wmgc

عضو مشارك
التسجيل
20/7/09
المشاركات
67
الإعجابات
1
#1
انا عندى شقة تمليك ولله الحمد فى مكان كويس وماجرها لبنت عندها 30 سنه وشغالة شغل محترم بس هى من النوع اللى بتخط مكياج وكدا اهلها فى اسكندريه وهى قاعده فى القاهرة بحكم شغلها كل ما يطلع حد عنها من قرايبها زى اختها وجوز اختها او خالتها وجوز خالتها . السكان يوقفوه على السلم ويسالوه انت رايح فين تقربلها ايه وايه اللى يثبت انك قريبها و بيشتكولى منها انها بتجيب رجاله وكدا جوه الشقه وزاقين عليها البوابين اللى بجوار العماره وبيضايقوها لدرجه وهى راحة تركب عربيتها احد السكان بيمشى وراها وبيشوفها راحة فين وهتركب مع مين ومصممين انى لازم افسخ العقد بتاعها وامشيها على الرغم ان بواب العماره بيشكر فيها وبعض السكان منهم الساكن اللى تحتيها يعنى بيشوفها عالطول فى الطالعة والنازلة وبيقول محترمه وبصراحة بتدفع الايجار فى ميعاده وكل مستلزمات العمارة من صيانه وخلافه وعمرها ما اتاخرت وبتعاملنى فى منتهى الذوق بس تحس ان السكان والبوابين عاملين عصابة عليها ... اخر حاجة على كلام البواب نزل واحد من التاكس ونادى على البواب وقالوا انا مخبر وسال عليها البواب قالوا مش موجوده رد عليه وقالوا اصل متقدم ضدها 3 شكاوى قالوا البواب طيب سيبلها ورقة راح قالوا لا وانا هبقى اجلها ثانى واضح انها لعبة بعدها بيومين راحت تعمل محضر المامور قالها كان فى ساعتها لكن لو عملتك محضر دلوقتى هيضيوقى فلو اتكررت قالها تعالى اعملى محضر فى ساعتها .... فايه الحل فى الموضوع ده. وازاى اخرس السكان دول وهى موجرها سنتين عدت سنه وفاضل الثانيه لانى مش عارف اخد معهم حل

ملحوظه بسيطه هى فى الاول كانت قاعده فى الشقه هى واختها وعقد الايجار باسم اختها وجت اختها اتجوزت وفضلت هى فى الشقه وبداوا فى مضايقتها من اواخر السنه الاولى ليها
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2


ولا يهمك يا غالى
والحل الأمثل حاجه من اثنين :
الأول : ممكن تضربها طلقة وتريح الناس منها .
والثانى : أنك تضرب الناس دى بالنار وتخلص الأمة كلها منهم

وأنا أميل الى الرأى الثانى .......................

يا غالى

أنت مؤجر فقط فلا تتجاوز هذا الأمر مع هذه الفتاة
لكى لا تفقد احترامك لنفسك أمام الله صم أمام الناس المحترمة ...

جاوبتك من قبل على هذا السؤال فرجاء عدم تكراره !!!!!!!!!
 

wmgc

عضو مشارك
التسجيل
20/7/09
المشاركات
67
الإعجابات
1
#3
ربنا يبارك فى حضرتك واسف جداا لتكرار الموضوع لانى للاسف مش عارف اخد قرار وكل واحد له راى مختلف ..
 

أعلى