mohammed khamees

عضو جديد
التسجيل
14/12/13
المشاركات
10
الإعجابات
0
#1
انا طبيب تكليف وتخلفت عن التجنيد حتى اتممت الثلاثون حيث انني تخرجت من الكلية عندي 28 سنة ونصف ولم اتعامل مع التجنيد غير بخطاب تحديد موقف من التجنيد حتى 20/7/2012 علشان استلم التكليف ولم يطلبوا مني اي موقف بعد ذلك
المشكلة الان ان الرقم القومي بتاعي مكتوب فيه طبيب بشري بمديرية الصحة هل القاضي ممكن ياخد اي اجراء علشان انا مستمر في العمل بدون موقف من التجنيد ولا لأ
ارجو من سيادتكم سرعة الرد حيث انني حددت لي جلسة الاربعاء 18/12/2013
واتوجه لسيادتكم بجزيل الشكر على مجهودكم في الرد على كل ملهوف
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#2


لا تقلق يا غالى

بيانات البطاقة ليس لها تأثير على القضية .......
 

mohammed khamees

عضو جديد
التسجيل
14/12/13
المشاركات
10
الإعجابات
0
#3
بارك الله فيك يا سيدي لي استفسار اخير بعد اذن معاليك
في الشئون القانونية لمنطقة التجنيد الموظفة قالتلي الغرامة بتاغتي هتكون كبيرة علشان انا طبيب ممكن اعرف ممكن توصل لكام لان ربنا وحده الاعلم انا جمعت فلوس الغرامة دي ازاي
واعود لاكرر الشكر لسيادتكم على الاهتمام والرد السريع
جعله الله في ميزان حسناتكم يوم العرض العظيم
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#4
للأسف المعلومة غير صحيحة ...
والغرامة تتراوح بين 3000
و 5000 جنيه .........
 

mas0202

عضو مشارك
التسجيل
25/7/10
المشاركات
34
الإعجابات
0
#5
ياريت ياخي ان شاء الله بس تخلص محاكمتك بخير وسلامة تعرفنا ايه الا حصل معاك علشان الكل يستفيد وكم الغرامة التي تم الحكم بيها وما اجابتك على القاضي وشكار جزيلا وربنا يوفقك ان شاء الله
 

mohammed khamees

عضو جديد
التسجيل
14/12/13
المشاركات
10
الإعجابات
0
#6
ان شاء الله بمجرد انهاء الاجراءات على خير باذن الله سوف اكتب موضوع كامل عن جميع الاجراءات
وما وجدته حتى الآن ان كلام الاستاذ السيد الجمل تمام والفارق الوحيد هو في سرعة انهاء الاجراءات
 

mas0202

عضو مشارك
التسجيل
25/7/10
المشاركات
34
الإعجابات
0
#7
ربنا يوفقك يارب وتنهي الموضوع على خير ونحن في انتظارك على احر من الجمر لان الموضوع يهم نااااااااااااس كثير والكل قلق
 

mohammed khamees

عضو جديد
التسجيل
14/12/13
المشاركات
10
الإعجابات
0
#8
الحمد لله يا شباب الموضوع يمر بمنتهى البساطة والقاضي لا يسأل الا عن السبب في التخلف ولا يعقب على كلامك "تقريبا لا يستمع اليك ايضا" ثم يسأل عن المهنة علشان يحدد الغرامة " اقل مبلغ كان 2200 جنيه واكبر مبلغ 2500"
اللي جه متأخر خد 2400 واللي مجاش خد 2500 والباقي خد 2200او2300
الناس اللي عندها اعاقة اخدت 2000 مع ايقاف التنفيذ يعني مدفعوش فلوس والباقي اخدونا الى مقر الشرطة العسكرية ودفعنا الغرامة واخدنا الوصل ويوم الاحد القادم هنستلم وصل اخر من النيابة العسكرية ونروح نطلع الشهادة بيه
بأكد تاني .............المحاكمة مفيهاش مشكلة خالص المهم تكون ملتزم بالميعاد واحترام القاضي
ربنا يوفق الجميع ويطمن بال كل مهموم
ان شاء الله اصور جميع المستندات والشهادة وارفعهم حتى يستفيد الجميع
تحية خاصة للاستاذ السيد الجمل بارك الله فيه
 

mas0202

عضو مشارك
التسجيل
25/7/10
المشاركات
34
الإعجابات
0
#9
ما شاء الله ربنا يوفقك والف مليون مبرووووووووووك عليك الانتهاء من هذا الهم المزعج ياريت ياحبيبنا تسرد لنا بالتفصيل يوم المحاكمة وما هي اجابتك للقاضي وياريت تذكر بعد الاجابات الثانية لبعض الاشخاص المتواجدين ، وما هي المدة تقريبا التي استغرقتها من بداية الموضوع لنهايته وشكرااااااااااااااا
 

mohammed khamees

عضو جديد
التسجيل
14/12/13
المشاركات
10
الإعجابات
0
#10
dear mhd865
اطمئن يا غالي القاضي لا ينصت الى الاعذار اصلا مجرد سؤال روتيني وعلشان تكون مطمئن هاكتب بعض الاعذار
1/ انا خلصت دراستي متأخر 28 سنة وخفت اضيع سنين تانية من عمري 3 على الاقل قالوا ذلك
2/ الاخ الاكبر مسافر والوالد متوفي او مريض
3/ الحل السحري تقريبا 15 واحد من اصل 25 قالوا ان ظروفهم المادية والعائلية لا تسمح لهم بالتجنيد لانهم لهم دور في الصرف على العائلة و الاقارب بصفةعامة
موضوع المواعيد ده في الغالب يختلف من منطقة الى الاخرى لكن بالنسبة لي انا بدأت الموضوع يوم الاربعاء 11/12/2013 عملت الفيش الجنائي ورحت استلمته يوم الخميس 12/12/2013 ورحت بيه في نفس اليوم الى منطقة التجنيد وطلبوا مني هناك دوسيه تخلف ثمنه 31.5 جنيه ومعاه 3صور من
1- الفيش الجنائي
2- البطاقة الشخصية وش وظهر
3-آخر مؤهل دراسي
4- استمارة 6 جند القديمة او رقم البطاقة الورقية لتأكيد الرقم العسكري "الرقم الثلاثي"
اخد الورق واعطاني وصل بالمستندات وقاللي أجيله تاني يوم السبت 14/12/2013 الساعة10صباحا
روحت يوم السبت 14/12/2013 خلانا نشتري دوسيه ورقي ابيض واخدنا على الشئون القانونية لمنطقة التجنيد علشان التحقيق وقفنا خارج المكتب وندهوا علينا واحد واحد اللي يدخل يعطيه الموظف اعلان بميعاد الجلسة ويمضوه عليه بالعلم وياخد البطاقة بتاعته "بياخدوها يوم التحقق الصبح مع الدوسيه الابيض" ويروح مفيش تحقيق ولا حاجة.
بالنسبة لي الجلسة كان ميعادها الاربعاء 18/12/2013
الموضوع يمر بمنتهى البساطة والقاضي لا يسأل الا عن السبب في التخلف ولا يعقب على كلامك "تقريبا لا يستمع اليك ايضا" ثم يسأل عن المهنة علشان يحدد الغرامة " اقل مبلغ كان 2200 جنيه واكبر مبلغ 2500"
اللي جه متأخر خد 2400 واللي مجاش خد 2500 والباقي خد 2200او2300
الناس اللي عندها اعاقة اخدت 2000 مع ايقاف التنفيذ يعني مدفعوش فلوس والباقي اخدونا الى مقر الشرطة العسكرية ودفعنا الغرامة واخدنا الوصل ويوم الاحد القادم22/12/2013 هنستلم وصل اخر من النيابة العسكرية ونروح نطلع الشهادة بيه
هذا ما تم من اجراءات حتى الان وان شاء الله هكتب الاحداث اولا بأول
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#11
مليون تحية يا غالى
وألف مبروك ..............
 

mas0202

عضو مشارك
التسجيل
25/7/10
المشاركات
34
الإعجابات
0
#12
الاخ العزيز محمد والله ربنا اعلم بمدى فرحتي لك بانتهاء هذا الموضوع وكاني انا شخصيا الا انهيت موضوعي لاني اعلم مدى التعب والمعناه حيث انني عانيت لاكثر من 13 عام بسبب هذا الموضوع والسبب خارج عن ارادتنا جميعا وليس تهرب من المسؤولية ولو ان دولتنا العزيزة توفر لنا ولمن نعول العيشة الكريمة لما فكرنا في ذلك تريليون مبرووووووووووك عليك.

سؤالي الاخير ولن ازعجك اكثر من ذلك ، انا ان شاء الله خلال الشهرين القادمين سوف اقوم بانهاء هذا الاجراء وافكر وافضل ايضاً البحث والاتفاق مع محامي يساعدني في الاجراءات والانتهاء منها ، هل وجود المحامي يعطي انطباع سلبي لدى القاضي او بالعكس بمعنى ان القاضي يفكر بانك متخلف عن التجنيد وتحضر معك محامي ليدافعك عن ومن ثم يكون حكمه قاسي سواء بالمبالغة في الغرامة او بحكم اخر لا قدر الله علماً بان مهنتي في البطاقة الشخصية (مدير مبيعات)

مع افضل تحياتي وتمنياتي لك بالتوفيق دائما
 

mohammed khamees

عضو جديد
التسجيل
14/12/13
المشاركات
10
الإعجابات
0
#13
آسف للتأخر في الرد يا غالي بس والله معرفتش ادخل على النت الا اليوم
المحاكمة بتاعتي كان فيها تقريبا 25 واحد مفيش غير واحد بس هو اللي كان جايب معاه محامي
واخد غرامة 2300 جنيه زيه زي غيره من الافراد يعني مستفدش حاجة من وجوده غير اتعاب المحامي
ده غير ان بوابة منطقة التجنيد مكتوب عليها "ممنوع دخول السادة المحامين" يعني المحامي مش هيعمل حاجة من اجراءات القضية غير حضور الجلسة معاك وباقي الاجراءات انت اللي بتعملها من منطقة التجنيد
نصيحتي لك ان تتوكل على الله وتخلص الموضوع بنفسك وتوفر مبلغ اتعاب المحاماه لان حضور المحامي لن يؤثر في حكم القاضي لان القضية مفيهاش براءة لازم الحكم بالغرامة وحضور المحامي ان لم يتسبب في زيادة الغرامة فهو لن يقللها
دور المحامي هنا يقتصر على الاستشارة لمعرفة الاجراءات" ربنا يخليلنا الاستاذ السيد الجمل بارك الله فيه"
وانا تحت امرك في اي استفسار وان شاء الله سوف ارفع صورة الشهادة عند استلامها بأذن الله.
وتحياتي مرة اخرى للاستاذ السيد الجمل بارك الله فيه
 

mas0202

عضو مشارك
التسجيل
25/7/10
المشاركات
34
الإعجابات
0
#14
حبيبي ربنا يخليك واشكرك على المعلومات دي ، ربنا يوفقك وتستلم الشهادة باذن الله ونحن في انتظارها
تحياتي ليك وللاستاذ السيد الجمل وربنا يجزيه عنا خير
 

mas0202

عضو مشارك
التسجيل
25/7/10
المشاركات
34
الإعجابات
0
#15
الاخ العزيز الرجاء انك تطمنا هل تم استلام الشهادة ام لا وشكرا
 

mohammed khamees

عضو جديد
التسجيل
14/12/13
المشاركات
10
الإعجابات
0
#16
تمام

انا استلمت الشهادة من وقتها بس معرفتش ارفع الصورة للاسف شكرا ليك على الاهتمام
 

أعلى