تسهيلات

عضو مشارك
التسجيل
3/2/15
المشاركات
4
الإعجابات
0
#1
ابني يعاني من ضعف سمع شديد وهو في مدرسة ضعاف سمع حكومية في الصف الثالث الثانوي والده مسافر وكنا بنسافر ليه كل سنة لتجديد الاقامة لكن في اجازة نص السنة كان ابني تخطي ال 19 عام واصبح لازم ياخد تصريح سفر ولما بدأنا في اجرأته عرفنا انه متعملوش تاجيل من المدرسة وبدأت رحلة العذاب لعمل التأجيل ما بين الهايكستب والمدرسة والادارة والهايكستب مش راضي يقبل مني الورق ويقولي ان اثبات القيد غير كافي ولازم يستلم الورق من المدرسة نفسها وانه مش بيستلم من افراد والمدرسة تقولي ما نعرفش حاجة عن الموضوع ده واحنا بندي اثبات قيد بس مش عارفه اعمل ايه؟مع العلم اني جبت بطاقة ال6 جند وجبت ال2 جند ملتها وختمتها من المدرسة وكمان اثبات قيد من الادارة التعليمية ومع ذلك منطقة التجنيد مش راضية تقبله مني ممكن اعرف مين المسؤل واعمل ايه لانهاء اجرأت التاجيل؟وهل ينفع يتقدم للتجنيد قبل طلب مواليد سنته لانه عنده اعاقة وكنت قرأت علي صفحة التجنيد ان اصحاب الاعاقة غير متقيدين بمواليد سنتهم علي اساس اعمل له الاعفاء علي طول وشكرا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#2


بالفعل ادارة التجنيد تقبل
أوراق التأجيل من الجهات
الرسمية والمدارس والجامعات ..
ولكن يمكنك طلب خطاب رسمى
موجه للمدرسة بضم الملف مثلا !!!
لذا
أقترح عليك اقتاع ادارة المدرسة
بذلك لايصال نسخة من ملف ابنك
لادارة التجنيد لاتخاذ الاجراءات ...

ولا أنصحك بتقديم أوراق ابنك للتجنيد
للحصول على الاعفاء لأنه من حقه
الاعفاء الدراسى ...
 

تسهيلات

عضو مشارك
التسجيل
3/2/15
المشاركات
4
الإعجابات
0
#3
شكرا جدا علی رد حضرتك علی ولكن معذرة لا أفهم معنی خطاب رسمی موجهة للمدرسة ممكن شرح اكتر
كنت اقنعت ادارة المدرسة انها ترسل احد معی للهايكستب غدا ليقدم الورق بشكل رسمی منهم للتجنيد مباشرة فهل سيقبل التجنيد هذا
وممكن افهم يعنی ايه الاعفاء الدراسی اللی من حقك ابنی واسفه علی الاطالة وجازاك الله خير
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#4
نعم من الأفضل ارسال شخص من المدرسة
بملف ابنك .... هذا حل جيد ....

والاعفاء الدراسى هو تأجيل التجنيد لحين
انهاء الطالب لدراسته فقط .........
 

تسهيلات

عضو مشارك
التسجيل
3/2/15
المشاركات
4
الإعجابات
0
#5
شكرا لحضرتك الحمد لله بالفعل تم ارسال مسئولة شئون الطلبة الی الهايكستب امس وتم انهاء اجراءات التاجيل واخد تأجيل لغاية 22 سنة ولكن كان الوقت اتأخر وملحقتش اعمله تصريح السفر بكرة ان شاء الله هروح العباسية ومش عارفة هقدر اخدله التصريح ولا لأ لان الاجازة انتهت .فهل يوجد استثناءت للطلبه لاستخراج التصاريح السفر ولا فی الاجازة بس؟
 

تسهيلات

عضو مشارك
التسجيل
3/2/15
المشاركات
4
الإعجابات
0
#6
شكرا جدا علی محاولة المساعدة والحمد لله تم عمل تصريح السفر اليوم
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#7
بالتوفيق ...................
 

أعلى