الحالة
موضوع مغلق

aymn.almasry

عضـو
التسجيل
7/5/13
المشاركات
241
الإعجابات
32
#1
http://www.x88x.com/go.php?go=del&cd=7bbce46ba1ee4d1cfa4cf3953696fdb9

...................

أول حلم حلمته معاك

أنى أعيش وأموت فى هواك

وأفضل جنبك

عمرى بحاله

الليل ونهارة ..... برضه وماله

عمرى ما أسيبك

وأخلى إيديا تحضن إيديك

وسهام عينى تكون حمياك

من عين ناس حسداك

وناس عشقاق

ونسايم بتعاكس فى جدايلك

وبتولع فى قلب شايلك

وف أحلام لعيونك رسمتها

وجوا القلب شلتها

وفكرت كتير احققها ومعاك اضمها

أنا بتمناك

أمتى القاك

ياللى هواك ..... خدنى معاك

لدنيا جميلة

خدنى معاك لأحلى جزيرة

مفيهاش غيرنا

أنا الأمير

وأنتى الأميرة

(2)

نفسى أحقق حلم حلمته

قمت رسمته

ف ورق القلب

جيت لونته

بدم ف جسم داب م العشق

وبروزته بحب العمر

ولما طبعته

حاولت أحقق كل ما فيه

جيت أبنيه

نزلت دمعة مسحت فيه

شمس تنور جنه شوق

سابت ليل مدلوق الحبر

ليل ملهوش فجر

وانحرق الحلم

والصورة حمضت

وألوانها أتعاركت

والدم سال على بروازها

وعدى حدود حدها

ومات وقتها

ولا حد نقذها

(3)

ودا حلم حلمتة جوا عينيك

نفسى أيديا تضم أيديك

وأخدك وأجرى

وأهرب بيك

وأنزل بحر الشوق ف عيونك

وأجدف فيه

وأوصل شط العشق على حد جفونك

وأبنى عليه

من قلبى قصر

تسكنى فيه

وأسلملك مفاتيحه

وأخليكى الأميرة عليه

بس الشط باينه بعيد

وجوا البحر الموج بيزيد

وقلبى بيسأل

ليه دايماً عينك دموعها بتنزل

تغرق خدك

تعمل فيض

ويغرق شجر ودى وودك

ويدبل ورد حلمى وحلمك

ويموت بموتها شوقى وشوقك

والجرح يزيد ف قلبى وقلبك

(4)

يا قلبى

كلامك سيف شاله القلم

وحطه على الورق

أحلامك طيف فى لحظة تجلى

برق وبرق.....

وبينسرقف لحظة غرام إحساسك

وأساسك

شجر أمل مزروع جواك

كل يوم بيطرح ثمره بهواك

ووردتين حب معاك

بيدبلوا

من قبل حتى ما يسألوا

على حال بعض

أصبح طريق البعد

فاصل ما بينهم

والندى من العين نازل

نفسه يحضنهم

- لكن - قبل ما يوصلهم

بيموت .....

وبيخونهم

(5)

حلمت يوم أنى شفتك

وأنتى لابسه .......

مش هأقولك

بس بسمك كان هو نسمك

وأنتى شمسك ولادة ضلك

وجوا القلب خلقتى أمل

قتلتى ألم .....

طردتى خوف

فين الحروف

عايز أنطق وأقولك

ب ... ح ... ب ... ك

عايز أكتب جوا القلب أسمك

وأكتب عشقتك

بس قلبى خايف

أكون نطقت الكلمة متأخرة

وأشوفك لابسه .....

فستان وطرحة منورة

وأيدك حاضنة إيد أمير غيرى

وينكسر جناح طيرى

وأموت كل يوم

ألف مرة فى حزنى وحسرتى

ماخلاص أنسرقت أحلامى وفرحتى

وماتت جوايا أمال

كانت فى خيالى منورة

خلاص أنطفت

وبعيش لوحدى ويا صور ذكرى

عدت أوام

محبوسة الكلام

زى كلمة حلوة تاهت بين الدفاتر

جوا حوارى القلوب

تايهة

فوق جدرانها متعلقة .....

ومتصورة

والدموع من عينى عليكى .....

حبيبتى

متهدرة

...................
 

الحالة
موضوع مغلق

أعلى