nor3

عضو مشارك
إنضم
9 ديسمبر 2014
المشاركات
3
الإعجابات
0
#1

الساده القائمين على المنتدي والقسم قانوني الاستشاري
تحية طيبه وبعد​

انا مهندس مدني عمري 28 عاما .. أخدت شهادة اعفا مؤقتة تحت الطلب (طبقا للمادة 35 من القانون رقم1980/127) لمدة 3 سنوات اعتبارا من 18/1/2012 حتى 17/1/2015.

وحاليا أعمل في السعودية
1) هل لو نزلت مصر حاليا فيه احتمال كبير أدخل الجيش ولا الإحتمال الاكبر إني آخد "لم يصبه الدور" ؟؟ .. مع العلم إني مقبل على زواج و دخولي الجيش حاليا يدمر مستقبلي بكل المقاييس.
2) ظروف عملي لا تسمح لي نزول مصر حاليا لإنهاء موقفي من التجنيد .. فما العمل ؟
- سمعت من بعض الناس انه يمكن عمل توكيل لاحد الاقارب في مصر للإستعلام عن إذا كنت مطلوب أو لا ..
- أو ان اذهب للسفارة في السعودية .. لكن أرجو توضيح هل ذهابي للسفارة يعتبر إني كده عرفتهم مكاني في حالة إني لو طلع ليا جيش ؟؟

نزولي مصر حاليا يعتبر مسألة في غاية الأهمية .. لكن مش هينفع اجازف إني أدخل جيش خصوصا مهندس 3 سنين .. أو أستنى هنا سنتين منزلش مصر لحد سن الهروب.

أرجو الرد ضروري بارك الله لكم. :confused:
 

Mahmoud Morsy

عضو مشارك
إنضم
1 مارس 2014
المشاركات
72
الإعجابات
1
#2
اخي, مفيش حاجة اسمها احتمال كبيرتدخل او تخرج, قبول الجيش بيبقي مسالة نصيب وحسب الأحتياج مش اكتر, انت ليك 30 يوم من تاريخ 17 يناير 2015 تقدم نفسك للتجنيد, لو نزلت بعديه قبل ما تكمل سن 30 هتبقي متخلف وتتحاكم وتادي الخدمة وسنة زيادة, اما لو بعد سن 30 هتبقي متخلف بردو بس بتدفع الغرامة وخلاص.
وبالنسبة للتوكيل: 99.9% من امور الجيش بتستلزم حضورك شخصيا.
وماتخافش من السفارة او الملحق العسكري بالعكس هما محترمين جدا ولا بيمسكوا ولا بيبلغوا عن حد (ماتقلقش من الموضوع تماما لأني فكرت زيك وبعدين اكتشفت غير كده).

وعلي العموم نصيحة اخوية من مجرب: انزل خلص موضوعك قبل ما ترتبط بجوازة او اي حاجة تانية لأنك متعرفش ايه اللي ممكن يتعدل في القانون وتلاقي نفسك لابس في مشاكل ومفيش عندك خيارات وتقعد في هم وكرب لفترة كبيرة.

طولت عليك بس مش حابب حد ابدا يعيش تجربتي المؤلمة اللي عايش فيها انا وغيري لحد دلوقتي ومتعلقين.
 

nor3

عضو مشارك
إنضم
9 ديسمبر 2014
المشاركات
3
الإعجابات
0
#3
اخي محمود،
متشكر جدا على ردك و اهتمامك ..

أنا بس فعلا مش هينفع أنزل مصر حاليا خالص علشان ظروف شغلي .. و الكفيل حاجز معاه باسبوري و ذل :frown: .. فلو سابوني أنزل هيكون بعد معاد إنتهاء التأجيل و حتى الشهر إلي مسموح بعده .. علشان كدا بدور على حل ممكن أقدر أخلص بيه ورقي وأنا هنا قبل ما وقت التأجيل ينتهي.
- غير إن فكرة نزولي مصر ودخولي الجيش ولو بنسبة 1% دى لوحدها مخاطرة بكل اللي حوشتة هنا .. و كمان نفسيا في مصر بتحول .. حتى موضوع جوازي هيبوظ .. فاني أنزل وأتاخد جيش دي حياه أو موت بالنسبالي للاسف.

أخر فرصة قدامي أسأل في السفارة و أنا هنا و ربنا يستر مكنش كدا بقولهم مكاني فين ..

- معلش بس سؤال أخير .. السفارة بسألهم بالتليفون ولا بروح أسأل فيها ومعايا ورق إيه بالظبط هيطلبوه علشان يبعتوه لادارة التجنيد في مصر يستعلمو عن إسمي ؟؟

و أسف اني طولت عليك بجد ربنا يباركلك و يقدرك على مساعدة الناس و ييسرلك أمورك دايما
 

gamal gamal

محامى ومستشار قانوني
إنضم
1 أغسطس 2004
المشاركات
12,948
الإعجابات
505
#4
عليكم السلام

الغالب أنك ستأخذ الشهادة
وعموما يمكنك الانتظار حتى
كوعد انتهاء شهادتك وترى
ما ذا سيحدث ...

وساعتها يمكنك تحرير توكيل
لاستلام الاعفاء أو الشهادة ...
 

nor3

عضو مشارك
إنضم
9 ديسمبر 2014
المشاركات
3
الإعجابات
0
#5
عليكم السلام

الغالب أنك ستأخذ الشهادة
وعموما يمكنك الانتظار حتى
كوعد انتهاء شهادتك وترى
ما ذا سيحدث ...

وساعتها يمكنك تحرير توكيل
لاستلام الاعفاء أو الشهادة ...
سلام عليكم يا أستاذ جمال .. شكرا جدا على رد حضرتك و اهتمامك..
عندي استفسار مهم جدا هو إني حاليا خارج مصر فكيف لي ان أعرف النتيجة .. هل بتوكيل حد يروح يقف بدالي في مصر يوم انتهاء اعفتي المؤقتة ولا كيف لي الحصول على النتيجة وانا في السعودية لا استطيع النزول مصر ؟؟ :frown::frown::confused:

اسف على اطالتي في الاسئلة بس دي اهم نقطة رجاءا
 

gamal gamal

محامى ومستشار قانوني
إنضم
1 أغسطس 2004
المشاركات
12,948
الإعجابات
505
#6
عن طريق قريب أو صدبق يسأل
قبل انتهاؤها بمدة كافية ...
 

أعلى