w1gih

عضو فعال
التسجيل
25/5/13
المشاركات
152
الإعجابات
12
#1




بالمكرونة بَعِيشْ أَنْتِيخْ

وبحلّي أنا بالبطيخ

دَ احْنا أَحْسَنْ م المريخ

يامَحْلى الكفتة بالسيخ

ع الريق أو وسط الطبيخ

يالْلي عايشْ طاخ طوخ طيخ :

مين قالّك صَنّعْ صواريخ ؟؟

الصواريخ بتْهِدّ الحيييل

وبتحتاج للحطّ وْشيييل

والمكرونة ف (الكسرونة )

يا محلاها بالبشاميييل

وانتا عاملْ قالْ إيهْ ... (أبابيل) !!!

المكرونَة تْزيد (الوزن)

والصواريخ بِتْجيبِ الزنّ

يِبْقَى عاوِزْني أنَا أتْجَنّ؟!!

يابني دا جيشنا كله فن

شُفْت انا جيشنا بيرسم قلب

بالطيارة دا جيش الحب

ياسلام لو يِعْمِلْ (كاتشب)

يبقى الواحد هايْرَبْرَبْ

وكمان للسِتّاتْ يِجْذِبْ

الإرهابْ عاملْ (مارِينِيزْ) !!

وكمان عامل (كُومَنْدِيز)

شَكْلُو مَيِعْرَفْشِ (المايونيز )

دا فْ جيشنا تحت التجهيز

ولْلا انْتُو تْحِبّو التبويز

وكمان بتحبو التبويظ

إحنا الأقوى إحنا الأعلى

عاشت كفتةْ مصر العظمى

إللي مَبْتِعْرَفْشِ الرحمة

وكمان مبتعرفش اللحمة

وصاحبها راح ضارب لخمة

ومن الكدب صابِتْهُم تُخْمة

دا مفيش وجه مقارنة بجد

جيشنا دا خير أجناد الأرض

حالف مَيْسِبْهَاشِي لْحَدّ

حتى لو فوقْنا تِتْهَدّ

جيشنا دا يابني أدّ الأدّ

وانتو الإرهاب الممتد

بطّل بَقَا تِسْتَعْرِضْ لينا

واختراعاتك بِتْوَرّينا

أحسنْ نِبْعَتْ (فيفي)وِ(صَافِينا)

(يتهزّ) كَيانْكُمْ (وِسْطينا )

وهتيجو تبوسو أيادينا

تحيا الكفتة والمكرونة

ياربي كتّر صوانينا


 

Ahmad Saleh

الوسـام الماسـي
التسجيل
29/1/12
المشاركات
3,051
الإعجابات
1,255
الإقامة
Egypt - Alex
#2
أحييك أخي الفاضل على هذه الابيات الساخرة
والمعبرة عن حال هذا البلد
ونسأل الله صلاح الحال

شكراً لك
 

w1gih

عضو فعال
التسجيل
25/5/13
المشاركات
152
الإعجابات
12
#3
حياك الله أخي أحمد

وإن شاء ينصلح حال البلاد قريبا وما ذلك على الله بعزيز
 

أعلى