أمنيه

عضو جديد
التسجيل
28/4/14
المشاركات
4
الإعجابات
0
#1

لى ارض تم تمكينى منها بمحضر تمكين وبناءا على حكم محكمة كلية ايضا ووضعت العلامات بها فى نفس اليوم عقب التسليم ثم بعدها بثلاثة ايام تم نزع العلامات وتم منعى من دخولها بقوة السلاح قمت بعمل محضر لما حدث
وتم حفظ المحضر دون التحقيق مع المعتدين
فقمت بعمل تظلم للمحامى العام وقام بفتحه مرة اخرى
اليوم ذهبت لرؤية الارض دون دخولها ووجدتهم
قد قاموا بحصاد القمح من عليها رغم استلامى اياها بمحصولها وذكر اننى اخشى حصاد المحصول بالمحضر سالف الذكر
فما هو الاجراء المتبع مع العلم ان غدا سيتم اخذ اقوالى فى النيابة عملا بصدور قرارفتح المحضر من المحامى العام
فما الذى سوف اقوم بقوله بالضبط كى يتم ردعهم عن افعالهم وارجاع ارض اليتامى لهم وتفادى اعتدائهم على اولادى وارضى؟
مع خالص شكرى وتقديرى
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#2


يمكنك توجيه الاتهام بسرقة المحصول لهم
ودخول أرض الغير بالقوة ....
وسيتم تحويلهم للمحكمة بهذه التهم الجديدة

وعليك المتابعة جيدا نظرا للأوضاع التى تمر بها
البلاد الان من فوضى وضياع للحقوق ...
 

أمنيه

عضو جديد
التسجيل
28/4/14
المشاركات
4
الإعجابات
0
#3

أولا : سيدى الفاضل اشكركم على حسن تعاونكم وعلى الرد.
ثانيا : هل يتم عمل محضرين احدهما بدخول العقار وسرقة المحصول واخر باتلاف محاصيل ولا اية بالضبط؟
وثانيا هل معاليك ممكن تقولى فحوى المحضر او المحضرين اية بالضبط معلش لوجه الله تعالى
وجزاكم الله عنا خيرا
 

أمنيه

عضو جديد
التسجيل
28/4/14
المشاركات
4
الإعجابات
0
#4
مع العلم بانى فى الصعيد ودوخت السبع دوخات علشان اوصل ليها وانا اللى كنت بجمع كل الاوراق والمستندات اللى ممكن تفيد القضية ويادوب كان عليه يضع اسمه على حافظة المستندات وانا تعبت وعاوزة اخلص من الموضوع دا والارض ترجع بدل مانا سايبة شغلى وكل يوم فى المحكمة واهى ضاعت تانى ومش عارفة اعمل اية افيدونا افادكم الله
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#5
في نفس المحضر يتم اثبات واقعة التعدى الجديدة
والقرار سيكون للمحامى العام ان شاء الله ....
أعانك الله
 

أمنيه

عضو جديد
التسجيل
28/4/14
المشاركات
4
الإعجابات
0
#6

تم عمل محضر بواقعة السرقة وتم حبسهم للتحريات واثناء تواجدهم بالقسم تم استدعائى وحضور ابن سلفتى التى باعت لجيرانا ارض اولادى وقال الضابط اتصالحى معاه فقلتله دا مش مكان للكلام حضرتك عندنا بيت نتكلم فيه راح قالى طب التحريات اثبتت انه مفيش سرقة قلتله والمحصول اللى كان على الارض راح فين قالى روحى اتصالحى معاه اقعدوا فى اى اوضة واوصلوا لحل طبعا انا خفت واصريت نتكلم فى بيتى راح ابن سلفتى قالى ماشى بينا يا مرات خالى على البيت واول ما خرجت من القسم جريت على اول توك توك وروحت وهو ما جاش ورايا بالعربية ولكن رجع للمركز واتكتبت التحريات وتم الافراج عنهم لان التحريات افادت بعدم الوصول لحقيقة الواقعة النهاردة ارفقت صورة من محضر ين احدهما به معاينة الادارة الزراعية تثبت فيه وجود محصول القمح على الارض والذى تم نفيه من قبل المشكو فى حقهم وقالو مزروعة برسيم والثانى عملته بعد ما تم منعى من دخولها وقبل حصاد المحصول وبرضوة ذكرت فيه انها مزروعة قمح.
سؤالى هنا اعمل اية والناس دى مسنودة ومطبخينها حق الايتام هيضيع وانا مش عارفة اعمل اية افيدونا افادكم الله
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#7
قدمى هذه المعاينات فى المحضر
واطلبى الطعن فى التحريات لعدم
جديتها وأنها صدرت مجاملة للخصم ...

وان شاء الله سيقدموا للمحاكمة والمحكمة
هى التى ستفصل بينكم .........
 

أعلى