Mahmoud Abdo

Mahmoud Abdo

الوسـام الماسـي
#1
‫‏جميـــــــــــــــــــله_جدا‬
بصى يا ‏بنوته‬ انتى وهــيه
عايز احكيلك عــن ‫‏بنتيــن‬
طريق كل ‫‏بنت‬ غير التانيه
وانتى اختارى من ‫‏الاتنيــن‬

*****************
‫‏الاولى‬ بنت من البنـــــات ..... فكرتها ان الجامعه دى نادى
لبست جهزت بعد ساعــات ..... والمكياج طبعا شئ عــادى
كان شكلها ملفت بزيــــاده ..... وحجابها ده مكانش حجـاب
راحت الجامعه بكل سعـاده ..... كان همـها بس الاصحــــاب
كان نفسها يبقالها زميل ..... يعنى صديق او حتى حبيب
زى صحابها ف نفس الجيل ..... كان تفكيرهـــا بــجد غريـــب
وف يوم واحد جـــه كلمــــها ..... قال نتعرف بقـى يا جميـــل
وشــويه بالحـــب وهمـــــها ..... وقضــوها كلام طــول الليــل
كانت شايفه الجنه معـــــاه ..... وانـه اكـيد فــارس الاحــــلام
مستقبــلها خــلاص ويـــاه ..... دراستـــها بقـــت اى كــــلام
كان فاضل لـــها بس التكــه ..... و هايتقـــدم لــــيها خـــلاص
وف يوم قالها انتى ف سكه ..... وانا من سكه يا بنت الناس
قالها انا اصلا مش ممكـــ ن ..... اخد واحده كــده عرفتــــنى!
اه نتصاحب بس هتسكــن ..... قلبى ال فـ بيتها استنتنــى
البنــوته يومــــها اتصدمـــت ..... اصلها بقا خسرت سمعتها
نفســـيتها فعـــلا تعـــــــبت ..... بعد ما كــله عـــرف حكايتـــها
ندمت هــى لكــن متأخــــر ..... بعد ما ضاعت بقـــا برائتــها
واهى عماله كتير تتحصــر ..... على اسوأ ايام فى حياتـــها
واهى دى اول قصه معـــانا ..... بنت اختــارت بــس الدنـــــيا
حكايتها محــزنه بأمـــــانه ....... تعالى نشوف البنت التانيــه

*************************************************
البنوتــه_التانـــيه‬ حكايــــــه ..... راحت الجامـعه تدرس فيـــها
ورغم ان جمالها دا كان آيـــه ..... برده حجابــها كــان مداريـــها
كل هدفــــها كـــان مولاهــــا ..... نفســـها اوى تتفــوق جـــدا
كان توفـــيق ربـــها وياهــــــا ..... علشان كده عمرها ما بتحزن
خبت ع الناس كـل جمالهـــا ..... كـــان همـــها ربـــنا ترضـــــيه
طول السـكه تغــض بصرهـــا ..... طبـــــعا قلبــــها وبتحمـــــــيه
وحيائها كـان ســر جمالهـــا ..... ممكـن تغلط ؟ مش معقـــول
وف يوم جه كلمـها زميلهـــا ..... رفضت اى كلام علــى طــول
كانت صاينه القلب وعارفــــه ..... انــه ف يــوم هيــحب حـــلال
عاشت ع الطـهر وع العفــــه ..... وبجــد كانت خيــــــر مثــــــال
صبرت نالـــت بـعــــد الصبـــر ..... واحد جالـــها لحـــد البيــــــت
شافها عفيفه وزوجه العمـــر ..... لمـا لاقاهـــا قــال اه ياريــــت
هــى البنـــت الـ اتمنيتــــها ..... تقـــدر صـــــح تربــــى ولادى
هتكون ملكه جوا ف بيتهـــا ..... وهكون انـا ..مطمّـن راضـــى
هى ان جيتو للحق اتشدّت ..... ليه واتمنت يبقـى نصيبـــــها
كتبــو كتابها زى مــا طلبــت ..... علشان يبقى حلالها حبيبها
عاشت اجمل حلــم معـــاه ..... راح سمّــاها حــــور العـــــين
واجتمـــعوا علــى حــب الله ..... وعامـــلها بمــــــوده وليــــــن
هى اختارت صح طريقهــــا ..... الـ نهايتــه هتبــقى الجنَّــــه
والفرحه مفارقش حياتهــــا ..... زى ما طول عمرها تتمنــــى

*************************************************
ها يا بنوته انهــى اختارتــى ..... طريق مين فيهم م البنتيـن
اوعى تكونى شويه احتارتى ..... دا الصح مالهوش اتنين
كونى عفيفـــه وطيــعى الله ..... واوعى ف يوم ترضيكى دَنِيّه
بايدكى تعيشى احلى حياه ..... وافتكرى كويس انــك غاليـــه
 

أعلى