barameg

عضو مشارك
#1
'',


الاخوة الاعزاء اعضاء وادارى البوابة ومستشارى القسم
تحية لكم جميعا على ما تقدمونه من مساعدات ومعلومات وخدمات للاعضاء

اريد أن افتح محل كمبيوتر صغير , ويكون نشاطه بيع وصيانة الكمبيوتر
وجميع مستلزماته ، وايضا كتابة كمبيوتر وطباعة وسكنر وتصوير مستندات
المطلوب من المستشارين الافاضل
ما هى الجهات المختصة التى اذهب اليها لعمل ترخيص للمحل وللنشاط
وما هى الاوراق والمستندات المطلوبة للحصول على الترخيص
أرجو الرد من الاخوة الكرام تفصيلا بحيث انى لما احصل على التراخيص اللازمة
ان شاء الله استطيع أن أفتح المحل فى اى وقت دون ان اخشى من اى جهة مهما كانت
وتكون كل اوراقى سليمة لان احنا مش وش قضاء وبهدلة ومحاكم فى الايام اللى ما يعلم
بيها الا ربنا وقضاءنا الـ ....... اللى بنشوفه الايام الدول.
وشاكر جدا لحضراتكم
ودمتم بألف خير
فى انتظار رددودكم وأراءكم القيمة التى لاتبخلون بها على احد
وجزاكم الله كل خير وبارك فيكم

 

gamal gamal

محامى ومستشار قانوني
#2
عليكم السلام

أولا لا بد وأن يكون المحل جاهز
من ناحية الكهرباء وخلافه ..
ثم الوصول الى الحى الذى تتبعه
قسم التراخيص وهناك ستعرف
متطلبات ترخبص نشاطك بالتفصيل ..

والتى لن تخرج على الأوراق الاتية
صورة من عقد الايجار مثبت التاريخ في الشهر العقارى .
صورة من البطاقة .
ايصال كهرباء
رسم هندسى للمحل
موافقة القرية الذكية - في بعض الأحوال .
سداد الرسوم
المعاينة
والمتابعة حتى تحصل على الترخيص ..

ملاحظة :
في بعض الأحياء لا تعطى ترخيص لهذا النشاط ...

لذا من المهم زبارتهم أولا ........
 

barameg

عضو مشارك
#3
سيادة المستشار
شكرا جدا على رد حضرتك
شكلها لفة كبيرة , الله المستعان
وربنا يعينا على دى بلد , مش عايزين يوظفونا
ونهار ما نفكر فى حاجة ناكل من وراها عيش
يعقدونا فى الاجراءات واللف والدوران على المكاتب
وغير كل موظف عايز ......
الله المستعان




 

ورده القلوب

عضو مشارك
#4
ارجو الرد يااستاذ سيد الجمل

استاذ سيد . اعرض على حضرتك مشكله لبنت خالتى وارجو الرد عليها ضرورى بنت خالتى كانت متزوجه عرفى بعلم بعض من اهلها وكانت من ورقه واحده وكانت مع الزوج لانه كان متزوج من اخره ولا يريد ان تعلم حتى تستقر اموره بحسب كلامه فوثقت فيه وتم الزواج وبعدها ب3 شهور تأكدت انها حامل فرفض هذا الحمل وقال لها انه غير مستعد الان ويجب عليها الاجهاض فرفضت فرمى عليها يمين الطلاق ومزق العقد العرفى وسافر الى ليبيا وبعدها رزقت بولد وحتى وصل عمره ل4 سنوات ولم تستخرج له شهاده ميلاد من شهر علمت انه اتى من سفره وتدخل بعض المعارف حتى فقط يستخرج شهاده الميلاد وفى نفس الوقت يطلقها . سؤالى الى حضرتك يااستاذ سيد ماهى اجراءات تسجيل الطفل السؤال الثانى انه كانت تتقاضى معاش عن والدها وهو العائد الوحيد ليها ولأبنها فهل لو علمت المعاشات تقطع معاشها وتطالبها بالمده اللى فاتت . ارجو الرد يااستاذ سيد الجمل ضرورى ضرورى وشكرا لحضرتك
 

gamal gamal

محامى ومستشار قانوني
#5
عليكم السلام

لا بد من رفع دعوى قضائية عليه بإثبات النسب
واذا حضر وأقر كان بها وان لم يحضر كان الأمر
للمحكمة .....

لأنها لن تستطيع اثبات واقعة قيد ميلاد الصغير الآن
الا بحكم محكمة ...

ولها فلا سبيل ذلك أيضا أن تتقدم لمكتب تسويات الأسرة
بطلب نفقة للصغير وله أن يحضر ويقر ببنوة الصغير
وسيساعدها ذلك في اثبات النسب أيضا .....

والأهم حاليا أيضا أن تحصل منه على ورقة تثبت
هذا الزواج .......... مهم جدا جدا جدا ........
 

ورده القلوب

عضو مشارك
#6
وبالنسبه للمعاشات يااستاذ سيد لان ده العائد الوحيد ليها وللأبنها فى المعيشه ايه الاجراءات اللى تضمن ليها لذا علموا انهم لا يقطعوا عنها المعاش او يطالبوها بالى خدته من قبل
 

ورده القلوب

عضو مشارك
#7
ونسيت اقول لحضرتك انه وافق بعد تدخل بعض المعارف انه يسجل الطفل ويطلقها
 

أعلى