شروق الامل

عضوية الشرف
التسجيل
14/2/13
المشاركات
8,566
الإعجابات
3,630
الإقامة
فى القلوب الطيبة
الجنس
Female
#1
يالله عفوك

يالله عفوك يوم تصفية الحساب يوم حصاد لما زرعنا في السنين ..

.. يوم الحشر قرب وﻻ معنا زهاب اليوم في الدنيا وبكرة راحلين ..

.. نجني ذنوب ونرتجي عفو وثواب وعلى نصر ربي لنا مستعجلين ..

.. تدرون ليه آمالنا كنها سراب تدرون ليه النصر سيف اﻷوليين ..

.. اﻷوليين أعمالهم وفق الكتاب قاموا عليه وباعوا الدنيا بدين ..

.. وحنا غفلنا بين مالذ وطاب والنصر سيف ما يسله غافلين ..

.. نصبح على شوف انتهاكات وخراب ونمسي على دمع وتنهات وونين ..

.. بصدورنا شي تذوب اله الهضاب وأفعالنا والواقع رياح .. وطحين ..

.. وعلى العيون من الفتن مثل الضباب معد درينا من يسار ومن يمين ..

.. ما للضيف اﻻ الدعا لو ما يجاب ما غيره اﻻ الشوف مكتوف اليدين ..

.. يالله زلزل تحت اﻷعداء التراب والطف بنا واحقن دماء المسلمين ..

.. ندعوك يا قادر على جعل السحاب جيش لنصرة قلة مستضعفين ..

.. أغرقهم بنوع من أنواع العقاب غرق الغﻼم اللي يحسب انه فطين ..

.. لوما عصى نوح نجا به في رحاب سفينته وأمضى معه في العمر حين ..

.. لكنه اختار الخساره والذهاب اصنع بهم صنعك به وانت المتين ..

.. واﻻ اخذهم يا مجري سود الحقاب أخذ العجوز اللي بقت في الغابرين ..

.. ذوقهم اللهم أنواع العذاب اللي عثوا في أرضك أمن المفسدين ..

.. وألطف بمن لبسوا من التقوى ثياب عبادك المستهدفين المتقين ..

.. تكالبت عليهم أنياب الذئاب وﻻ غير عونك يا معين الصابرين ..

.. من بينهم شيبه يعجزون الشباب من وقفته من طولها في الركعتين ..

.. ومن بينهم بنت تون بﻼ حجاب أحجابها لفوا به الجرح المكين ..

.. وطفل عن عيون أمه الثنتين غاب تبكيه عين وتلتفت ﻷخيه عين ..

.. من هول ما يجري لهم شاب الغراب يا وسع حلمك وانت ما فوقك مدين ..

.. أدعيك وانت ادرى بحال أهل المصاب وأمد كفي لك يا أكرم اﻷكرمين

منقوووووووووووووووووول
 

أعلى