menna <3

عضو مشارك
#1


بتمني ان حد يساعدني ويقولي اعمل ايه بالظبط في جيش اخويا ..

*بابا متجوز غير امي ولي ولد وبنت اكبر مني ومن اخويا وماعرفش اي حاجة عن ظروف جيش الولد التاني دا ملناش علاقه بيهم
*بابا كان عايش في العراق ومن بعد حرب العراق والكويت ماعرفناش عنه اي خبر .. الا في سنه 2002 جه حد لزوجه التانيه وقالها انه مات من غير مايجيب اي ورق رسمي يثبت دا
*امي اتطلاقت غيابي (بعد 4 سنين ) من بابا ولحد دلوقت الطلاق دا شغال
*مش معنا اي ورق يثبت ان بابا مات ولا بطاقه شخصيه مش معنا الا شهاده ميلاده ووثيقه الجواز
* اخويا دفعه 90 بس هو لسه مخلص معهد السنه دي
*اخويا ولد وحيد لامي وانا اخته الاكبر وغير متزوجه


مطلوب من اخويا (علي حسب ماقريت في موقع وزاره الدفاع )

_قيد عائلي للاب في الحاله دي يبقي القيد العائلي هيبقي باسم الاب ولا باسم اخويا ؟
_مطلوب بطاقه الشخصيه للوالد والرقم القومي .. احنا مش معانا بطاقه معانا شهاده الميلاد وفيها متسجل رقم قومي .. هل الرقم القومي بيكفي ؟ ولا لازم البطاقه ؟ وفي حاله احنا مش معانا اي ورق غير دول نتصرف في البطاقه ازاي ؟
_مطلوب شهاده وفاه معناش شهاده وفاه .. في حد قالنا نعمل قضيه نطلع شهاده الوفاه نثبت انه متغيب وفي حد قالنا ان نعمل لي تتبع .. وحد تاني قال طبيعي ان عشان تتعمل شهاده الوفاه لازم يتعمل تتبع .. فانهي الافيد فيهم بالنسبه عشان نخلص ورق الجيش ؟

*بالنسبه لوجود ولد تاني دا هسمح ان اخويا يدخل ؟(علما ان دا من ام ودا من ام وامي متطلاقه وابي مختفي )
*احنا مانعرفش اي معلومات عن العيله التانيه وخايفين ان يكون عمل ارشاد عيله علينا .. فهل يجوز ان يعمل ارشاد علينا ؟وهو كمان ولد وحيد امه .. ولو كان عمله فعلا ممكن الطعن فيه لان اصلا مش بيعولنا ؟.. وكمان ازاي نتاكد ان خرج من الجيش ازاي؟


* في الحاله دي اخويا يقدر ياخد الاعفاء المؤقت او لا ؟ وايه الاجراءات الازمه عشان نخلص الورق دا ؟
 

menna <3

عضو مشارك
#2
اخويا الاكبر عدا سن 30 والي عرفنا انه خد اعفاء بس مانعرفش التفاصيل
*ولو اخويا هيبقي هو ارشاد عائله لينا فياتري هيكون القيد باسمه ؟ ولا بردوا باسم الاب ؟
 

gamal gamal

محامى ومستشار قانوني
#3
عليكم السلام

رجاء توضيح الأمر أكثر ولكن فقط اذكرى لى
كم عدد أفراد أسرتكم أنتم فقط وهل ما فهمته
أنا الان صحبح أم لا من خلال هذه المعلومات ::

الأب .............. مفقود
ابن .................
ابنه ..............
زوجة ......... أصبحت مطلقة

---------------------------
أسرة ثانية ( لا يهم عددها )
 

menna <3

عضو مشارك
#4
عليكم السلام

رجاء توضيح الأمر أكثر ولكن فقط اذكرى لى
كم عدد أفراد أسرتكم أنتم فقط وهل ما فهمته
أنا الان صحبح أم لا من خلال هذه المعلومات ::

الأب .............. مفقود
ابن .................
ابنه ..............
زوجة ......... أصبحت مطلقة

---------------------------
أسرة ثانية ( لا يهم عددها )

ايوة تمام صح
 

gamal gamal

محامى ومستشار قانوني
#5
فى هذه الحالة

المفروض أن يحصل الابن على الاعفاء لكونه العائل الوحيد
لأمه المطلقة .............
والقيد العائلى للوالد من السهل الحصول عليه من السجل المدنى ...
والرقم القومى للوالد ثابت فى شهادة الميلاد ...
ويمكنكم استخراج شهادة من الجوازات بتاريخ سفر
الوالد خارج البلاد ........
ويقدم ورق الاعفاء للتجنيد ...........

وأنتم لستم فى حاجة الى اثبات غياب لكون والدتكم
مطلقة ... وان حصلتم على حكم بفقده سيكون أفضل أيضا ....

المهم أن لا يتأخر فى التقديم من الان .........
 

menna <3

عضو مشارك
#6
شكرا لحضرتك

بس معلش اخر سؤال .. القيد العائلي يتعمل باسم الاب ولا اخويا ؟
ونذكر في القيد الاسره التانيه ولا لا
 

gamal gamal

محامى ومستشار قانوني
#7
بإسم الأب ...
وأنتم لا يطلب منكم ذكر أى شىء
الا اذا طلبوا منكم تصحيح خطأ محدد ...
 

menna <3

عضو مشارك
#8
شكرا لحضرتك كتير .
 

أعلى