ايمن محى

عضو مشارك
#1
اولا و رحمه الله و بركاته

اخوتى الاعزاء اردت اليوم ان افيدكم كما افادنا العديد من الاعضاء بالتجارب الفعليه فبعد البلبه الحاصله نتيجه تعديل قانون الخدمه العسكريه فى 14/9/2014 و الاسئله الكثيره عن التغير توجهت اليوم 29/9/2014 الى المحكمه العسكريه بمدينه نصر و السؤال و انتظار المحاكمين بالداخل لسؤالهم عن حالاتهم و الاحكام التى حصلو عليها

اولا ليطمئن الجميع مازال السن 30 عاما + يوم و مازال الامر غراااااااااااااااااااامه فقط و لا يوجد حبس

مجموع تجارب اليوم متوسط ما حصل عليه المحاكمين من احكام (3200-3600) جنيه بنسبه 99 بالمائه وشخص واحد فقط حصل على 4000 جنيه غرامه مع العلم انه يعمل مدير و قال للقاضى انا ميسور الحال

قابلت حاله واحده لشخص دخل الكشف الطبى و سالته ماذا حدث معك قال اعتبروه متخلف بشرط عدم سماع النداء ( الارجاء-السلاح) و ان لا يكون قد تم تصويره للكارنيه و حصل على حكم 3300 فقط

مجموع ما تم محاكمه اليوم حوالى 35 شخص الكل حصل على غرامات تعددت القصص و الاعمار و لم يتعامل مع اى حد معامله مختلفه

الابواب فتحت الساعه 10 صباحا و الحكم كان الساعه 2 و نصف 3 الا ربع و خرج المحاكمين للوقوف فى طابور الدفع

اذا لم يكن معك مبلغ الغرامه بتترك بطاقتك و تروح و تيجى تانى يوم تدفع عادى ممكن التظلم و طلب تقسيط دفع الغرامه ايضا

فى اشاعه قالها الجنود للمحاكمين و هى ان النهارده الحكم من 3-10 الاف و غدا من 5-10 الاف و طبعا كلام لا يصدق و فى النهايه بعد الاحكام احد الجنود قال لا ده من اول السنه الجديده هيبقى من 5-10 الاف و فى النهايه شكلها اشاعه و بشده بس حبيت انقل كل التفاصيل و لو افتكرت حاجه تانيه هقول
 

Max Pain

عضو مشارك
#2
الله يطمنك يا اخ ايمن هو ده الكلام التجربة العملية افضل اجابة !!
 

gamal gamal

محامى ومستشار قانوني
#3
سلمت يداك يا رجل
ومبارك عليك النجاة ......
 

ايمن محى

عضو مشارك
#4
الف شكر لردك استاذ جمال و حبيت اقول كمان ان تخلف الاستدعاء كان بغرامه 500 جنيه و اصبحت الف جنيه
 

gamal gamal

محامى ومستشار قانوني
#5
تمام ................
 

Mahmoud Morsy

عضو مشارك
#6
, بس انت كانت حالتك ايه (تخلف ولا تهرب؟؟) وغير كده انت خلصت كل الموضوع في اد ايه؟؟
انا لحد دلوقتي متلخبط في الإجراءات, هل في البداية لازم اروح علي المستشار العسكرى في مديرية الامن ولا ممكن اروح علي طول علي منطقة التجنيد التابع ليها في الزقازيق!!!!
 

ايمن محى

عضو مشارك
#7
منطقه التجنيد هى اول خطوه و احنا بنتكلم على التخلف مش الهروب هتخلص فى حوالى من اسبوعين الى 20 يوم انشاء الله
 

Mahmoud Morsy

عضو مشارك
#8
مشكور جدا أستاذ ايمن, الله يطمنك ويكرمك.
 

احمد عبدالقادر

عضو مشارك
#9

يا استاذ ايمن انا ليا واحد صاحبي نقيب جيش قالي ان القانون اتغير واصبح سن الامتناع عن التجنيد للمتخلف واحد وتلاتين سنة وشهر فما صحة هذا الكلام؟؟؟؟؟؟
 

Max Pain

عضو مشارك
#10

يا استاذ ايمن انا ليا واحد صاحبي نقيب جيش قالي ان القانون اتغير واصبح سن الامتناع عن التجنيد للمتخلف واحد وتلاتين سنة وشهر فما صحة هذا الكلام؟؟؟؟؟؟
لا متغيرش ولا حاجة 30 سنة
 

Mahmoud Morsy

عضو مشارك
#11
شكرا للمعلومة والتأكيد اخي مكس بيان.
 

Max Pain

عضو مشارك
#12
علي فكرة يا جماعة انا كلمت محامي النهاردة عشان يشتغلي ف القضية وقالي علي فكرة الغرامات بقت الضعف وعلي حسب كلامه من 30-35 بيدفع 6000 وفوق 35 بيدفع 4000 مش عارف مدي صحة الكلام ده ومستني اشوف تجارب عملية عشان نتاكد كمان بيقولي توقع اكتر بالنسبة لحالتك لانك قدمت ورقك ف التجنيد وربنا يستر.. اخ ايمن محي انت لغيت اكونتك ع الفيس ولا ايه ؟!
 

أعلى