طالبة الجنة

عضو جديد
التسجيل
28/9/14
المشاركات
5
الإعجابات
0
#1
يا استاذ جمال ارجو الرد من حضرتك في اسرع وقت للاهميهزوجي رافع عليا قضيه منع سفر ليا ولابني علماً ان ابني لم يتم السنه وعلماً اننا في مشاكل من سنه اي منذ ولاده ابني هل يحق له منع ابني من السفر؟
انا عارفه انه مش من حقه يمنعي من السفر وهل لو سافرت بابني للعمل في الخارج قبل ما القضيه تحكم هيقدر يسقط حضانتي لابني علماً بانه مسافر في احدى دول الخليج للعمل بدون علمي ولا ينفق عليا انا وابني من يوم الولاده ولا عاوز يشوفه ولم يرفع قضيه رؤيه وطاردني من شقتي وانا رافعه عليه تبديد قايمه
ارجو من حضرتك الرد بسرعه
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2
عليكم السلام

قانونا الان ليس له الحق في منع سفرك بالصغير
ما دام أنه لم يحصل على حكم بالرؤية ......
 

طالبة الجنة

عضو جديد
التسجيل
28/9/14
المشاركات
5
الإعجابات
0
#3
شكراً لحضرتك يا استاذ جمال
دلوقتي القاضي رفض دعوى منع السفر والمحامي قالي ممكن يستأنف خلال اربعين يوم هو لو استأنف ممكن تتقبل؟؟
وحضرتك مردتش عليا بخصوص السفر بابني هل لو سافرت بيه بدون اذن من الزوج بتسقط حضانتي؟؟
وشكراً لحضرتك
وكنت عاوزه اسأل حضرتك بخصوص تبديد القايمه جلستها الشهر للجاي هو ممكن تحكم من اول جلسه اني استلم العفش ولا ممكن احدد المعاد اللي يناسبني ولا ايه نظامها
واسفه للاطاله
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#4
الغالب لا يمكن له منعك من السفر كما ذكرنا سابقا ...
حتى ولو استأنف .........................

واذا لم يكن له الحق في الرؤيا قانونا فلن يستطيع منعك قانونا..

وبالنسبة للتبديد الجلسة الأولى هى التى ستحدد اتجاه سير القضية ..

فإذا طعن بالتزوير على القائمة فأمامك وقت طويل لحين الفصل في الطعن .
واذا طلب عرض المنقولات فأمامه شهر غالبا لعرض المنقولات ..
واذا طلب المخامى الاطلاع فيمكن تأجيلها لشهر تقريبا للاطلاع ...

الجلسات هى التى يتحدد سير القضية .........
 

طالبة الجنة

عضو جديد
التسجيل
28/9/14
المشاركات
5
الإعجابات
0
#5
لو سمحت يا استاذ جمال دلوقتي زوجي رفع قضيه رؤيه ولسه مده الاستئناف على منع السفر ساريه هل ممكن يرفع استئناف واستناداً على قضيه الرؤيه يتمنع سفري انا وابني ؟؟

وبالنسبه لقضيه تبديد القايمه القاضي حكم من اول جلسه اني استلم المنقولات خلال اسبوع والا يديله براءه وتضيع كل قايمتي هل ممكن اعترض على الحكم ولا لأ؟
وفي حالة لو لازم استلم في المده اللي حددها القاضي هل لازم استلم بنفسي ولا ممكن والدي ووالدتي اللي يستلمولي وهل لو ممكن يستلمولي يبقى لازم اعملهم توكيل؟ ولا بابا يستلم عادي بدون توكيل لانه ولي امري ووكيلي ؟؟
ووهل لو فيه حاجات في القايمه ومش موجوده او متكسره والدي ممكن يعمل محضر بتبديد ولا لازم انا بنفسي وبالنسبه للدهب محاميه قال تحلف انها مخدتهوش هل ممكن القاضي يحلفني اني مخدتهوش؟؟ ولا مفيش حلفان وهو ملزم يرده؟؟
ارجو الرد من حضرتك بسرعه لاني قدامي مهله اسبوع بس مر منها يومين
وشكراً لحضرتك
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#6
لا تقلقى من الاستئناف فقط يهتم محاميك بالدعوى ...
ولن يستفيد فى الاستئناف بالرؤية لأنها لم يصدر فيها
حكم حتى الان ....

وبالنسبة للتبديد بالطبع سيعرض عليك المنقولات
فإن كانت هى نفسها منقولاتك استلميها ...

واذا نقص منها شىؤ يتم اثباته فى المحضر
وسيضطر لدفع قيمته --أمام القاضى ...

ويمكن أن يستلم عنك والدك اذا كان معه توكيل ومحاميك
أيضا مع والدك يمكنهم الاستلام ....

وعموما الأفضل أن تكونى موجودة مع أهلك لتعاينى النتقولات
قبل الاستلام ...........................

أما الذهب فالغالب بتم التحقيق فيه من جانب القاضى ليسألك عن عدم حصولك عليه
ومن الممكن أن يحلفك اليمين أيضا ...........................
 

أعلى