mano3

عضو فعال
التسجيل
12/12/13
المشاركات
195
الإعجابات
1
#1
تحية طيبة و بعد,

سؤالي بخصوص صوره جواز السفر المقدمة مع نموذج 26 ساقط قيد مواليد الخارج , هل للجنه الحق في ايقاف جواز السفر؟ حيث انه مدون مواليد الجيزه و ليس مواليد الخارج.

وهل للجنه حق استدعاء احد اقاربي او استدعاء شخصي او وكيلي؟ وكيف تصحح اللجنه قيد الميلاد بدون معرفة سبب الالغاء؟

شكراً للاهتمام و المتابعة
 

mano3

عضو فعال
التسجيل
12/12/13
المشاركات
195
الإعجابات
1
#2
وسؤال آخر مهم,

حسب مذكرة رئيس القطاع و التي تحتوى على التالي:

في حالة ثبوت ان الطالب من مواليد الخارج طبقاً لاصل شهادة الميلاد وانه تعامل على انه مواليد الداخل بالبطاقة في المعاملة العسكرية و المؤهل الدراسي بخلاف الحقيقة فانه يتم تحرير محضر بمعرفة مكتب البحث الجنائي للسجل التابع له الطالب ضد المبُلغ عن قيد الميلاد لآدلائه ببيانات غير صحيحة وبناءً على صورة من المحضر يتم اتباع الآتي:

1- سحب و الغاء بطاقة الرقم القومي و كذا الغاء قيد الميلاد محل البحث.
2- السير في اجراءات ساقط قيد مواليد الخارج بالعرض على لجنه طبقاً للقانون.
3- اخطار منطقة التجنيد التابع لها الطالب لأعمال شؤنها.

فالسؤال هنا

الباسبور مثبت به اني في سن التجنيد ولا استطيع السفر بدون المعافاة من التجنيد و في هذه الحالة لا اعلم ما موقف المعافاة بناء على المذكرة عاليه وهل يتعين علي الذهاب للتجنيد و تصحيح شهادة المعافة ام استمر بالتعامل بها؟

و الان انا في الخطوة رقم 2 من المذكرة وهي السير في اجراءات ساقط قيد حيث انني قدمت اصل الشهادة و نموذج 26 وصور جواز سفر و الوالدين و منتظر الرد في خلال 5 ايام , واخشى انا يتسبب ذلك في مشاكل حين عودتي بعد 3 شهور
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#3


الملاحظة الجديرة بالإهتمام هى أنه لا أحد
تحدث نهائيا عن جواز السفر !!!!!

وبالتالى فالتصحيح يشمل الأوراق الثبوتية
الأصلية الان ...

وأخطر ما فيها هو موقفك التجنيدى صحيح أم لا
فإن كان صحيحا فلا توجد مشكلة على الاطلاق ..
والمسألة مسألة وقت واجراءات .....

وسبب الالغاء لا بد وأن يكون موجودا في سجل
مصلحة الأحوال المدنية بالتأكيد ..
 

mano3

عضو فعال
التسجيل
12/12/13
المشاركات
195
الإعجابات
1
#4
شكراً ليك يا غالي . انا واخد معافاة نهائي بعد تاجيل 3 سنوات وكان معي الباسبور حينها ولم اقم بتغيره ثم حصلت على اعفاء نهائي ولم اقم بعمل باسبور جديد و الان تعقد الموقف بمصادرة البطاقة.
وارجو افادتي هل التفات لجنة التصحيح لصورة الباسبور قد يضر بسفري ام ان عمل اللجنة مختص بالقيد فقط , على حد علمي انها لجنة قضائية !!
 

ٍSamir

عضو مشارك
التسجيل
7/12/14
المشاركات
46
الإعجابات
0
#5
أخى العزيز

أنا أقوم حاليا بنفس ما تعمله من تعديل فى شهادة الميلاد و سأقول لك ما حدث معى بالظبط, أنا قدمت طلب لالغاء شهادة الميلاد الخاطئة و فى خلال اسبوع اسبوعين لغوا شهادة الميلاد و البطاقة القدام من الكمبيوتر, و بعدين قدمت طلب ساقط ميلاد الخارج نموذج 26 + شهادة الميلاد الاصلية و بعض الاوراق الاخرى, و بعد 25 يوم طلعت شهادة الميلاد الجديدة الحمد لله برقم قومى جديد تماما غصب عنى و عنك(هيطلع رقم جديد هيطلع, أنا بعرفك) + رقم ثلاثى جديد(رقم التجنيد) تابع للرقم القومى الجديد( هيطلعلك انت كمان رقم جديد غصب عنى و عنك)(لا يوجد أدنى احتمال فى انك تاخد نفس رقمك القومى و الثلاثى, الكمبيوتر هيديك جداد غصب عنك و عنى بالطبع), و بعدين قدمت اعمل بطاقة اول مرة, طبعا الصورة ليست وردية تماما, أنا كنت واخد اعفاء , روحت منذ فترة منطقة التجنيد اعدله قالولى مستحيل قبل 3 او 5 شهور على ما تجيلهم البيانات من مصلحة الاحوال المدنية و فى الاغلب تعديل الاعفاء ده مستحيل و هضطر اقدم من أول و جديد كأنى اول مرة زى البطاقة, و أيضا مصلحة الاحوال المدنية رافضة تدينى بيان يثبت عملية التغيير, لانه مش تعديل, ده ابطال قيد و انشاء واحد جديد, أما تيجى تطلع جواز هتقدم عليه كأنك أول مرة أيضا, أما تعديل الشهادات الدراسية فأنا مش عارف أنا هعمل ايه فيهم بالظبط.
أنت لو مكنتش مشيت فى العملية و لغيت كنت هقولك فكر كويس قبل أما تعدل لأنى ساعات بندم انى مشيت فى التعديل و ساعات لأ, لكن انت حالا مشيت فى السكة ولا تستطيع التراجع ابدا, القيد القديم ده بقى ماضى فكمل وانت عارف انك قدامك ليلة طوووووووووووويلة.

ربنا معاك و اتمنى ان تقول لى عملت ايه فى التعديل و لو عندك أى نصايح عرفتها من اى حد فى المصالح الجكومية.
 

ٍSamir

عضو مشارك
التسجيل
7/12/14
المشاركات
46
الإعجابات
0
#6
بالنسبة لجواز السفر أنا معرفش هما بيوقفوه ولا لأ بس لازم تتأكد بدل ما تسافر مثلا و يرفضوا دخولك تانى مثلا, لكن الأكيد انك مش هتعرف تجدده تانى أبدا لأن البطاقة القديمة اتلغت و لو ضاع مش هتعرف تطلع بدل فاقد لنفس السبب.
هما مش بيستدعوا حد أبدا, ورقك كامل و تمام ومفيش مشكلة يبقى خلاص هتعدى و هتتسجل المسألة مسألة وقت فقط, أما لو انت ناقص ورق لأى سبب هيبقى احتمال كبير يترفض طلبك.
أى ساقط قيد بيتعمل عنه استعلام ميلاد على الكمبيوتر قبل تسجيله عشان ميتسجل حد مرتين فهما بيلاقوا انك متسجل بس موقوف بقرار الغاء لسبب كذا كذا, دى نقطة هايفة متشغلش بالك.
شهادة الاعفاء القديمة اصبحت من الماضى, لازم تعدلها او تطلع اعفاء من اول وجديد على حسب اللى هيقولوه بس من ما وجدت التعديل ده سوبر مستحيل, لكن الشهادة القديمة اصبحت void زى ما بيقولوا, يعنى لازم تعدلها لان بياناتك القديمة لن تطابق بياناتك الجديدة اللى طلعت جديد و الشهادة بها رقمك القومى القديم مصلا اللى بيفرقك عن اى حد متشابه معاك فى الاسم مثلا, يعنى انت ببطاقتك الجديدة هتبقى غير بياناتك بالاعفاء و جواز السفر.
 

mano3

عضو فعال
التسجيل
12/12/13
المشاركات
195
الإعجابات
1
#7
أخى العزيز

أنا أقوم حاليا بنفس ما تعمله من تعديل فى شهادة الميلاد و سأقول لك ما حدث معى بالظبط, أنا قدمت طلب لالغاء شهادة الميلاد الخاطئة و فى خلال اسبوع اسبوعين لغوا شهادة الميلاد و البطاقة القدام من الكمبيوتر, و بعدين قدمت طلب ساقط ميلاد الخارج نموذج 26 + شهادة الميلاد الاصلية و بعض الاوراق الاخرى, و بعد 25 يوم طلعت شهادة الميلاد الجديدة الحمد لله برقم قومى جديد تماما غصب عنى و عنك(هيطلع رقم جديد هيطلع, أنا بعرفك) + رقم ثلاثى جديد(رقم التجنيد) تابع للرقم القومى الجديد( هيطلعلك انت كمان رقم جديد غصب عنى و عنك)(لا يوجد أدنى احتمال فى انك تاخد نفس رقمك القومى و الثلاثى, الكمبيوتر هيديك جداد غصب عنك و عنى بالطبع), و بعدين قدمت اعمل بطاقة اول مرة, طبعا الصورة ليست وردية تماما, أنا كنت واخد اعفاء , روحت منذ فترة منطقة التجنيد اعدله قالولى مستحيل قبل 3 او 5 شهور على ما تجيلهم البيانات من مصلحة الاحوال المدنية و فى الاغلب تعديل الاعفاء ده مستحيل و هضطر اقدم من أول و جديد كأنى اول مرة زى البطاقة, و أيضا مصلحة الاحوال المدنية رافضة تدينى بيان يثبت عملية التغيير, لانه مش تعديل, ده ابطال قيد و انشاء واحد جديد, أما تيجى تطلع جواز هتقدم عليه كأنك أول مرة أيضا, أما تعديل الشهادات الدراسية فأنا مش عارف أنا هعمل ايه فيهم بالظبط.
أنت لو مكنتش مشيت فى العملية و لغيت كنت هقولك فكر كويس قبل أما تعدل لأنى ساعات بندم انى مشيت فى التعديل و ساعات لأ, لكن انت حالا مشيت فى السكة ولا تستطيع التراجع ابدا, القيد القديم ده بقى ماضى فكمل وانت عارف انك قدامك ليلة طوووووووووووويلة.

ربنا معاك و اتمنى ان تقول لى عملت ايه فى التعديل و لو عندك أى نصايح عرفتها من اى حد فى المصالح الجكومية.
اها ضابط المباحث قالي الرقم القومي هيتغير بس في محامين قالولي مستحيل يتغير الرقم قومي بيطلع مره واحده , بس الضابط كان عاوزني الغي الباسبور قولتله انا مسافر قالي طب مش هينفع اعملك المجضر وعملت توكيل لوالدتي عشان اكيد مش هيفتكرني فعملها المحضر بعد ما طلب شهادة تحركات , المهم المحضر اتعمل والبطاقة اتوقفت والقيد اتلغي.

المهم دلوقتي التسجيل , انا قدمت نموذج 26 + صورة جواز سفري + صور جواز سفر الوالدين.
هل كان في اوراق تانية المفروض اقدمها؟ لاني سافرت بعديها؟ قالي بعد 25 يوم تابع الحاسب الالي وفاضل 4 ايام تقريبا, بس مش عارف انت قدمت ايه زياده؟
 

ٍSamir

عضو مشارك
التسجيل
7/12/14
المشاركات
46
الإعجابات
0
#8
أنا قدمت نفس الورق, طالما انت قدمت الورق اللى طلبوه منك بالكامل يبقى انت فى السليم, متقلقش ان شاء الله هتتسجل, لكن انت لازم تطلع بطاقتك الجديدة بنفسك فى مصر عشان تشوف تطلع جواز جديد و اعفاء جديد
الرقم القومى هيتغير ده أمر واقع 100% سيبك من أى كلام تانى لأنك هتاخد كود مواليد الخارج
انت لازم تخلى بالك و تتابع الموضوع ده للنهاية لأنه خطير ولازم تطلع بطاقتك و الا حالك هيقف
 

mano3

عضو فعال
التسجيل
12/12/13
المشاركات
195
الإعجابات
1
#10
شكراً ليك انا عارف ازاي بيتعمل الرقم القومي و بيتحدد على اي اساس وكل مدين ليها كود, شكراً ليك على اهتمامك
بس انا للاسف اجازاتي قصيرة يعني بالكتير اقد اطلع بطاقة و اغير الباسبور و الاجازه اللى بعدها اشوف موضوع التجنيد , لان اجازتي كلها 15 يوم هطلع بطافة مستعجل في 3 ايام و الجواز 3 زيهم ومش فايق للجيش لان بالهم طويل وممكن يقولي تعالى بعد شهرين طبعاً صعب.

نسيت اقولك اني قدمت اصل شهادة الميلاد + نموذج 26 + صورة جواز سفري + صور جواز سفر الوالدين.

بس طلبوا مني شهادة جنسية قولتلهم اني مواليد دولة عربيه قاولي لا خلاص مش عاوزين شهادة جنسية بس هات ما يفيد الغاء القيد القديم طبعاً محدش اداني اي حاجه و قالولي ملغية على الحاسب , روحت قولتلهم ملغية على الحاسب وده كل اللى عندي.

بعدها الموظفة راجعة نموذج 26 وشافت اصول الجوازات و اخدت الصور و تقريبا كتبت على صوره باسبوري ان القيد ملغي من الحاسب او حاجه كده.

دي اخر حاجه عملتها وسافرت بعدها باسبوع
 

ٍSamir

عضو مشارك
التسجيل
7/12/14
المشاركات
46
الإعجابات
0
#11
ربنا معاك, انت بدون ما تطلع الاعفاء الجديد لن يسمحوا ليك بالسفر أبدا, لان الاعفاء القديم يكون سارى على بياناتك القديمة فقط اللى اتوقفت بالفعل فالاعفاء ده اصبح لقيد ملغى, يعنى مش هتعرف تطلع جواز سفر جديد بدون ما تطلع الاعفاء الجديد, مش هيرضوا يطلعوالجواز الجديد ليك أصلا, هيقولولك فين وثيقة الجيش سواء اعفاء مؤقت او نهائى او اتمام تجنيد, يعنى انت تطلع البطاقة ثم الاعفاء ثم الجواز بالترتيب ده
 

mano3

عضو فعال
التسجيل
12/12/13
المشاركات
195
الإعجابات
1
#12
اها بس هتمشي مش هياخدو بالهم ان الرقم القومي في الاعفاء مختلف ومحدش هيدقق في الرقم القومي انا مجرب خما بيستفوا ورق وبعدين ابقى اغير الاعفاء لما تتسجل في الباسبور .

بس انت قدمت نفس الاوراق للتسجيل ساقط قيد ولا في حاجه ناقصة؟

وشكراً على اهتمامك
 

ٍSamir

عضو مشارك
التسجيل
7/12/14
المشاركات
46
الإعجابات
0
#13
ممكن تمشى و ممكن لأ, أنا الحقيقة مجربتش بس ربنا معاك, هما اللى بيطولوا فى الاجراءات, أنا قدمت نفس الورق, طالما اتاخد الطلب منك و مقدم ورقك تمام يبقى هتتقبل ان شاء الله, بس أهم حاجة تكون اديتهم شهادة الميلاد الأصلية المتصدق عليها لأنهم ساعات بيتلككوا على هذه الجزئية
 

mano3

عضو فعال
التسجيل
12/12/13
المشاركات
195
الإعجابات
1
#14
اها اصلية مصدق عليها من الخارجية في مصر, بس مطلبوش منك رقم صادر او محضر او اي حاجه؟
 

ٍSamir

عضو مشارك
التسجيل
7/12/14
المشاركات
46
الإعجابات
0
#15
لأ مطلبوش منى أى منهم
أنا ان شاء الله هحاول اتابع يوميا معاك هنا فى هذا المكان لو فى جديد من ناحيتى او من ناحيتك
ربنا يسهل و تطلعلك الشهادة أول الاسبوع الجاى ان شاء الله
و بالتوفيق
 

mano3

عضو فعال
التسجيل
12/12/13
المشاركات
195
الإعجابات
1
#16
ربنا يخليك تعيش يا غالي
 

ٍSamir

عضو مشارك
التسجيل
7/12/14
المشاركات
46
الإعجابات
0
#17
يا غالى
ايه الاخبار عندك؟ فيه حد من طرفك راح سأل على الشهادة طلعت و لا لسه؟ اللى يروح من طرفك لازم يبقى قريبك و يروح يطلع كام نسخة لانك هتحتاج واحدة للبطاقة و واحدة للجواز و واحدة لتعديل الاعفاء و غيره من أوراقك

هيا فى الأغلب هتكون طلعت, ال25 يوم دول مش مدة ثابته, هما بيخلصوها قبل كده بس بيقولك 25 يوم عشان لو حصل تأخير
 

mano3

عضو فعال
التسجيل
12/12/13
المشاركات
195
الإعجابات
1
#18
لا لسة والدتي هتروح يوم الاربعاء , شكراً على اهتمامك.
بس انا قلقان انها تترفض بسبب التغليف الحراري لاني مغلفها عشان هي قديمة وكرتون وكنت خايف تتبهدل مني بسبب السفر و التنقلات.
 

ٍSamir

عضو مشارك
التسجيل
7/12/14
المشاركات
46
الإعجابات
0
#19
ربنا هيسهل ان شاء الله, متقلقش هما بيشوفوا الاختام و يتأكدوا منها بس, ما الاعفاء بيتغلف مثلا, و سواء كده او كده هتعرف فى غضون يومين, ربنا يرزقك و تقع تحت ايد موظف كويس هناك هوا اللى بيكون بيعمل ورقك.
 

mano3

عضو فعال
التسجيل
12/12/13
المشاركات
195
الإعجابات
1
#20
ربنا يسهل , انا بس قلقان لاني لو فيها اي مشكلة هفضل متعلق لا طايل سما ولا أرض .
 

أعلى