Mahmoud Abdo

Mahmoud Abdo

الوسـام الماسـي
التسجيل
24/6/14
المشاركات
2,681
الإعجابات
766
العمر
23
الإقامة
فَلَا تَغُرَّنَّكُمُ الْحَيَاةُ الدُّنْيَا
الجنس
Male
#1
*الرجل :- أنا بحبك ... ( معناها أنا بحبك)
**المرأة :- أنا باكرهك .... (معناها أنا بحبك)
*الرجل :- ياااااه ... أنا شبعت أوى الحمدلله (معناها أنا شبعت أوى الحمدلله)
**المرأة :- ياااااه ... أنا شبعت أوى الحمدلله (معناها أنا لسه جعانة بس ماقدرش آكل كتير قدامك لأنك قاعد بتقوللى خسى ... أنا لسه جعانة )
*الرجل :- معلش تعبناكى انهارده ( معناها معلش تعبناكى انهارده)
**المرأة :- لا أبدا تعبك راحة ... انا ماتعبتش خالص (معناها ... طب لما أنت عارف أنك تعبتنى ماساعدتنيش ليه ؟؟ وليه أساسا طلبت منى حاجة زى كده ؟؟ ... مانا لو قلتلك لا حتقلب عليا وتقرفنى فى حياتى ؟؟)
*الرجل :- تحبى أجيبلك ايه هدية ؟؟ (معناها تحبى أجيبلك ايه هدية ؟؟)
**المرأة :- أى حاجة منك حلوة .. وحتى لو ماجبتليش حاجة حابقى مبسوطة (معناها يعنى بالذمة مش عارف تجيبلى ايه ؟؟ هاتلى دهب طبعا !! بالذمة انت مش واخد بالك من حاجة زى كده ؟؟ .... هو أنا لازم أٌقول .. أنت ماينفعش تحس لوحدك ؟؟ .... أنا قاعدة معاك كام سنة ؟؟ ... ولو قلتلك هاتلى دهب حتقول عليا مادية وحتفضل شايلهالى ... ولو ماقتلش مش حتجيب ... طب أعمل ايه ؟؟ )
*الرجل :- التعدد من الشرع وأنتى انسانة مؤمنة ... وحتكسبى ثواب قبلى (معناها أنا عايز أتجوز واحدة تانية .. .وكان ممكن أطلقك بس مش عايز عشان خاطر العيال)
**المرأة :- طب أنا مقصرة معاك فى ايه ؟؟ (معناها طب أعملها وأقسم بالله لأفرج عليك اللى يسوى واللى مايسواش وحتشوف واحدة مجنونة ماشوفتهاش قبل كده وأخليك تندم أنك فى يوم من الأيام عملتها ولأطيرن بك وساوس جيرانا لك تراودهم الفكرة وينتظرونك ليروا ما أنت فاعل)
*الرجل :- أنتى مسرفة جدا ومش همك الفلوس اللى بتصرفيها كأنى بالاقيها فى الشارع أنا فلوسى فلوسك صحيح بس لازم تمسكى ايدك شوية (معناها أنتى آخرك تاكلى وتشربى !! الفلوس دى بتاعتى وانا اللى باتعب فيها وأنا اللى أٌقرر تتصرف فى ايه ؟؟ .... عموما أنا اللى غلطان وحوريكى الأيام اللى جاية)
**المرأة :- أنت مش دايما تقوللى فلوسى هى فلوسك ؟؟ (معناها يعنى انت ياخويا تروح تسلف أصحابك بالآلافات وتدخل فى مشاريع فاشلة وتخسر بالآلافات ولسه من كام يوم مغير موبايلك وقاعد بتكلمنى أنك عايز تغير العربية ومستخسر فيا الكام قرش دول ؟؟ على أساس أنى خدامة اللى خلفوك ؟؟ ... المشكلة أنى حتى لو كنت خدامة كنت حاخد مرتب مش حاشتغل ببلاش !!عموما أنا اللى غلطانة وحوريك الأيام اللى جاية)
الرجل :- أنا عايش عشان العيال (معناها أهى تربيهم أحسن من غيرها)
المرأة :- أنا عايشة عشان العيال (معناها أنا ماعييش فلوس أقدر أستقل بيها عنه)
الرجل :- الشقاوة فينا بس ربنا هادينا (معناها عايز أتجوز)
المرأة :- ربنا يهديك كمان وكمان (معناها يارب يجينى خبرك قبل ماتعملها)
 

أنيس

أنيس

مشرف عام
التسجيل
11/1/14
المشاركات
5,481
الإعجابات
4,202
#2
جميل هو الحوار في هذا الجانب
ولكن نرجو أن لا تأتي من تقاطعك في رأي آخر
وإن كان هذا فعليك بالإحتساب عند مجارات الشريكة .
مني الشكر على هذه الدعابة الجميلة .. .
 

جهاد ع

عضوية الشرف
التسجيل
11/2/10
المشاركات
13,400
الإعجابات
794
الإقامة
الاردن
الجنس
Male
#3
يعني مرات في منه هذا الكلام

هههههه

مشكور اخي محمود
 

أعلى