wmgc

عضو مشارك
#1
لدى شقة غير مفروشة وقمت بتاجيرها ايجار جديد لانسة واخواتها البنات ولها اخ ولد والشقة فى القاهرة و والدتها مقيمة بالاسكندراية بحكم شغلها ولكنها بتقوم بزيارتها من وقت لاخر فبعض السكان بيقولوا عليها ان سلوكها غير طبيعى وبتقوم باعمال منافية للاداب على الرغم انى شايف ان البنت محترمة جدا واحد السكان قام بعمل مشاكل معها قبل كدا واحتك بيها فاخشى ان يكونوا بيتبلوا عليها فازاى اعرف الحقيقة هل هى فعلا محترمة ولا زى ما بيقولوا السكان مع العلم انها ملتزمة تماما بدفع الايجار واى امور تخص العمارة وهل انا كمالك يكون على مسئولية قانونية ان كانت فعلا بتقوم لاعمال منافية للاداب في الشقة مع العلم ان اخوها اصغر منها ومقيم مع والدته فى الاسكندرية بحكم امتحانتها ...
 

wmgc

عضو مشارك
#2
معلش سؤل اخر لو ارادت ترك الشقة هل نطالبها بدفع باقى المدة وهى سنة و 8 شهور مع العلم بان هناك شرط فى العقد بيقول اذا ترك الساكن العين المؤجرة فيلزم بدفع باقى المدة مع مصاريف ما قد اتلف بها ....

ولو السكان فعلا بيتبلوا عليها فايه الحل ..​
 

gamal gamal

محامى ومستشار قانوني
#3


لا توجد أية مسئولية عليك يا غالى تجاه الساكنه
لا من ناحية تقييم أخلاقها من عدمه !!!!
ولكن
اذا تأكدت أنها سيئة السمعة يمكنك طلب انهاء
عقد الايجار .........
أما اذا كان كلام بدون دليل فلا تشغل نفسك به
ولا توجد أدنى مسئولية عليك ......

أما من ناحية الايجار عن المدة الباقية من
العقد فالافضل أن لا تأخذها ..............
لأنها ليست من حقك .. ولكنها مقابل السكنى
التى لن تتوفر ........
 

محمد العيسوى

عضو مشارك
#4
يا استاذ لو كان بتعمل الحاجات دى و هما متاكدين كانوا بلغوا المباحث ولعلم حتى لو ابلغو المباحث لازم المباحث تتاكد ان دى شقة دعارة بمقابل مادى
مفيش حاجه اسمه سمعة وحشة او حلو كل واحده حرة تعمل اللى هى عاوزه بدل مش بتخلف القانون هى لو كانت عليه حاجه اكيد كانوا بلغوا من زمان
لكن للاسف كل واحد دلوقتى عاوز يدخل فى الحريات الشخصية لاناس بحجة الاداب و الاخلاق برغم ان مفيش قوانين بتعاقب على الاخلاق او غيره انا لو منها انا اللى هبلغ عنهم ولله ..
 

wmgc

عضو مشارك
#5
ايه راى حضرتك السكان عاملين اجتماع و طالبونى للحضور وبيقولوا انهم جايبين شهود عيان فايه راى حضرتك احضر ولالا ولو حضرت الكلام يكون ازاى خصوصا انى غير متاكد من مصداقية الشهود دول والف شكر لحضرتك جزاءاك الله كل خير ..
 

gamal gamal

محامى ومستشار قانوني
#6
يا غالى

قل لهم أنك لست جهة تحقيق !!!
من كان عنده بينة وشهوود فليذهب
للشرطة وحق الابلاغ مكفول للكل !!!!
 

wmgc

عضو مشارك
#7
الف شكر لحضرتك ربنا يبارك فيك اخى العزيز ...
 

محمد العيسوى

عضو مشارك
#8
استاذ كده الموضوع داخل فى الخطر اتصل بالبنت دى و هى تعمل محاضر ليهم عشان مفيش اى حدا يقرب منها و هى حرة فى الشقة تعمل فيها اللى هى عاوزه بدل مش بتشتغل بمقابل مادى و اللى مش عجبه يخبط راسة فى الحيط
 

wmgc

عضو مشارك
#9
استاذ جمال بعد اذنك لو البنت ده بتعمل حاجة غلط فى الشقة لقدر الله وقبضه عليها الشقة تغلق بامر النيابة ومنعرفش نفتحها ده من كلام واحد محامى هل الكلام ده صح ولا غلط ....

ثانى حاجة حضرت الاجتماع وكل تعليقهم على لبس البنت وانها بترجع باليل متاخر وفى عربية بتاخدها كل يوم الصبح بعيدا عن العمارة كان ردى عليهم الكلام ده خارج الشقة انا ماليش فيه ولا فى لبسها لكن طول هى ما محترمة داخل الشقة ماليش عندها حاجة ايه راى حضرتك فى الكلام ده ولك جزيل الشكر ...
 

gamal gamal

محامى ومستشار قانوني
#10
لا ياغالى

اذا قبض عليها تدير شقة دعارة !!!!
سيتم تسليم الشقى لك ... فلا داعى للقلق

ثانيا الحمد لله كلها ظنون من جانب الجيران
وان الظن لا يغنى من الحق شيئا ...

لا تستمع لهم لأنهم باين عليهم فاضيين ........
 

wmgc

عضو مشارك
#11
الحمد لله انك طمنتنى وجزاءاك الله كل خير .... معلش سؤال اخير واسف جدا لازعاجك انا ماجر الشقة لبنت واختها المهم واحدة منهم مخطوبة وهتجوز على العيد وهتروح شقة جوزها وهى ده اللى انا كاتب العقد باسمها والثانيه هتفضل قاعده فى الشقة عادى فاغير العقد باسم اللى قاعده فى الشقة ولا اسيبه عادى باسم الاخت اللى هتتجوز ده ولك جزيل الشكر ...
 

محمد العيسوى

عضو مشارك
#12
استاذ ياريت تبلغ البنت و اختها باللى بيحصل من ورها عشان محدش يعمل فيها حاجه المفروض تعمل ليهم محاضر عشان محدش يتعرض ليها
مفيش قانون بيعاقب ولا بيدخل فى اللبس او فى الاخلاق لازم تروح تعمل فى الجيران محضر عشان لو حصل اى حاجه محدش عارف ممكن يعملوا اية ممكن يهجوا عليه او يعملوا حاجه فى البنت لازم تكون عمل حاسبها على أي حاجه
 

أعلى