elhelhly

عضو مشارك
#1
,

أرجو الإفاده... تقدمت للجنه طبيه عليا سنه 2008 و كانت حالتي أغماءات مفاجأه و بعد عمل رسم المخ في مستشفي كوبري القبه العسكري رجعت للتجنيد بالحلميه و سألني الأستشاري الطبيب عن روشته أدويه لي و لم تكن معي و كان رده الأسبوع الجاي تجيبلي روشته أدويتك كامله و بالفعل رجعت بها و لم يكن الطبيب موجودا و سألت عما يجب أن أفعل .. كان الرد العوده للهايكستب و اللحاق بمركز التدريب و ستأخذ الأعفاء الطبي مع أول كومسيون طبي هناك في مركز التدريب.... و بالفعل رجعت للهايكستب و قال الصول أن مركز التدريب الخاص بي علي وشك الأنتهاء و لا يمكن أن يتم تحويلي اليه الأن و سيتم تحويلي في مركز التدريب القادم مع سنه زياده و يجب علي أن أمضي علي أقرار أنني متهرب من التجنيد و أعلم أنه سيكون هناك شهرين زياده في تجنيدي ... طبعا أنا سمعت الكلام ده و خرجت من الهايكستب و مرجعتش غير من أسبوع بعد ما تميت الثلاثين بأربعه ايام... نصحني العسكري أن أذهب و أعود بعد أربعة اشهر علي الأقل منعا أن يتم الحكم علي بسنه سجن تبعا لهوي القاضي أنني جئت فقط للشهاده و علشان كده هايديني سنه .. فعليا أني أصبر شويه مش بعد التلاتين أوي كده أجي أتقدم للمحاكمه.... هل فعلا عليا أن أنا أصبر اربعه شهور و لا سته شهور و لا أروح دلوئتي و لا أعمل أيه بالظبط و شكرا لسعه صدركم ؟
 

new_yasser

new_yasser

عضو مميز
#2
أنت هارب من التجنيد وعليه إما أن تنتظر لبعد الــ 36 عام وتأخذ شهادتك بدون س أو تسلم نفسك وتتحاكم وتأخذ حكم مخفف إن شاء الله​
 

elhelhly

عضو مشارك
#3
و الحكم المخفف ده هايبقي أيه ؟
هل فيه أي أحتمال و لو ضعيف بالسجن ؟
و ليه العسكري في شباك كبار السن قالي تعالي بعد أربع أشهر ؟
و شكرا لتعبك
 

mostafa1

عضو مشارك
#4
استفسار

لو سمحت يا سيادة المستشار انا هربت من الجيش بعد فتره 9 شهور او 10 شهور تقريبا فى اواخر 2006 او اوائل 2007 وانا دلوقتى عندى 28 سنة وسمعت من ناس انى ممكن اخد الشهادة بعد ما اكمل 30 سنة او 31 سنة مع دفع غرامة الكلام ده صح ولا غلط ارجو الرد على رسالتى
 

elhelhly

عضو مشارك
#5
سيادة المستشار أرجو الرد علي أسئلتي علما بأنني بعد اللجنه الطبيه العليا حتي لم أعلم ما هو السلاح و لا أين مركز التدريب و لا أستلمت كارنيه

أيه هو حكم المحكمه في حالتي ؟
هل فيه أي أحتمال و لو ضعيف بالسجن ؟
و ليه العسكري في شباك كبار السن قالي تعالي بعد أربع أشهر ؟
و شكرا لتعبك
 

hanyaly

عضو مشارك
#6
للأسف الموجودين فى التجنيد مش فاهمين حاجة فى اى حاجة وكلامهم عن جهل وعشوائى
انت متخلف عن التجنيد ومش هارب ولا حاجة, طالما لم يتم ترحيلك لمركز التدريب او استلام الكارنية والقيام باجراءات تجنيدك الفعلية بعد تحديد لياقتك الطبية, ولكن الهروب او الغياب من الوحدة العسكرية دة شىء اخر وموقفك ينتهى بعد الثلاثون ولو بيوم

ارجو اكون ساعدت فى التوضيح
 

mostafa1

عضو مشارك
#7
لو سمحت يا سياده المستشار انا دخلت الجيش فى سنة 2006 وفضلت فيه مده 6 او 9 شهور وهربت فى اواخر 2006 او اوائل 2007 وكنت داخل حربية بس 3 سنين وسمعت من ناس انى لما اكمل 30 سنة او 31 سنة ممكن اخد الشهادة بعد دفع غرامة وسمعت كلام تانى من ناس بتقول الى هرب بعد 2004 مش بياخد الشهادة غير بعد ميكمل 36 سنة ارجو التوضيح الكامل والكلام الصحيح مع العلم انى عندى 28 سنة وشكرا
 

elhelhly

عضو مشارك
#8
شكرا لحضرتك أستاذ هاني علي علي أهتمامك و مشاركتك و لكن كلام حضرتك جاوب علي السؤال الأخير الخاص بالعسكري اللي قالي رأيه في شباك كبار السن و يتعارض باقي أجابتك مع أجابة السيد نيو ياسر بأنني متهرب ... مما وضعني في حيرة اشد محتاج رد عاجل من سيادة المستشار :

هل حالتي تهرب أم تخلف تجنيد و هل هناك فرق ؟
ماذا قد يكون الحكم المخفف من القاضي ؟
أذا أجبت بكل صدق عما حدث معي ... هل من الممكن أن يحكم القاضي تبعا لرأيه أو لهواه بأنني مستحق لعقوبه مخففه مثلا سجن سنه مع النفاذ .. هل هناك أي أحتمال و لو ضعيف بالحكم بالحبس ؟

و شكرا لسعة صدركم جميعا......
 

mostafa1

عضو مشارك
#9
ارجوكم حد يرد على سؤالى

لو سمحت يا سياده المستشار انا دخلت الجيش فى سنة 2006 وفضلت فيه مده 6 او 9 شهور وهربت فى اواخر 2006 او اوائل 2007 وكنت داخل حربية بس 3 سنين وسمعت من ناس انى لما اكمل 30 سنة او 31 سنة ممكن اخد الشهادة بعد دفع غرامة وسمعت كلام تانى من ناس بتقول الى هرب بعد 2004 مش بياخد الشهادة غير بعد ميكمل 36 سنة ارجو التوضيح الكامل والكلام الصحيح مع العلم انى عندى 28 سنة وشكرا ممكن حد يرد على سؤالى
 

mostafa1

عضو مشارك
#10
ممك اجابة لسؤالى

انا دخلت الجيش فى 2006 وقضيت فيه 6 شهور او 9 شهور وهربت فى اواخر 2006 او اوائل 2007 وانا دلوقتى عندى 28 سنة وسمعت من ناس انى استنى لما اكمل 30 سنة او 31 سنة وادفع غرامه واستلم الشهادة وسمعت من ناس تانية انى لازم استنى لحد 36 سنة ايه الكلام الصح ارجو التوضيح الكامل لحالتى وشكرا
 

mostafa1

عضو مشارك
#11
ارجو الرد

فينك يا سيادة المستشار ليه محدش بيرد على رسايلى
 

elhelhly

عضو مشارك
#12
سيادة المستشار... هل من أجابه شافيه لحالتي لأنني في أشد الحيره و أنتظار ردكم خاصة ؟
 

gamal gamal

محامى ومستشار قانوني
#13


يا غالى ما دمت قد دخلت مركز تدريب فأنت تعتبر
هارب من الخدمة وموقفك ينتهى في السجلات العسكرية
عند سن 36 سنة ..................
 

elhelhly

عضو مشارك
#14
يا سيادة المستشار أنا لم أدخل مركز تدريب و لم أعلم ما هو سلاحي و لم أتسلم كارنيه مجند و لم تتم أجراءات تجنيد فعليه... لقد تم تحويلي إلي لجنه طبيه عليا بعد الأرجاء و كشف الهيئه في حلمية الزيتون ... و لما رجعت الهايكستب محاولا الأنضمام لمركز التدريب الذي لا أعرف أين و لا أي سلاح .. رد عليا الصول أن مركز التدريب لدفعتي علي وشك الأنتهاء و عليا أني أمضي علي أقرار أنني متهرب و بذلك سيكون تجنيدي بسنه زياده أي بأضافه شهرين.... و سيتم ترحيلي مع مركز التدريب التالي و من ساعتها مروحتش تاني ... فحتي لو حضرتك بتقولي السجلات أنا لا أعرف السلاح أصلا... في هذه الحاله هل أعتبر متهرب أم متخلف ؟
 

ppego313

عضو مشارك
#15
يااخى طلماانت لم تتدخل مركز التدريب فاانت متخلف وليس هارب وعند الثلاثين ينتهى :265:مو قفك من اداره التجنيد
 

elhelhly

عضو مشارك
#16
يا بيجوو الله يخليك أنا دماغي أتلحست ... الأستاذ نيو ياسر قالي أنت متهرب و حضرتك و الأستاذ هاني قلتوا متخلف و الموضوع يخلص من أداره التجنيد و في الأخر سيادة المستشار تقريبا مقراش سؤالي أنا كويس و حصل ألتباس و قالي طالما دخلت مركز تدريب مع أني مدخلتش و موضح ده...
أتمني أن سيادة المستشار يشوف وضعي و سؤالي بوضوح و يعطيني أجابه فاصله لأن للأسف أجابتكم عكس بعضها و شكرا لكل من ترك أجابه ... ربنا يخليكم

elhelhly
 

gamal gamal

محامى ومستشار قانوني
#17
شكرا على التوضيح الذى لم يكن
متوافرا من قبل في سؤالك ...

ما دام تحويلك قبل دخول مركز التدريب
أو استلام كارنيه وخلافه فأنت متخلف
عن التجنيد الآن .....
والمحاكمة والغرامة هو الحل ..........
 

elhelhly

عضو مشارك
#18
شكرا على التوضيح الذى لم يكن
متوافرا من قبل في سؤالك ...

ما دام تحويلك قبل دخول مركز التدريب
أو استلام كارنيه وخلافه فأنت متخلف
عن التجنيد الآن .....
والمحاكمة والغرامة هو الحل ..........
شكرا جزيلا لرد حضرتك....أخر حاجه بقي هازعج بيها حضرتك :)....
رأي حضرتك الشخصي أروح دلوئتي و لا أستني 3 شهور مثلا خوفا من حكم القاضي بالحبس زي ما قالي العسكري اللي في شباك كبار السن ؟
 

أعلى