؟ وجزيل الشكر والعرفان لك أخي الكريم
 

Max Pain

عضو مشارك
التسجيل
10/3/13
المشاركات
88
الإعجابات
3
#13
آسف للإطالة عليك لكن ممكن ياخد وقت قد إيه تقريباً لو الموضوع طول معايا ؟ وفي العادي ممكن يوصل لكام يوم وأكون خلصت الموضوع ؟ وجزيل الشكر والعرفان لك أخي الكريم
مفيش اطالة ولا حاجة انا تحت امرك ..والله يا اخي لو قدمت ورقك الموضوع حياخد من شهرين ونص ل 3 شهور ونص كده عشان لازم الاول يجيبوا الملف بتاعك ويتعملك الغاء اجراءات تجنيد !!
 

hamada86

عضو مشارك
التسجيل
30/12/10
المشاركات
45
الإعجابات
0
#14
اولا الف مبروك ثانيا هو موضوع ان في من لم ينهي موقفة قبل 1/6/2015 هيعقاب10الاف و سنة حبس دة هل حقيقي ؟.
 

Max Pain

عضو مشارك
التسجيل
10/3/13
المشاركات
88
الإعجابات
3
#15
اولا الف مبروك ثانيا هو موضوع ان في من لم ينهي موقفة قبل 1/6/2015 هيعقاب10الاف و سنة حبس دة هل حقيقي ؟.
اول مرة اسمع الكلام ده والاشاعات ف موضوع التجنيد ده كتير اوي روح المنطقة هناك واسال ومتخافش مش بيمسكوا حد حتي لو هربان
 

hamada86

عضو مشارك
التسجيل
30/12/10
المشاركات
45
الإعجابات
0
#16
اول مرة اسمع الكلام ده والاشاعات ف موضوع التجنيد ده كتير اوي روح المنطقة هناك واسال ومتخافش مش بيمسكوا حد حتي لو هربان
دة واحد كاتب كدا هنا وجع بطني ههههه بيقول ان في عسكريﻻقال كدا
www.damasgate.com/vb/t/358992/
 

Max Pain

عضو مشارك
التسجيل
10/3/13
المشاركات
88
الإعجابات
3
#17
دة واحد كاتب كدا هنا وجع بطني ههههه بيقول ان في عسكريﻻقال كدا
www.damasgate.com/vb/t/358992/
والله يا باشا انا بقول تسال ف الموضوع ده الاول انا برضه قبل ما اقدم سمعت كلام من ده كتير وكان من ظباط ف الجيش وطلع مش سليم بس برضه اتاكد من المنطقة العسكرية بنفسك ومتقلقش مش بيمسكوا حد هناك
 

hamada86

عضو مشارك
التسجيل
30/12/10
المشاركات
45
الإعجابات
0
#18
والله يا باشا انا بقول تسال ف الموضوع ده الاول انا برضه قبل ما اقدم سمعت كلام من ده كتير وكان من ظباط ف الجيش وطلع مش سليم بس برضه اتاكد من المنطقة العسكرية بنفسك ومتقلقش مش بيمسكوا حد هناك
احنا عايزين بس اي حد يطمنا القانون دة حقيقي اطبق ولا لا لان احنا في شهر 7 اهو اظن لو كان اطبق كنا عرفنا من موقع الجيش او وسائل الاعلام
 

Max Pain

عضو مشارك
التسجيل
10/3/13
المشاركات
88
الإعجابات
3
#19
احنا عايزين بس اي حد يطمنا القانون دة حقيقي اطبق ولا لا لان احنا في شهر 7 اهو اظن لو كان اطبق كنا عرفنا من موقع الجيش او وسائل الاعلام
ارفع بوست ف المنتدي هنا واستني رأي المستشار جمال واي حد راح بعد 6/1 ومتقلقش ولو عاوز نمرة المحامي ال خلصلي موضوع الجيش ممكن اديهالك هو متخصص ف المحاكمات العسكرية و عنده اكيد معلومات عن الموضوع ده
 

Max Pain

عضو مشارك
التسجيل
10/3/13
المشاركات
88
الإعجابات
3
#20
احنا عايزين بس اي حد يطمنا القانون دة حقيقي اطبق ولا لا لان احنا في شهر 7 اهو اظن لو كان اطبق كنا عرفنا من موقع الجيش او وسائل الاعلام
المشكلة ان محاكمات المتخلفين عن التجنيد مش حاجة مهمة عشان تتناقلها وسائل الاعلام ولو حصل و طبقوا الحبس بدل الغرامات مش لازم اعلام ولا حاجة لانه كده كده القانون بينص ع الحبس او الغرامة او اي العقوبتين يعني مش حاجة جديدة ف القانون انما ف التطبيق بس
 

أعلى