aneo

عضو جديد
التسجيل
6/5/14
المشاركات
2
الإعجابات
0
#1


ارجو مساعدتى و اعطائى النصيحة فى مشكلتى
انا عندى عمارة مساحة الارض 390 متر الدور شقتين العمارة ناصية شارعين كل شارع 10 متر و الترخيص البناء كان سنة 2003 ارضى + 4 ادوار
تم البناء ارضى + 3 ادوار فقط و فى حالى اكمال الدور الرابع هتكون العمارة 60 سم زيادة عن الطول الى فى الترخيص ... لى جارى رجل ظالم ربنا يهديه واقفلى و مش عايزنى اكمل الدور الرابع بسبب خلاف عند البناء بسبب انو كان عاوز يشترى منى شوية امتار لزيادة مساحة الارض عندو لكنى رفضت .. و الجار ده مستشار و واصل فانا مش عاوز ابنى غير لما يبقى ورقى كلو سليم
من فترة زملائى قالولى ان فى قانون بناء جديد و انى من حقى اقدم طلب تعلية فى الحى و ان هيجيلى رخصة بدور اضافى ( ابقى ارضى + 5 ادوار ) بحكم انى ناصية و ساعتها ممكن ابنى الرابع بدون اى مشاكل و الخامس هو الى هيبقى بردو اعلى 60 سم من الرخصة و قالولى بردو ان فى نسبة سماح فى طول العمارة بمعنى ان لو العمارة زيادة فى الطول حاجة بسيطة الحى بيتغاضا عنها و بيعتبرها خطا فى التصميم طالما انى مش بانى دور زيادة
و بردو قالولى طالما جارك بانى خمسة انت من حقك بردو تبنى زيه ( جارى المقابل لى بردو ناصية شارعين و بانى 5 ادوار )
انا عاوز كل حاجة تكون قانونى عشان مش هقدر اعمل اى حاجة غير قانونى بسبب جارى ياريت تساعدونى و تقولولى كلام زملائى صح و لا غلط
و سؤال اخر مثلا لو تم بناء الدور الخامس بدون ترخيص ساعتها الحى هيعملى قرار ازالة تبع القانون 119 ام هيكون فى تصالح تبع القانون 106 و لو غرامة هتبقى فى حدود كام ؟


 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2


من حقك يا غالى أن تقدم رخصة تعديل للحى طبقا
لقانون البناء الجديد لبناء الدور الخامس ولا توجد
مشكلة في الـ 60 سم الارتفاع .... ويمكنك مشاورة
المهندس الاستشارى بشأنها ... اذ لا بد من وجود
مهندس استشارى معتمد لمباشرة البناء والرسومات
الهندسية اللازمة .........

ولا أنصحك ببناء دور مخالف في جميع الأحوال
تجنبا للإزالة ما دام أنه يوجد من يتربص بك .......
 

aneo

عضو جديد
التسجيل
6/5/14
المشاركات
2
الإعجابات
0
#3
شكرا استاذ جمال باشا على الرد .. بس انا روحت النهاردة الحى و سالت على عدد الادوار الموظف قالى لك اربع ادوار فقط و قالى ان الناصية شارعين متفرقش عن شارع واحد و هو مكنش متاكد 100 % و قالى اسال موظف تانى بس الموظف التانى مكنش موجود
يا ريت حضرتك تاكدلى المعلومة دى ان لى خمس ادوار مش اربعة ( هل حضرتك متاكد من المعلومة ) و لو اصرو فى الحى ان لى اربع ادوار فقط هل فى طريقة لتصعيد الموضوع لجهة اعلى ... معلش لو هتقل على حضرتك بس الموضوع ده مهم اوى بالنسبالى
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#4
في حالة وجود شارعين العبرة بالشارع
الأوسع .... وعدد أمتاره ...
عموما
في مثل هذه الحالات يتم مخاطبة مهندس
التنظيم في الحى أفضل ...

وعند الاختلاف يتم التصعيد لرئيسه المباشر
أو رئيس الحى ................
 

أعلى