govgov

عضو مشارك
#1

تحياتي الخالصة لكافة القائمين على هذا المنتدى الرائع وكلفة الاعضاء

احب ان اطرح لكم جميعاً تجربتي الشخصية لانهاء موقفي التجنيدي بعد تجاوز السن القانوني 30 عام
منطقة تجنيد اسيوط
الموقف التجنيدي لم اتقدم للتجنيد نهائياً

الواضح من تجربتي العملية وقرائتي للتجارب الاخرى بالمنتدى بان الاجراءات والخطوات والوقت يختلف من مكان الى اخر
ذهبت الى منطقة التجنيد يوم الاحد 01/06/2014 واخذت معي ملف وتم ارفاق صورة من بطاقة الرقم القومي وصورة من البطاقة الورقية القديمة وذهبت لشباك الايضاح وتم اجراء معاملة تسمي ايضاح ومن ثم الذهاب الى شباك اخر تم شراء ملف وبه مجموعة من الاوراق خاصة بالتحقيق والنيابة العسكرية ومجموعة اخرى لم استطيع قرائتها ومن ثم الذهاب الى مكتب القضاء العسكري وكان يوجد شخص قمة في الاحترام والذوق وكل همه انه يساعد كافة الاشخاص تم اخذ بصمتي على كافة الاوراق واعطائي ايصال للذهاب الى المحكمة العسكرية يوم الاحد 08/06/2014 اي بعدها باسبوع ، ملاحظة لم التحقيق معي ولا سؤالي عن اي شي ابداااااااااا كل الموضوع انه اجراءات روتينية لاستكمال الملف الذي سوف يتم ارساله للمحكمة.


يوم الاحد 08/06/2014 كان يوم اجازة لتنصيب الرئيس وتم تاجيل الجلسة لليوم التالي يوم الاثنين ، لم اذهب الى الجلسة نهائيا سواء يوم الاحد او الاثنين ذهبت للمحكمة يوم السبت 21/06/2014 وتم الاستعلام عن القضية وتبلغت بانه تم الحكم غيابياً بدفع غرامة قيمتها 2500 جنية دفعت المبلغ واستلمت ايصال وصورة مصدقة عن الحكم ، وذهبت بيهم اليوم التالي يوم الاحد الموافق 22/06/2014 لمنطقة التجنيد وتم تقديم اصل الحكم والايصال الساعة 9 صباحا ولله الحمد تم استلام الشهادة في نفس اليوم الساعة 12 ظهراً ، وانتهت كافة الاجراءات والحمد لله رب العالمين.
يعني تم الانتهاء من الموضوع بالكامل خلال 22 يوم.

نص الشهادة والقرار
العنوان : نموذج للمتخلفين عن تادية الخدمة العسكرية والوطنية طبقاً للمادة 49 من القانون رقم 127/1980 ويعمل بها كمسوغ للتعيين.
القرار : المذكور تخلف عن التجنيد وقيدت ضده القضية رقم ..... جنح .... اسيوط وتم اتخاذ كافة الاجراءات القانونية حياله واصبح غير مطلوب للتجنيد نهائياً.

 

ايمن محى

عضو مشارك
#2
اولا احب اشكر حضرتك جدا على نقلك التجربه خصوصا انها حديثه جدا فى 2014 و معظم الى كان موجود قبل كده كان من سنتين و ثلاث سنوات و كمان اكدت ان سن الامتناع لسه متغيرش و لسه 30 سنه

اسمحلى اسالك ايه الورق الى خدته معاك يعنى خدت ال 6 جند خدت فيش جنائى بتكلم على اول مره تروح المنطقه خالص
 

govgov

عضو مشارك
#3
اخي العزيز ايمن محي

بالفعل تجربتي حديثة جدااا من حوالي شهر ونصف تقريباً
مثل ما ذكرت في تجربتي الواضح من المواضيع التي قرئتها وبالمقارنة بتجربتي الفعلية ان الاجراءات تختلف من منطقة لاخرى
لكن المبدء واحد وهو التاكيد على ان سن الامتناع ماذال 30 سنة ولا يوجد اي تغيير
كافة الاوراق التي اخذتها معي هي عبارة عن صورة البطاقة القديمة الورقية وصورة البطاقة الجديدة الرقم القومي فقط لا غير
لم اتقدم باي مستند اخر لا فيش جنائي ولا 6 جند

تحياتي لكم جميعا وتمنياتي بالتوفيق للجميع وانا تحت امركم باي استفسار
 

ايمن محى

عضو مشارك
#4
طب اسمحلى اسالك سؤال تانى كان سنك كام بالظبط لما تقدمت لمنطقه التجنيد ؟
 

govgov

عضو مشارك
#5
كان سني 30 سنة واربع شهور وكان معايا ناس 30 سنة وحوالي 15 يوم متقلقش موضوع السن مفروغ منه وهو 30 سنة ويوم واحد لان ده قانون ومينفعش يتغير غير بقانون ودلوقتي مفيش اي قوانين صدرت وما اعتقدش انه هايتغير شي يوم الحكومة بسنة
 

saladino444

عضو مشارك
#6
انا كنت عايز اسأل حضرتك سؤال
بالنسبه ل اللى كشف طبى وبعد كدا حصلتله ظروف ومعرفش يكمل الاجراءات وما سمعش سلاح ولا راح مركز تدريب ولا استلم كارنيه .
كان فى حالات زى كدا معاك فى المحاكمه
 

govgov

عضو مشارك
#7
الاخ Saladino
للاسف مكنش معايا حالات نفس حالتك كده ، لكن في تجارب كثير عملية لبعض الاشخاص هنا بالمنتدى بتاكد
انه حالتك ينتهي الامر بالمحاكمة بمجرد ما تكمل ال 30 سنة
 

saladino444

عضو مشارك
#8
مشكور على اهتمامك اخ govgov
 

Max Pain

عضو مشارك
#9
اخ govgov يعني انت مروحتش كمان يوم المحاكمة وبرضه اتحكم عليك بالغرامة ؟ الله يطمنك D:
انا كنت دايخ علي حد يكون عامل اجراءات تخلف بتاريخ 2014 واتحكم عليه بالغرامة والحمد لله لقيت تجربتك 1000 مبروك ع الشهادة يا غالي و دعواتك ليا و اللي زيي
 

govgov

عضو مشارك
#10
اخي max pain الله يبارك فيك يارب
نعم حبيبي الحمد لله رب العالمين الموضوع خلص بكل سهولة وسلاسة
والناس الذين يتعاملوا مع هذه الاجراءات محترمين جداااااا وانا كنت رايح ومتخيل
انهم هايكون مزعوجين وممكن تسمع كلمه مش كويسة بسبب التخلف لكن بصراحة
كان العكس كلهم محترمين ، والقاضي يحكم على الكل بالغرامة ولم اقابل اي شخص
اتحكم عليه بغير ذلك
ربنا يسهلك الامور وتخلص على خير باذن الله واي سؤال تحت امرك حبيبنا
 

Max Pain

عضو مشارك
#11
شكرا علي ردك الكريم اخي govgov وانا كمان كنت متخيل انهم حيعاملونا معاملة المساجين واحنا بنخلص اجراءات التخلف بس الحمد لله انه مش كده انا كان ليا سؤال بخصوص موضوعي لاني متخلف بعد ما عملت الكشف الطبي و سمعت الارجا بس مسمعتش السلاح ولا اتصوررت للكارنيه كنت عاوز اعرف هل قابلتك حالة زي كده وانت بتخلص مشوارك واتحكم عليها بالغرامة برضه بس يكون ف نصف 2014 يعني اليومين دول او قبل كده بفترة صغيرة عشان فيه واحد حالته تخلف بعد الكشف الطبي بيقول انه افتكر انه اتاجل (الكلام ده وهو عنده 29 عام يعني من 2012) وروح وجيه عند سن 31 عشان يستلم الشهادة طلع انه مكانش متاجل ولا حاجة و كمان لقي انه طلعله كارنيه وانه ف سلاح الدفاع الجوي يعني كده من وجهة نظري انه هارب فانا خايف يعملوا كده مع كل المتخلفين بعد الكشف الطبي وابقي روحت ف الرجلين ... معلش صدعتك يا غالي لو عندك اخبار بخصوص الموضوع ده ياريت تقولي وجزاك الله خيرا D:
 

govgov

عضو مشارك
#12
حبيبي ولا يهمك تحت امرك بس للاسف انا لم اقابل اي حالة شبية بحالتك
بس اعتقد وحسب الحالات الا قريتها بالمنتدي تستطيع انهاء الموضوع بالغرامة فقط
 

Max Pain

عضو مشارك
#13
1000 شكر يا غالي عموما لو جاتلك اخبار يا ريت تبلغني و جزاك الله خير D:
 

أعلى