حبك حياه

عضو فعال
التسجيل
9/4/13
المشاركات
126
الإعجابات
1
#1
سياده المستشار
انا شقتي عقدها 59 سنه واخدتها جاهزه بالحمام وكله والسيراميك المهم انا ملتزم بدفع الايجار بمواعيده ولكن من كام يوم انا الدور الاول بعد الارضي وصاحب البيت ساكن في الدور الارضي في شقه غير ادميه بيقولي في ميه بتنقط من عندك عليا دخلت وبصيت لقيته بيقولي الميه دي هتوقع البيت وهي اللي دمرت الشقه بالشكل ده علما ان الشقه بتاعته كانت كده اصلا وطبعا السكان بقوا في صفه وفي الطلعه والنزله بيعترضني انا وزوجتي وبيرغي انا زهقت وقلت له اصبر لما افضي هعملها برضه قعد يزن ويخنق عليا قلت له اذهب للقضاء وبخاصه ان هو عامل تنده تحت البلكونه الخاصه بي وقلت له شيلها رفض انا ذهبت للمحام الخاص بي واخبرته قاله يخبط دماغه في حيطه لان الميه اللي بتنقط من عندك مش مسببه ضرر للعقار فمن هنا مش يقدر يطردك كمان هو هددني انه يجيب لي ابنه يضربني والمحام بتاعي قالي حصل كده وان حصل اطلب له النجده لانه راجل صعيدي ومقرف
المشكله اللي عندي ساسياده المستشار/ان الحمام عايز يتسقي بالاسمنت الابيض لمنع تسرب المياه
حضرتك الاسئله هنا
لو رفع دعوي طرد للاساءه استخدام الشقه ماذا افعل وبخاصه ان المحام بتاعي قالي مش تدخل اي حد عندك الشقه يعاين
هل التنده اللي عملها تحت البلكونه قانونيه ام من حقي ازالتها للضرر الواقع عليا
ارجو افادتي لانه راجل صعيدي وصعب ومش بيفهم غير بالضرب ودائم التهديد لي واعتراض زوجتي ووالدتي
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2


للأسف الشديد فتوى محاميك غير واقعية
وتضرك أكثر ....
في مثل هذه الأحوال يتم استدعاء سباك
ليتولى الكشف على مواطن التسريب
وتتم المعالجة على حسب الأحوال ....

وبالطبع يمكن للمالك أن يلجأ الى الشرطة
وسيتم فتح محضر ومعاينة .. والغالب أن
الشرطة تحيل المعاينة الى الادارة الهندسية
بالحى ....

وفى كل الأحوال لم هذا التعنت وخاصة أن الضرر
في حالة تسريب المياه يزداد ولا يمكن لأى مالك
التغاضى عنه ...

توكل على الله ولا تسمع كلام محاميك وتعاون مع
المالك في هذه المشكلة حتى تحل ....

وللعلم مثل هذه المشاكل البسيطة تتسبب في مشاكل
كبيرة مع الوقت ...

دعوى الطرد سيسبقها محضر اثبات حالة ...
واذا ثبت الضرر في الدعوى وأصبح الحكم نهاءى
سيتم الحكم بالطرد بناء على الضرر الثابت ولكن
في دعوى أخرى بالطرد ........

لا أظن أن التندة ستسبب لك ضررا ...
واذا ادعيت الضرر عليك اثباته ...
والغالب أن الضرر الذى ينالك هو
ضرر مألوف لا يترتب عليه ازالة التندة ....

وما ام أن المالك صعيدى فأكيد ها يعرف الأصول
وساعتها يجب عليك التعامل معه برفق وبالأصول
أيضا ....
 
deyamag

deyamag

عضو ذهبي
التسجيل
1/8/06
المشاركات
739
الإعجابات
4
العمر
62
الإقامة
مصر-الجيزة-الدقي .
الجنس
Male
#3
بارك الله لك أخلاقك .
شكراً لك .
 

أعلى