الحالة
موضوع مغلق

aymn.almasry

عضـو
التسجيل
7/5/13
المشاركات
241
الإعجابات
32
#1
http://www.gulfup.com/?d2p6yt رابط مشاركة


...................


بحبك وانتى حبك زى نسمة تروح وتيجى

زى شمس تغيب وتطلع

زى نار باردة فى ايدى

زى طير هاجر

وغصب عنه لعشة بيرجع

بحبك وانتى حبك زى همس فوق شفايفى

مالى حياتى بالغنا

زى حلم جوا عيونى ملوش عن الامل غنى

زى قلب طاير من غير جناح بين ا لصدور

زى شفايف مجروحة ومتبسمة

حبيبتى انتى طيف امل مجروح فى حلمى

صورتك ساكنة فيا جوا قلبى

بسمع سكوتك ..... بسرح فى صوتك

بعشق كلامك من غير كلام

بغرق فى بحر من الاحلام

ولسة

لسة احلامى بتنزف امل مجروح

لسه عيونى بتخنق طير مدبوح

لسة بغنى بصوت مبحوح

كبير قلبى مش كدة

عارفة لية

ولا متعرفيش

الاحسن متفكريش

العقل له ديابة بتموت من الجوع

والحب اصلة غابة مفيهاش طريق رجوع

بحبك

بحبك وانتى زى نجمة بتنحرق

عشان مكانها مش هناك

بحبك وانتى زى بسمة بتنسرق

من فوق شفايف الورود

بحبك ... بحبك وهفضل احبك

لو خدونى من هنا لهناك

لو جابونى لدنيا فيها كل الحاجات

لو حطونى جوا حدود من غير حدود

انا كدة مخلوق كدة

معرفشى اكرة

ولية اكرة مدام ليا قلب

ولية اكرة مدام بعرف احب

صدقينى القلب اللى حب مستحيل يوم يكرة

افهمينى اليوم اللى فات فيه شعاع نور لبكرة

انا كدة مخلوق كدة

انا عاشق ومش معشوق ... انا طاير بقلبى لفوق

وانا طيرى مهوش مخلوق ... عشان يحب ملاك حانى

بيجرى الحب جوا عروق ... ومن نارة ومرارة بدوق

انا قلبى يا دوب مخلوق .... عشان يحب ويعانى

انا باكى كما الساقية ... لسه فيا امل باقية

عيون الناس مهش لاقية ... دموع تدارى احزانى

انا شاكى كما الناى ... انا راحل انا جاى

ومش هقولك لية وازاى ... تزيدى نارى وحرمانى

انا نسمة ربيع هلت ... انا نور شموس طلت

وطلعت فيكى واتملت ... وخافت تبقى جرحانى

انا بحر عال الموج ... راحل لوحدى مش فى فوج

انا واهب بس الموج ... بيسرق منى احسانى

انا مجروح زى طير ... ملهوش وطن فية يطير

ومهما هاجرت وبعدت كتير... اكيد راجع لاحزانى

انا كدة مخلوق كدة

عايزة اية ؟

هه...

قلبى

قلبى اهوة بين ايديكى ... احضنية برموش عينيكى

كل حاجة ف قلبى ليكى ... بتناديكى اسكنية

حبى ليكى فى قلبى باقى ... حب كامل مش بواقى

فى جمالك مين هلاقى ... اوعى قلبى تجرحية

حتى لو جرحتية وقتلتى الاحساس اللى فيه

هيفضل يحبك

بحبــك

بحبـــــك

بحبــــــــــك


...................
 

الحالة
موضوع مغلق

أعلى