amr saeed kamal

عضو جديد
التسجيل
14/11/14
المشاركات
6
الإعجابات
0
#1

اجمالى الموضوع كالاتى :
والدى بعلنا العمارة اللى احنا ساكنين فيها وجبنا محامى فى البيت وخلص الموضوع فى وجودى وكل اخواتى ووالدى والمحامى وعمى اخو والدى . وبعدها بفترة خدنا صحة توقيع من المحكمة ووالدى خد عقد البيت وسلموا لعمى أخوة علشان يحافظ علية , وبعد فترة توفى والدى الله يرحمة ويرحم جميع أموات المسلمين وبدء عمى يطمع فينا وفى الميراث . جدتى ام والدى لسه عايشة ربنا يديها الصحة وطول العمر وهيا بنفسها قلتلنا انا هتنازل عن حقى فى ميراثى ليكوا وهيا بتاخد ايجار ارض تعيش بية زى والدى اما كان بيعمل ووصانا عليها وهيا فى عنينا والله بس عمى لعب لعب خبيث من ورايا وراح قلها ان احنا هنرميها ومش هنصرف عليها وكلام زى ده لحد اما هيا صدقت الكلام ده وقالت مش هتنازل قلنالها ماشى ده حقك بس والدى كان موصى قبل اما يتوفى بيومين بالظبط على قطعة ارض تبقى لينا وبعدها نقسم الميراث وعمى حلف بالله قدامنا بعد وفاة الوالد ان دى وصية وهوا اول واحد هيمشيها وبعد فترة الطمع خلاة يحلف بالله ان دى مش وصية طبعا بجانب الكلام اللى راح قالوا لجدتى عننا كذب والله . المهم دلوقتى فى قضية مرفوعة علينا ( بدون ذكر تفاصيل ) والمحامى بيقولنا محتاج عقد البيت ده علشان اقدموا فى المحكمة وعمى مش عاوز يدينا العقد ومتمسك بية . وناس قلتلنا ان هوا بيعمل كدة علشان بعد وفاة جدتى ربنا يطول فى عمرها ييجى ياخد سقة فى العمارة وهيقطع عقد البيت ده علشان لما ياخد شقة يبقى بياخد حق جدتى اللى هوا 1/6 رغم ان هوا اللى ماضى شاهد على العقد .... الخلاصة ان المحامى دلوقتى عاوز عقد البيت ده وبيقولنا لازم تجيبوة قبل الجلسة اللى هيا هتبقى يوم 25/11/2014 وعمى مش راضى يدينا العقد وفى ناس بتقولنا مادام فى صحة توقيع فى المحكمة منك ومن اخواتك ووالدك ممكن تقدر تروح تجيب صورة طبق الأصل من العقد ده ... ايه الحل دلوقتى ؟ ينفع اطلع على المحكمة واجيب صورة طبق الأصل ولا لازم العقد اللى مع عمى ؟؟؟ مع العلم ان احنا ولا معانا ارقام تخص العقد يعنى لو رحت المحكمة وطلبوا منى رقم العقد او اى تفاصيل مش معانا والسبب عمى كان دائما يقولنا انا معايا كل حاجة وانا معاكوا وعارف كل حاجة وبعد اللى عملوا قطعنا ومبقاش يجيلنا البيت وسابنا مش عارفين نعمل اى حاجة وطبعا والدتى كمان توفاها الله قبل والدى بفترة . ده حتى ميراثنا فى حاجات فى العزية مش عارفينوا لحد دلوقتى وحسبى الله ونعم الوكيل فية . ياريت اللى يعرف يدلنا نعمل ايه فى موضوع العقد ده اكون شاكل جهودة
 

amr saeed kamal

عضو جديد
التسجيل
14/11/14
المشاركات
6
الإعجابات
0
#2
انا نسيت حاجة . والدى سلم عقد البيت لعمى علشان يحافظ علية علشان عمى دائما بيحافظ على الورق اللى عندة وكان واثق فية ووالدى كان بدء يشعر بتعب ولما كشف عرف انوا مريض علشان كدة سلم العقد لعمى وقالوا خلى بالك منوا ومن العيال . وطبعا كان معرف جدتى بالموضوع علشان محدش يقول انوا كان بيحرمها من الميراث لا كان بيصرف على والدتوا الحمد لله واجر ارض ايجارها بالكامل كان اجدتى علشان تعيش منوا بردوا
 

عزت السيد

عضو مشارك
التسجيل
12/10/14
المشاركات
29
الإعجابات
1
#3
الاخ الفاضل يتضح من كلام حضرتك انه سبق رفع دعوي صحة توقيع امام المحكمه بشان العقد المذكور وللعلم انه اذا كانت الدعوي قد انتهت بالحكم فيها (كما هو معلوم من كلام حضرتك) فان المحامي رافع الدعوي يستطيع هو او المدعي ان يحصل علي صورة رسميه من الحكم الصادر في الدعوى وكذلك عريضة الدعوي اضافة الي انه يقوم بسحب اصل المستندات المقدمه منه ( وهي في هذه الحالة اصل عقد البيع سند الدعوى) ويبقي في ملف الدعوى مجرد صورة ضوئيه من اصل عقد البيع
وبالتالي لا يوجد اصل للعقد في المحكمه وانما مجرد صورة ضوئيه فقط لا غير
وكل ما تملك ان تحصل عليه هو صورة رسميه من عريضه الدعوي وكذلك الحكم الصادر فيها
مع خالص تحياتي
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#4
عليكم السلام
من حقك الذهاب الى المحكمة والحصول على
صورة رسمية من الحكم + صورة رسمية من
صحيفة الدعوى + صورة رسمية من وجه الحافظة
+ صورة ضوئية من عقد البيع .................
بالاضافة الى تحرير محضر فى قسم الشرطة ضد
عمحكم بخيانة الأمانة وعدم رد أصل عقد البيع
المودع لديه كأمانة من والدكم .................
البحث عن رقم الدعوى والصور الرسمية سيأخذ
حوالى يوم كامل فى المحكمة ................
وان لم تستطع أنت فعل ذلك استعن بمحام تثق فيه
 

amr saeed kamal

عضو جديد
التسجيل
14/11/14
المشاركات
6
الإعجابات
0
#5
وبركاتة
أشكر الاعضاء الكرام على المساهمة فى توجيهى بطريقة صحيحة جعل الله اعمالكم فى ميزان حسناتكم , بالنسبة للمحامى اللى انا وكلتة للقضية هوا اللى بيقولى لازم تجيب العقد ده من عمك ولازم العقد ده ومش هنعرف نعمل حاجة من غيروا ؟ يتضح من كلام الاعضاء الكرام ان المحامى ده بيلعب بينا ! مع العلم ان المحامى على معرفة قوية بعمى وهوا اقسم لاخى الكبير ان عمى جلس معاة قرابة الساعتين فى مكتبة وقالوا ان العيال دى انا هخليها على الحديدة والمشكلة ان عمى معاة اغلب العقود بتاعت الميراث ومعاة عقود خاصة بكل عماتى ( اخوتة ) وكمان عقود خاصة بجدتى يعنى كل حاجة فى ايدة وده اللى مخلية مستقوى علينا .. طبعا الكل كان بيثق فية قبل كدة , وسمعنا كمان انوا قسم قطعة ميراث علية هو واخوتة (عماتى ) من غير اما يعرفنا علشان معاة الختم الخاص بجدتى وتوكيل عام منها ..... طبعا فى ناس هتقول ان احنا عبط وازاى تسيبوا العقود مع عمك بس زى اما قلتلكوا الكل كان بيثق فية وهوا كان كويس بعد وفاة والدى رحمة الله لكن الطمع خلاة أعمى القلب والبصيرة ...
 

أعلى