ما الجديد

hanydew

عضو جديد
التسجيل
18/4/08
المشاركات
21
الإعجابات
8
#1
هذه قصيدة لطفلة في التاسعة من عمرها إسمها فيروز العبد الله فتاة سورية كبرت قبل أوانها تختصر المأساة السورية

شحجيلك يا وطن ومدري شغبي عليك
ترا من بعدك شفنا ذل وعجايب
واسيني شما تقدر وأنا أواسيك
وخلينا نتشايل ثقل المصايب
ما أبجي على غروبتي أنا أبجي عليك
أرجوك لا يكون ضنك بيا خايب
أنا منفي لأني بس بروحي أفديك
لا تقول يوم إحتجتني جنت غايب
غربوني بالغربة ما تلقى ليقولك شبيك
حتى ليسألك تمشي قبل لتجاوب
تلقى أعز الناس على زله مستنيك
يوقف على أصغر غلطة ويحاسب
بالغربة ما تتألم من الطعنات لتجيك
الألم لما تلتفت ونو ليطعنك صاحب
ويزيد الألم لما تلقى الغريب يداويك
وجروحك كلها من إيد القرايب
صرنا ندور إقامات وهيهات من يعطيك
وإذا لقيت ليعطيك يشغلك بلا راتب
وإنت ياما وياما لميتهم على أراضيك
وبابك جان للعرب داشر وسايب
بلاد العرب أوطاني شلون الله يخليك
وهي مسكرى بوجوهنا ومفتوحة للأجانب
و إستغلو بناتك وما أضن يا وطن يرضيك
إستغلوهم بحجة الستر على المسلمة واجب
هذا حالنا بس لا تضن بيوم ناسيك
أرجعلك وتشوف شلون الرمش شايب
و إنت يا وطن فضفضلي شبيك ما بيك
أشو ساكت ولا راضي تحجي وتعاتب
وأشو صاير على كل لسان طاريك
ليسوى ولما يسوى سيرتك جايب
وأشو محد يكحلك والكل يريد يعميك
إنت شمسوي غير الكرامة شنهو طالب
الكل يزيد الحطب وما شفت ليطفيك
دولة تدعم نظام و دولة تدعم كتائب
هدوك يا وطن بمالهم باجر منو يدفع ويبنيك
منو ليسألهم ليش ومنهو العاقب
وعلى الدرب الصحيح أشو محد يدليك
الكل يقودك على دروب الصعايب
شريد أقول يا وطن غير الله يحميك
دعوت غريب من فراق الوطن ذايب

 

سعد الدين

سعد الدين

المسؤول الفني
التسجيل
18/3/03
المشاركات
44,881
الإعجابات
15,911
الإقامة
Türkiye
#2
صرنا ندور إقامات وهيهات من يعطيك
وإذا لقيت ليعطيك يشغلك بلا راتب
وإنت ياما وياما لميتهم على أراضيك
وبابك جان للعرب داشر وسايب
بلاد العرب أوطاني شلون الله يخليك


شي مخزي والله العظيم
 

أعلى