ٍSamir

عضو مشارك
التسجيل
7/12/14
المشاركات
46
الإعجابات
0
#21
أنا عارف شعورك, أنا بعد ما لغيت القديم, و طوال ال25 يوم اللى كنت منتظر فيهم الجديد كنت بنام بالعافية, الواحد بيبقى و لا أكنه موجود على الورق, شعور زفت الحقيقة, بينى و بينك أنا معرفش ازاى انت استحملت سنة كاملة بدون قيد سارى, قلبك جامد الحقيقة
 

mano3

عضو فعال
التسجيل
12/12/13
المشاركات
195
الإعجابات
1
#22
ما هو الواحد لازم يبقى بارد مع الحكومات البارده, وكمان انا عايش في السعودية ومتعود اني بخلص الاجراءات بسرعة وانا على النت, لكن اروح لموظف يلففني حوالين نفسي ويسوحنى بالشهر و الشهرين او واحدة ملهاش مزاج تشتغل تعقدلي الدنيا.

ربنا يسهل الحال للجميع
 

ٍSamir

عضو مشارك
التسجيل
7/12/14
المشاركات
46
الإعجابات
0
#23
واحدة ملهاش مزاج تشتغل, أنا عارف الست المتخلفة دى, أكيد قصدك على الست اللى فى سجل العباسية فى تانى دور يمين بعد بوابة الأمن فى الدور بتاع الشؤون القانونية و مواليد الخارج, الست دى كرهتنى فى تفسى و المصحف, ست أعوذ بالله و لا لما تسأل حد تانى يقولك دى المديرة
 

mano3

عضو فعال
التسجيل
12/12/13
المشاركات
195
الإعجابات
1
#24
عادى بقى ادينا بنتعامل معاهم عشان نخلص منهم ومانشوفهومش تاني :1002: , انا كل مشكلتي في الباسبور وان ورقي يبقى متطابق, بس انا زهقت لاني صبرت عليهم كتير عشان كده عاوز اخلص.
 

mano3

عضو فعال
التسجيل
12/12/13
المشاركات
195
الإعجابات
1
#25
أنا عارف شعورك, أنا بعد ما لغيت القديم, و طوال ال25 يوم اللى كنت منتظر فيهم الجديد كنت بنام بالعافية, الواحد بيبقى و لا أكنه موجود على الورق, شعور زفت الحقيقة, بينى و بينك أنا معرفش ازاى انت استحملت سنة كاملة بدون قيد سارى, قلبك جامد الحقيقة
انا عملت كل اللى انت عملته وبعد 25 يوم طلعتلي مواليد الجيزة بردو , بالرغم انها كانت ملغية و البطاقة كانت موقوفة .
 

ٍSamir

عضو مشارك
التسجيل
7/12/14
المشاركات
46
الإعجابات
0
#26
ازاى طلعتلك مواليد الجيزة؟؟؟؟
أنت تقصد طلعلك قيد جديد تماما بنفس البيانات القديمة بس برقم قومى جديد, ولا ان قيدك القديم رجعته تانى بمعجزة ما؟؟؟
انت رقمك القومى زى القديم ولا بقى واحد جديد؟؟؟؟؟
 

ٍSamir

عضو مشارك
التسجيل
7/12/14
المشاركات
46
الإعجابات
0
#27
فى شهادة الميلاد بيبقى فى حاجة اسمها رقم القيد و تاريخه, شوفهم و قارنهم بالقدام و قولى اتغيروا ولا لأ؟
أنا مش هفهم ايه اللى حصل معاك الا لما تقولى عشان اقولك تعمل ايه بالظبط
 

mano3

عضو فعال
التسجيل
12/12/13
المشاركات
195
الإعجابات
1
#28
ما ده اللى عايز اعرفه انا والدتي راحت تشوف الشهادة اتسجلت ولا لاء وماطبعتهاش وكل اللى عرفته انها مواليد الجيزه , فهتروح بكره العباسية و تشوف القصة ايه.

يعني حتى في اغلب الاحوال مش ممكن هيسجلوا نفس القيد اللى هما لاغوه حتى لو مش هيسجلوا الجديد.
 

ٍSamir

عضو مشارك
التسجيل
7/12/14
المشاركات
46
الإعجابات
0
#29
لأ استحالة يكونوا رجعولك القيد الملغى, لا يمكن ارجاعه الا بحكم محكمة, أنا بقولك عشان مبيبقاش عندك أمل زائف
المهم, هو انت كنت مولود فى نفس تاريخ الميلاد القديم ولا كان تاريخ اخر, انا قصدى انك كنت هتغير محل الميلاد بس ولا تاريخ الميلاد, لأن اللى بيطبع شهادات الميلاد ممكن يكون دخل بياناتك و قال لوالدتك على القيد القديم و هوا منتبهش انه ملغى ولا يمكن طباعته, بتحصل انهم مياخدوش بالهم, حصلت معايا, لأنه لو حاول يطبعه ميعرفش لانه ملغى
انت اتأكد من اللى حصل بالظبط
 

ٍSamir

عضو مشارك
التسجيل
7/12/14
المشاركات
46
الإعجابات
0
#30
شوف رقم القيد الجديد و تاريخه و رقمك القومى و اتأكد ان الشهادة الجديدة ببيانات الخارج لم تصدر بالفعل, اعرف ايه اللى حصل بالظبط الأول و قولى
 

mano3

عضو فعال
التسجيل
12/12/13
المشاركات
195
الإعجابات
1
#31
كل البيانات في الشهادة الملغية كما هي فقط اختلاف محل الميلاد , نفس تاريخ الميلاد ونفس الاسم , بكره ان شاء ستأكد من السجل المدني مواليد الخارج ما حدث.

انا برجح ان تكون اللجنة رفضت تقييد القيد لسبب ما , وما كان على السجل الا اعادة الوضع كما كان وكأن شيء لم يحدث.

والله اعلم
 

ٍSamir

عضو مشارك
التسجيل
7/12/14
المشاركات
46
الإعجابات
0
#32
لو اللجنة رفضت تقييدك هترفض تقييدك فقط بقرار مسبب و هيقولولك تعالى كمل الاوراق الفلانية, لا تملك اللجنة اعادة القيد القديم مرة اخرى, الالغاء سكة واحدة الاتجاه فقط, هما حتى لو عاوزين يرجعوه مش هيعرفوا لانك عملت محضر فى المبلغ و اثبت بالدليل القاطع انه قيد غير صحيح فى وقائعه وبالتالى أصبح قيد باطل بسبب انك لم تولد فى مصر بالفعل.

القيد الملغى ممكن اعادته مرة اخرى بحكم محكمة او بقرار فى حالة كان الالغاء غير صحيح قانونا, يعنى مثلا لو موظف دخل لغالك قيدك لانه بيكرهك عشان انتم جيران وهوا مش هطيقك, فى الحالة دى مش بتكون ضعت تماما, فى الحالة دى بيصدر قرار باعادة القيد بسبب كذا كذا طالما انه صحيح بس اتوقف بسبب غير قانونى

لكن القيد اللى اثبت انه باطل لا يمكن اعادته لانك اثبت انه غير صحيح بالفعل عن طريق المحضر بتاع الشرطة ضد المبلغ + شهادة الميلاد الحقيقية الموثقة

أنا بفهمك عشان مرة تانية تعرف الواقع بالظبط مش توقعاتك

شوف ايه الورق اللى ناقصك و كمله والا هتفضل فى الهواء

و للمرة الاخيرة اللجنة القضائية اختصاصتها واضحة تعديل القيود و قيد ساقطى القيود و ليس لها صلاحية اعادة قيد ملغى
 

ٍSamir

عضو مشارك
التسجيل
7/12/14
المشاركات
46
الإعجابات
0
#33
هما حالا مثلا اما طلبت منهم الغاء القيد القديم مش طلبوا منك اثبات بالدليل انه غير صحيح و لما اطمنوا لغوه بقرار مسبب و بمحضر بسسب انه تبين ليهم انك مواليد الخارج
انت حالا لو روحتلهم تطلب منهم اعادة القيد هيقولوك اثبتلنا انك مولود فى مصر و فين بالظبط و بعدين اللى عمل المحضر ضد المبلغ هيلبس لانه عمل محضر كاذب و هتدخل نفسك فى موال طويل

ده تخيل طبعا منى انهم هيعملوا كده, هما هيقولولك انت لغيته خلاص بمزاجك محضش جبرك

كمل ورقك و ركز فى اكمال ورقك فقط عشان تخلص الشهادة الجديدة, انت المفروض ورقك كامل بالفعل
 

mano3

عضو فعال
التسجيل
12/12/13
المشاركات
195
الإعجابات
1
#34
اعلم اختصاصات اللجنة ولكنها ترسل قرارها للسجل الرئيسي و دور السجل ان يعمل بقرارات اللجنه , المشكلة ان ممكن يكون القيد ماتلغاش ووقفوا البطاقة فقط!!! لأن اوراقي كاملة وحسب ما طلبته الموظفه قدمته ومعايا الوصل.
 

ٍSamir

عضو مشارك
التسجيل
7/12/14
المشاركات
46
الإعجابات
0
#35
مفيش حاجة فى كمبيوتر السجل المدنى اسمها ايقاف بطاقة و ايقاف شهادة ميلاد, اسمها ابطال قيد, يعنى بيبطل الشهادة + البطاقة, القيد بيبقى عبارة عن شهادة ميلاد + البطاقة اللى بتصدر منها

معنى انك قدمت طلب ساقط قيد مواليد 26 انك مش موجود على الكمبيوتر أصلا, والا مثلا لو باباك عمل قيد عائلى هيلاقوا اثنين منك متسجلين ورا بعض و لن يعترف بيك بقيدك الجديد لانك لن تستطيع اثبات انك بدلت الجديد بالقديم لأن طبقا ليك القديم هيفضل سارى

أنا مش بقولك اراء انا بقولك معلومات و حقائق عرفتها من السجل المدنى
 

mano3

عضو فعال
التسجيل
12/12/13
المشاركات
195
الإعجابات
1
#36
مش عارف والله يا صديقي انا لما نزلت مصر طلعت على مركز المعلومات اللى في العباسية الدور الخامس وشوفت ان الى مكتوب بالخط الاحمر البطاقة مصادرة لتسجيل قيد ميلاد خاطيء

بعدها قدمت الاوراق اللى طلبوها وكنت منتظر التسجيل الجديد
 

ٍSamir

عضو مشارك
التسجيل
7/12/14
المشاركات
46
الإعجابات
0
#37
تمام
أنا كان عندى نفس الكلام بالظبط, بيبقى مكتوب تحت خالص على اليمين باللون الاحمر فى سطر لوحده انه البطاقة مصادرة كذا كذا و ده بيبقى أول خطوة فى ادخال القيد الجديد

الواقع حاليا
1-ان القيد القديم مبطل بالفعل و انتهى حواره
2-انت عملت المحضر و قدمت نموذج 26 + الاوراق اللى طلبوها

يبقى خطوتك الجاية حد من أسرتك يروح بالنيابة عنك يشوف القيد الجديد طلع ولا لأ, لانه ممكن يكون طلع بالفعل و حصل سوء تفاهم و اللى راح معرفش, فى حالة لم يصدر شوف الورق اللى ناقص و قدمه
 

mano3

عضو فعال
التسجيل
12/12/13
المشاركات
195
الإعجابات
1
#38
تمام , ربنا يرتب
 

mano3

عضو فعال
التسجيل
12/12/13
المشاركات
195
الإعجابات
1
#39
تمام
أنا كان عندى نفس الكلام بالظبط, بيبقى مكتوب تحت خالص على اليمين باللون الاحمر فى سطر لوحده انه البطاقة مصادرة كذا كذا و ده بيبقى أول خطوة فى ادخال القيد الجديد

الواقع حاليا
1-ان القيد القديم مبطل بالفعل و انتهى حواره
2-انت عملت المحضر و قدمت نموذج 26 + الاوراق اللى طلبوها

يبقى خطوتك الجاية حد من أسرتك يروح بالنيابة عنك يشوف القيد الجديد طلع ولا لأ, لانه ممكن يكون طلع بالفعل و حصل سوء تفاهم و اللى راح معرفش, فى حالة لم يصدر شوف الورق اللى ناقص و قدمه
زي ماقولتلك , وقفوا البطاقة و ما لغوش القيد عشان كده الشهادة موجودة زي ماهي مع ايقاف البطاقة , على الرغم ان سبب وقف البطاقة تسجيل قيد ميلاد خاطيء.

حافظين مش فاهمين, طبعاً كده لازم يلغوا القيد و اسجل التاني وهستنى مدة تانية.
 

xavi66

عضو فعال
التسجيل
6/10/15
المشاركات
118
الإعجابات
0
#40
بعد اذن الاستاذ Samir وmano3 تجاوبنى
انا فلسطينى حصلت على الجنسية المصرية عن طريق جدتى المصرية من والدى بعد الثورة 25 يناير
الوالد والوالدة فلسطنيان الاصل والحمد لله اخذوا الجنسية المصرية
بس جدتى او ابى بلغو انى مواليد مصر وعملت الجنسية اقل من سن الرشد 21 سنة
عاوز اعدل لان كده محل الميلاد فى المؤهل فلسطين يختلف عن شهادة الميلاد المصرية مواليد مصر محافظة مصرية يعنى مواليد الداخل
عاوز اعدل والوالد قدم بشهادة الميلاد مواليد مصر لان الفلسطينية مش كانت موجودة
يعنى قضاء الله وقدره يحدث معى كده(الحمد لله) انا اكتشفتها بعدين بس كذا شخص اسااله يقولى ورقك سليم مش تعدل ممكن تدخل فى مشكل انت مش قدها
انا عاوز اعدل هل يوجد خطورة مسائلة قانونية حبس او غرامة او محكمة فى الموضوع عليا او على ابى لانه قدم الورق لانى اخذتها عنه بالتبعية وفقا للقانون. حاسس بقلق وعاوز اعدل ومتردد جدا
انا بسأل حضراتكم لانكم مريتوا بتجربة ذى كده
بس اعتقد انكم مصريين الاصل عشان كده اتعدل القيد واعتقد انوا اخذ وقت معكم فيه مشاكل قابلتكم ؟
انا مزدوج الجنسية الان وعاوز استخرج جواز مصرى واكمل دراسات عليا فى مصر كمصرى مش وافد
مرة اخيرة السبب اختلاف فى محل الميلاد. الاصل يكون الخارج مش مصر

ياريت تفيدونى وكذلك الاساتذة المحامين الافاضل
وكل الاحترام والتقدير للجميع
واسف جدا على الاطالة
 

أعلى