الحالة
موضوع مغلق

البرنس المنشاوى

عضو مشارك
التسجيل
9/9/14
المشاركات
42
الإعجابات
0
#1
يأخ new yasser أنا عامل غياب بئالى سنتين وبفكر أروح بعد 30 سنه أتسجن بس من غير الرجوع للوحده (لأن أعصاب رجلى تعبانه ) وأخلص موضوع الجيش بئى ... وكنت سألت هنا فى المنتدى عن كيف يعامل الهاربين من الجيش داخل السجن الحربى وانت جزاك الله خيرا رديت عليا أبل كده بس معلش أنا عندى 4 نقاط بس عايز أستفسر عليهم منك عشان أبئى عرفت كل حاجه عن الموضوع ده أبل أما أروح فياريت توضحهملى وجزالك الله كل خير....

1-انت اولتلى المره اللى فاتت انى فى الغالب ممكن أخد حكم مع الشغل ولو معايا صنعه بشتغل بيها جوه السجن بس لأن اللى بيطلعو انشاءات بره هما اللى معاهم حكم سجن مع العوده أنا دلوئت معيش صنعه. معايا مؤهل عالى (كليه) وأعصاب رجلى تعبانه ومبئدرش أعمل مجهود خالص وهو ده أصلا سبب انى عملت غياب فهل أنا دلوئت لو اتحبست وأنا معيش صنعه برده هيشوفولى أى شغل ومجهود أعملو برده (غير الصنعه) وأنا جوه السجن ولا اللى بيشتغلو جوه هما اللى معاهم صنعه بس واللى معوش صنعه زيى كده بيتحبس بس من غير ما يعمل اى شغل جوه ... ولو كانو هيشوفولى شغل غير الصنعه هل لو واحد تعبان زيي كده ممكن ان صف الظباط اللى جوه السجن يسيبوه من غير ما يشتغل (أصدى يعنى لو الناس اللى محبوسه معايا جوه راعوا حالتى الصحيه وألولى أحنا هنشيل أحنا الشغل بدالك هل صف الظباط اللى جوه هيرضوا ويسيبوهم هما يشيلو الشغل بدالى وأنا معملش مجهود عشان ظروفى الصحيه ولا هيرخموا (صف الظباط) ويصممو ان أنا لازم أشتغل ...(يعنى من الأخر عايز أئول صف الظباط اللى جوه بيراعوا حالة اللى تعبان زيي كده ويئولو كفايه عليه السجن ومش لازم نرخم عليه ونصمم ان هو يشتغل ولا مفيش رحمه وهيصمموا انى اشتغل وأعمل مجهود حتى لو أنا تعبان ...... ياريت حضرتك توضحلى النقطه دى بالذات وتكون متأكد منها لأن أنا اصلا السبب اللى خلانى اعمل غياب هو ان أعصاب رجلى تعبانه خالص ومش حمل أى مجهود وهما فى الوحده اللى كنت فيها مئدروش حالتى الصحيه خالص فلو برده فى السجن مش هيئدروا حالتى الصحيه وهيصمموا انى اشتغل مش هروح أسلم نفسى فياريت حضرتك توضحلى النقطه دى وتكون متأكد منها.

2- انت اولتلى المره اللى فاتت انى ممكن أغير الشهاده بعد سنه عايز أعرف بس ممكن أغيرها لأى درجه ولا هى درجه واحده بس (يعنى أصدى ممكن بعد سنه أغيرها من سيئه لجيده وبعد فتره تانيه أغيرها من جيده لقدوه حسنه ولا مدام واحد اتسجن يبئى أخروا يغيرها لجيده بس.

3_ كنت عايز أعرف هل ان شاء الله لو قررت أروح بعد 30 سنه هل أبل ما أروح أسلم نفسى للوحده لازم أروح السجلات العسكريه وأسأل ملفى وصل ولا لأ ولو مكنش وصل أستنى لما يوصل ولا الكلام ده بالنسبه للى هيروح بعد 36 سنه انما اللى هيروح بعد 30 سنه زيى كده يروح يسلم نفسوا فى الوحده علطول وملوش دعوه بالسجلات العسكريه خالص.

4_ أخر نقطه هل لو روحت بعد 30 سنه لازم أخد معايا محامى عسكرى عشان يحاول انو يخفف الحكم شويه ولا دى كده كده أجراءات هتم والمحامى مش هيعمل حاجه . وهل لو من الأفضل انى أخد معايا محامى هل لازم المحامى ده يكون كان قاضى عسكرى أبل ما يشتغل محامى ولا هوه المهم يكون محامى عسكرى وخلاص حتى لو مكنش قاضى عسكرى أبل كده.

معلش أنا طولت عليك بس ياريت توضحلى النقط دى عشان أبئى عرفت (ان شاء الله) كل حاجه عن الموضوع أبل ما أروح فياريت توضحلى النقط دى وجزالك الله خيرا.


ياريت يجماعه لو أى حد يعرف برده حاجه عن النقط دى برده يرد ويوضحها عشان أنا وأى حد حالته شبه دى يستفيد من خبرة الكل
 

الحالة
موضوع مغلق

أعلى