البرنس المنشاوى

عضو مشارك
التسجيل
9/9/14
المشاركات
42
الإعجابات
0
#1
يأستاذ جمال لو سمحت أنا عامل غياب بئالى سنتين وكنت أبل ما أعمل غياب واخد حكم 6 شهور مع الأيقاف وسألت هنا فى المنتدى وحضرتك جزاك الله خيرا اولتلى انى لو اتمسكت بعد 30 سنه أخد سجن فقط مع عدم العوده للوحده ولو رحت بعد 36 سنه غرامه فقط أنا دلوئت فاضلى شهرين وأتم 30 سنه وكنت بفكر اروح اسلم نفسى بعد ال30 لأن انا اهم حاجه عندى انى مرجعش الوحده تانى لأن أعصاب رجلى تعبانه ومش هئدر أكمل فى الجيش تانى لكن لو هتحبس بس دون الرجوع للوحده يبئى الحمد لله فكنت عايز أسال حضرتك بس هل ان شاء الله أكيد (ميه فى الميه) انى ان شاء الله لو رحت بعد 30 سنه هاخد حبس فقط دون الرجوع للوحده

أنا أصدى يعنى هل القانون العسكرى بيلزم القاضى ان اللى راح بعد 30 سنه مينفعش يرجع الوحده تانى وياخد حبس فقط دون الرجوع للوحده حتى لو كان عامل غياب وعليه حكم مع الأيقاف زيى كده ولا القانون العسكرى مفيهوش نص يلزموا بكده وده على حسب اللى القاضى شايفوا ممكن يحكم بالحبس دون الرجوع للوحده (أو) بالحبس مع الرجوع للوحده وتكملة المده النقطه دى تفرق معايا أوى لأن أنا اصلا رجلى تعبانه وهو ده السبب اللى خلانى أعمل غياب فلو كان لا قدر الله فى احتمال واحد فى الميه انى لو رحت بعد ال30 ممكن يتحكم عليا بالحبس مع العوده للوحده تانى وتكملة المده بعد الحبس فمش هروح وأفضل انى استنى ل36 سنه

فكنت عايز بس أتأكد من حضرتك هل القانون العسكرى بيلزم القاضى ان اللى راح بعد لما يتم 30 سنه ميتفعش يرجع الوحده تانى خالص حتى لو كان عليه حكم مع الأيقاف زيى كده ولا القانون مش بيلزمو بكده وممكن ياخد حبس مع العوده للوحده وتكملة المده

وعايز أعرف لو ان شاء الله القانون كان بيلزم القاضى ان اللى راح بعد 30 سنه ياخد حبس بس وميرجعش الوحده تانى عايز أعرف هل ده ينطبق على كل الحالات ( الطرق) اللى ممكن أرجع بيها للجيش أصدى يعنى انى ممكن اروح أسلم نفسى فى الوحده بعد ال30 أو ممكن اتمسك فى كمين لا قدر الله فهل فى اى حاله من الحالتين القاضى بيحكم بالحبس بس مع عدم العوده للوحده ولا ده بيكون فى حالة فقط لما أتمسك بعد ال30سنه انما لو حد تم ال30 سنه (وراح هو سلم نفسو للوحده ) القاضى ممكن يحكم عليه بالحبس مع العوده للوحده تانى لأن حضرتك المره اللى فاتت اولتلى فى الأجابه لو اتمسكت لا قدر الله بعد ال30 حبس فقط فكنت عايز أعرف هل هو نفس الحكم فى حالة لو رحت أنا للوحده وسلمت نفسى ولا فى الحاله دى ممكن الحكم يتغير

ويتحكم بالحبس مع العوده للوحده ومعلش سؤال أخير هو أنا ممكن بعد لما أتم ال30 سنه وعايز أسلم نفسى بدل ما أسلم نفسى للوحده أروح السجلات العسكريه وهما يحولونى للمحاكمه من هناك علطول بدل ما أروح الوحده ولا مينفعش ولازم أروح الوحده أسلم نفسى ولو كان ينفع انى أسلم نفسى فى السجلات العسكريه بعد ال30 سنه وأتحول للمحاكمه من هناك هل فى الحاله دى برده القاضى بيحكم بالحبس بس مع عدم العوده للوحده ولا فى الحاله دى الحكم ممكن يتغير وممكن يحكم بالحبس مع العوده للوحده معلش يأستاذ جمال انا طولت فى الأسئله وبتئل عليك بس انا بس عايز أوضح لحضرتك انا عايز أسأل على ايه بالظبط أنا بس عايز اتأكد ان شاء الله بعد ال30 حبس بس ومفيش عوده للوحده فى جميع الحالات (سواء سلمت انا نفسى للوحده او اتمسكت اوسلمت نفسى للسجلات العسكريه لو كان ينفع ) عايز أتأكد انو ان شاء الله فى كل الحالات دى القانون بيلزم القاضى انو بعد ال30 سنه يحكم بالحبس بس مع دون الرجوع للوحده

فياريت حضرتك توضحلى النقط دى وجزاك الله خير
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2
عليكم السلام


الخلاصة فى هذا الموضوع المقلق جدا لك وهى ///

لا عودة للوحدة ما دام أن دفعتك سلمت وخلصت !!!!!!

واذا سلمت نفسك أو قبض عليك سيقضى عليك بالجبس فقط ...

ثانيا ::: اذا كانت المدة المتبقية على انهاء موقفك قاربت على الانتهاء
بسن الست والثلاثين فالعقل يتصور أن تسير أمورك كما هى حتى وصولك
الى هذا السن 36 وساعتها تقدم نفسك للمحاكمة بغرامة أقل من 1000 جنيه فقط.
أما
اذا كنت عاوز تتحبس فسلم نفسك فى أقرب وقت ...............
 

أعلى