morry_911

عضو مشارك
#1
انا عندى 25 سنة واخويا 23 سنة واحنا الاتنين اتخرجنا من طب بيطرى السنادى وهنقدم نص تانى ان شاء الله مع بعض بس الوالد متوفى والمفروض اقدم عائل اسرة بس سمعت ان بمجرد ما اخويا هيخرج من الجيش هخش انا على طول خصوصا ان فى طب بيطرى مفيش ارجا ويأما كلو يتقبل يأما كلو يتأجل فهتبقى فرصتى فى الدخول كبيرة خصوصا ان اعدادنا فى المجال دا قليل ... فانا عايز اسأل
1- هيبقى ايه الوضع مثلا لو انا عملت عائل وهو خد تأجيل تلت سنين مثلا هفضل عائل ولا هيبقى انا لازم انا اخش الجيش ساعتها
2- هل الافضل انى اعمل عائل واسيبها بظروفها ولا احسن نقدم احنا الاتنين عادى وهما اللى يختارو منا وبفرض اختارونا احنا الاتنين يبقى مين فينا اللى من حقة انه يأجل وبناء عن ايه وهيبقى تاجيل تلات سنين مثلا ولا لحد ما التانى يخلص جيشه بردوا

اسف للتطويل بس فعلا الموضوع معقد شويه وانا قدامى فرصة عمل حلوة ومش عارف هعرف الحقها ولا كدا هضيع منى بسبب الجيش .. ارجو الافادة وشكرا جزيلا لمجهوداتكم
 

morry_911

عضو مشارك
#2
بانتظار الرد ياشباب
شكرا جزيلا
 

ddsf

عضو مميز
#3
عايزين تقدموا انتوا الاتنين عادى وممكن تدخلوا انتوا الاتنين لكن لو عايز تستفيد من ميزة عدم تجنيد الاخوين لوالد متوفى فى نفس الوقت فيقدر حد فيكم انتوا الاتنين بعد ماتدخل تعمل كشف عيلة وتطلع حتى لو كنت لبست
والله اعلم
 
Hany Adel

Hany Adel

محامى ومستشار قانوني
#4
قدم افضل وانتهى من هذه المسألة
على الاقل حيكون عندك فرصة الخروج

اما كبير العيله مجرد تأجيل مؤقت للمسألة وستدخل مؤكدا بعدها
 

midoahmed

عضو مشارك
#5
تصحيح بسيط لحضرتك :

اما كبير العيله مجرد تأجيل مؤقت للمسألة وستدخل مؤكدا بعدها
طالما مدخلش الارجاء وأخد كبير عيلة من الاول..
بعد انتهاء اخوه من التجنيد او اخذ الاعفاء هيتقدم بالاوراق ويدخل الارجاء عادي وقد يصيبة الدور او لا..


كلمة ( مؤكد ) ليست دقيقة
 

morry_911

عضو مشارك
#6
تصحيح بسيط لحضرتك :



طالما مدخلش الارجاء وأخد كبير عيلة من الاول..
بعد انتهاء اخوه من التجنيد او اخذ الاعفاء هيتقدم بالاوراق ويدخل الارجاء عادي وقد يصيبة الدور او لا..


كلمة ( مؤكد ) ليست دقيقة
ماهو (ويدخل الارجاء عادي وقد يصيبة الدور او لا) محتاجين نتأكد من المعلومة دى لأن اللى سمعته انى البيطرى ملوش ارجاء فهل ممكن حد من المتخصصين فى المنتدى يأكدلنا او ينفيلنا المعلومة دى عشان نبقى على نور

وشكرا جزيلا للجميع للإهتمام بالموضوع
 

morry_911

عضو مشارك
#7
قدم افضل وانتهى من هذه المسألة
على الاقل حيكون عندك فرصة الخروج

اما كبير العيله مجرد تأجيل مؤقت للمسألة وستدخل مؤكدا بعدها
طيب ممكن حضرتك توضحلى لو فى فرصة للخروج ان شاء الله هتبقى بناء عن ايه

وشكرا جزيلا لحضرتك لأهتمامك بالموضوع

تحياتى لك
 

midoahmed

عضو مشارك
#8
دا بيتوقف علي احتياج الجيش وقتها..مش مضمون..بس بنسبة كبيرة تخصصات الطب بيدخلوا..
بس انت لما نهاية الاعفاء المؤقت بينتهي بتقدم عادي جدا كأنك بتقدم اول مرة..مفيش حاجة اسمها ( مؤكد ) بتدخل..
 

أعلى