amr saeed kamal

عضو مشارك
#1
:
الموضوع بخصوص التقديم للجيش , انا لسه مخلص كلية تجارة دفعة 2014 وانا مواليد 1990 اتأخرت فى الثانوية العادة بسبب ظروف صعبة , رحت سألت فى مكتب التجنيد قالولى تعالى يوم 1/10/2014 ولما رحت قالولى جهز ورقك بالكامل وتعالى يوم 22/10/2014 . رحت يوم 22 استلموا الورق وقالى تعالى يوم 5/11/2014 علشان تاخد الورق وتروح تكشف فى طنطا . رحت خدت الورق ورحت يوم 11/11 الكشف الطبى فى طنطا قلتلهم هناك انى بشتكى من ضعف فى العين اليسرى وعندى تلعثم فى الكلام والكلام ده قبل ما ادخل اكشف والدكتور كتبلى فى ورقة الكشف رمد, أنف واذن وحنجرة ودخلت الكشف الطبى أول حاجة رمد وطبعا كشف اى كلام وبعدها جراحة وبعدين انف واذن وقالى انا هحولك لجنة عليا علشان التهتهة فى الكلام وقالى تعالى بكرة تانى تكشف رمد وجراحة , رحت ثانى يوم خدنا قطرة فى العين وبعدين كشفت جراحة ( لائق ) ورحت على كشف الرمد قلت للدكتور انا عامل عمليتين فى عينى اليسرى ومبشوفش بيها كشف عليا وقالى ( لائق ) وبعدين رحت على مكتب قاعد علية دكتور ضابط وادانى ورقة علشان اللجنة العليا للتلعثم وقالى روح استلم ال 110 جند ولو لقيت نفسك مترشح ضابط مش هتحتاج الورقة دى علشان هتروح تكشف اصلا فى حلمية الزيتون تانى ولما خدت ال 110لقيت نفسى مترشح ضابط احتياط وهسمع الارجة يوم 3/12/2014 ....
انا ليه شوية استفسارات
1 : انا المفروض مليش جيش علشان عينى الشمال مبشفش بيها وعندى تلعثم فى الكلام وعند شعر أبيض وانا فى سن ال 24 بسبب الظروف اللى مريت بيها فى حياتى واوقات كتير بحس ان الخصية اليمين معلقة وبتختفى اوقات كتير وتم الكشف عليها وخدت لائق !!!
2 : لو مطلعتش فى الارجة وفى الغالب مش هطلع علشان متأخر عن دفعتى ورحت الكشف الطبى فى حلمية الزيتون اعمل ايه ؟
3 : انا والدى ووالدتى متوفيين واخواتى البنات متجوزين وانا عايش دلوقتى مع اخويا وهوا خد تأجيل 3 سنين وبعدين اعفاء
وطبعا هوا بيعول نفسة وانا بعول نفسى ممكن اقدم ورق بكدة على اساس ان انا اللى بصرف على نفسى ومليش مصدر دخل غير المعاش وطبعا محتاج اشتغل علشان اقدر اصرف على نفسى .

الرجاء الاهتمام بالموضوع علشان انا مش عارف اكلم حد ولا اعرف حد بعد والدى الله يرحمة ومش عارف اعمل ايه واية اللى هيحصل مع العلم بانى لو دخلت جيش هطلع ولا شغل ولا استكمال دراسات عليا ولا اى حاجة ومفيش حد بيصرف عليا
 

gamal gamal

محامى ومستشار قانوني
#2
عليكم السلام

وجود أخ لك يا غالى يمنعك من الحصول على الاعفاء
وعندها لا بد وأن تستكمل اجراءات التجنيد للأسف
وان شاء الله تطلع طبى ..............
 

amr saeed kamal

عضو مشارك
#3
متشكر لحضرتك على الاهتمام بالموضوع والرد على استفسارى .. حضرتك شايف ايه بخصوص ان انا اللى بصرف على نفسى ؟ يعنى أقدر اقدم ورق يفيد ان والدى ووالدتى متوفيين واخواتى متزوجين وانا عايش مع اخويا بس وكل واحد بيصرف على نفسوا ودخولى الجيش هيضيع مستقبلى ؟ ولا مش هيفرق معاهم الكلام ده
ولو الكلام ده مش هيفرق معاهم اعمل ايه فى اللجنة العليا فى حلمية الزيتون ؟ يعنى اقولهم انا بشتكى من ايه ولا اخد معايا الفحوصات اللى تثبت كلامى ولا هما بيكشفوا بالكامل على المتقدمين ؟ وهل كشفهم فعلا بيكون بأجهزة ولا زى الكشف الطبى اللى فى منطقة التجنيد والتعبئة
 

gamal gamal

محامى ومستشار قانوني
#4
لا عبرة بكل هذه الظروف فى الجيش المصرى !!!!!

واذا كان معك تقارير طبية خذها معك ...
 

amr saeed kamal

عضو مشارك
#5
شكرا لحضرتك يا استاذ جمال على المساعدة وربنا معايا
 

أعلى