ضياء الدين البري

عضو مشارك
إنضم
17 مايو 2013
المشاركات
1
الإعجابات
0
#1
.. كلام من قلبي
يااااذكري عاميــه

.....

يااااذكري عاميه
يازرعه فْ قلبي نار حاميه
ياشقـه صفوفنا من يومك
يامحتـلـه
وعار مرسوم علي جبيني
وف قلوبنا ، يعيش عله
ياحابسه الدم جوانا
ياعضة كلبه سعرانه
ومختـلـه
تسمم زرعي ف غـْطاني
بتنهش كل بنياني
في نن العين ..
قسمتيني
بقيت نصين
ومرمطتي التاريخ في الطين
ونبضة قلبي معتله
بقيت تايه مابين شطـين
أعيش عمري بدون عناوين
ياشاطبه وجودي من نفسي
كتير بتْزيدي من يأسي
ومن بؤسك ..
بنار يأسك ..
غزلتي خيوط محاوطاني
وسجناني ف أوطاني
ياعمياني بْسواد ليلك
وحكماني بْـقيود ويلك
وف عْيوني زرعتي غيوم
وجوانا طرحتي سموم
تسرطنا في مجري الدم
ياموشومه علي سنيني
ياجلابـْة الهموم والغم
ملكتينا وْطفحنا الهم
ف جواتنا كما الشاردين
ياشناقه فْ ولاد العم
ياقبـاحه وكلك ظـلم
حكمتينا وقيدك صلب
زرعتي لـْـنا شوية لم
ومن غلك ، هدمتي الدار
ومن يومك ، حكمْـنا الغلب
محدد فين زنازيني
وقبرالليل متاويني
بأسفل كهف قيدني
ف أتفه غار بيسجني
بيسقينا ف مر وحار
يا أحقر طيف
ف أطهر أرض
يادباحة الجنين والعرض
حدودك زييف
وف وجودك نعيش تخاريف
ودايما كنت انا باسأل
عرفت انه شيطان أهبل
وعد بيكي ..
ونفـذ أمر تكوينك
وفارضينك
بدم جدودنا يسْقوكي
وصاينينـك
ونبتاتك بتكويني
صحيح الحق في بنودك
مالوهش مآل
رجوع لاجيء وإخوانه .!
مافيهش منال
دا بعد الغربه والترحال
أكيد هايعود لأوطانه
وهاتدوقي المرار ألوان
يابنت الغوله والرعيان
ولو صدفه وجالهم يوم ..
وفهموا الأصل في المعني
هيلقوا الإسم بيأكـد
بإن انتي غبار يصعد
شيطان يهمد
ونار تخمد
يامفضوحه ف كل أوان
ياريت غولتك ، بتسمعنا
أكيد صورتك ، بتوجعنا
وجايلك ليل مالوهْـش نْهار
وكل الخلق هاتزفـك
ويتسابقوا علي ذُلـك
لو الأمه في يوم هبـت
هتلقي ولاد هنا شبت
قلوب تسكن نسا ورجال
ورب القدس بيصونها
وصورة الأقصي في عيونها
ومتحدد في يوم طردك
دا كل الدنيا تشهدلك
بإن انتي ، بقيتي زوال
ولا وجودك هنا يطـول
ولاهافضل ، بطول عمري
أكون راجل ، في توب عيـل
أشيل ذلي علي ضهري
لأن انتي فْ ضميري خيال
ورب العزه جل علاه
هايرزقنا بناس خايفاه
وبكره نهارنا يتـْحول
بأمرالمولي هانفـُضـْك
هانسجن فيكي روح غلـك
وهانذلـك
وهانحاسبك علي غرورك
وهابدرغلي في حروفك
عشان يطرح نيران خوفك
لأنك إنتي ياقاسيه
بطول العمر شايلك عار
وبكره تشوفي ياعاصيه
هانقضي ازاي علي وجودك
وراية الحق فوق عاليه
هانرفعها بسُنـه وفرض
علي الأقصي ويبقي منار

.....
 

alparq000

الوسـام الماسـي
إنضم
21 سبتمبر 2003
المشاركات
4,086
الإعجابات
1,483
#2
مشكوررررر يغالي بارك الله فيك
 

أعلى