نهي محمد عبده

عضو مشارك
التسجيل
14/9/13
المشاركات
2
الإعجابات
0
#1
وبركاتة
اولا اشكرك على ما تقدمه لكل الناس من مجهودات

ثانيا لدي استفسارين اردي ان اسأل حضرتك فيهم
انا هشتري شقه تمليك وكنت عاوزه اعرف هعمل ايه

الشقه ديه ل3 اخوات ورثوها عن والدهم
الاخ الاول احمد والثانى محمد والثالث محمود
احمد ومحمد موجودينو هيمضوا على العقد ومحمود عامل توكيل عام لاخوه احمد

فعاوزه صيغه عقد ابتدائي يكون فيها الصيغه الصح علشان يكون حقي مضمون
ولان محمود مش هيكون موجود فاللى هيمضي مكانه هو احمد لانه معاه توكيل عام منه
يعنى احمد هيمضي مرتين على العقد فعاوزه اعرف بردوا هيمضي ازاى مرتين
ويتكتب ايه بالظبط فى الصيغه بتاعه العقد علشان يكون مظبوط

ثانيا بقي الشقه ديه مسجله فى جمعيه
دلوقتى بقي المفروض اننا اتفقنا انهم هيعملوا ليه توكيل بيع شقه في الشهر العقاري
وانا بالتوكيل ده بقي ممكن اعمل اى حاجة
سواء اروح اغير الاسم فى الجمعيه واخليه بأسمي
او سواء انقل عداد الميه والكهرباء وادخل الغاز في الشقه
او لو عاوزه أأجل موضوع نقل الملكيه في الجمعيه شويه لان الجمعيه بتاخد مبلغ على نقل الملكيه
فكنت عاوزة اعرف من حضرتك التفاصيل بالكامل علشان اضمن حقي

اتمني مكنش ازعجت حضرتك واتمنى يكون الموضوع بسيط
وشكرا جدا ليك
وفى انتظار ردك
ولو حابب تسأل عن اى حاجة انا موجوده معاك
وشكرا جدا ليك
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#2
عليكم السلام

لا توجد صيغة محددة للعقد ولكل عملية بيع لها عقدها الخاص .
لذا الأفضل أن يتم الاطلاع على أوراق الملكية أولا قبل كتابة العقد .
عموما
لا بد من أمور يجب توافرها في هذا العقد
الأول : وجود اعلام وراثة لوالد البائعين حتى تتأكدى أنهم فقط الورثة الشرعيين دون غيرهم .
الثانى : يجب الذهاب للشهر العقارى للتأمد من سريان التوكيل من الأخ لأخيه . ومونه يبيح له بيع
الشقة من عدمه .
الثالث : الاطلاع على أصل عقد الشركة لمعرفة أنهم سددوا مل الثمن من عدمه . واذا كان يوجد
أقساط في العقد لا بد من التأكد من الجمعية بعدم وجود أقساط متبقية من الثمن .
الرابع : لا بد من استلام الشقة حين دفع الثمن وأن ينص على ذلك في العقد .
الخامس : وجود التوكيل بالادارة مهم جدا أيضا .
السادس : لا بد من ورفع دعوى صحة توقيع عليهم ويفضل حجز جزء من الثمن لحين الاقرار
بصحة التوقيع في المحكمة .

وبالتوفيق ....
 

نهي محمد عبده

عضو مشارك
التسجيل
14/9/13
المشاركات
2
الإعجابات
0
#3
شكرا على ردك وعلى فكره انا مستنيه الرد من امبارح
شكرا جدا ليك

بالنسبه للورق انا اطلعت على كل الاوراق
اعلان الوراثه مكتوب فيه ال3 اخوات فعلا

اما بخصوص عمل توكيل بيع شقه
لما نروح الشهر العقاري علشان يعملوا توكيل بيع شقه ليه مش الشهر العقاري هيطلب منه التوكيل بتاع اخوه اللى عمله ليه
واكيد همه هيتأكدوا انه صح وهيعملوا الاجرأت اللازمه ولا الشهر العقاري ملهوش دعوة بالموضوع ده

وبالنسبه للعقد والسداد همه فعلا سددوا كل الاقساط الحمد لله وروحت وسألت فعلا ومعلهاش اى فلوس او اقساط

اما بخصوص استلام الشقه فأنا اتفقت معاهم انى هستلمها اخر الشهر لان فيها مستأجر حاليا وهمه اتفقوا معاه انه هيطلع اخر الشهر وانا كنت حاضره الاتفاق ده وهو اكد انه هيطلع اخر الشهر

بالنسبه بقي لدعوي صحه توقيع هل ديه هيبقي ليها لزمه لو انا عملت تسجيل فى الجمعيه بأسمي
وهل ليها لزمه بالرغم ان معايا توكيل بيع الشقه

سؤال اخير معلش هيه اجرأت عمل عقد بيع مسجل فى الشهر العقاري ايه وبيتكلف كتير ولا قليل تقريبا؟؟

شكرا لك على ردك وتجاوبك

 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#4
توكيب البيع في الشهر العقارى لا يتطلب
الاطلاع على التوكيل القديم ...
لذا يجب التأكد أن توكيل الأخ لأخوه ما زال ساريا ...

والتسجيل في الشهر العقارى قد لا يكون متوافرا
في الشقق المملوكة لجمعيات غالبا الا اذا تم تسجيل
الأرض المقام عليها المبنى ... يمكنك السؤال عن ذلك .

والتسجيل في الشهر العقارى يتكلف في حدود 5000 ج
أو أقل أو أكثر قليلا ....

وما دام هناك ساكن فالأفضل أن تبقى جزء من الثمن
لحين خروجه حتى لا تكون هناك مشاكل .

وصحة التوقيع مهمة جدا جدا في مثل هذه الحالات ....
 

أعلى