محامى من حوارى باريس

عضو مشارك
#1
صباح الخير

كنت عايز اسأل عن حاجه بخصوص العقد

1- هل ينفع اعمل عقد بيع يكون فيه شرط ان الشقه المبيعه تسلم بعد وفاة البايع ؟
يعنى استلم الفلوس وكل حاجه والمشترى موافق على كل حاجه , فهل ينفع نقول ان البيع حصل بكل صوره واشكاله وانما التسليم للمشترى يكون بعد وفاة البايع ؟؟
- ولا ماينفعش نقول كدا لان التسليم لازم يكون فى ساعتها اى وقت البيع ؟!!
- ولا نقول ان المشترى انتقلت له الملكيه واستلم العقار ولكن التسليم الفعلى هيكون بعد وفاة البايع ؟؟

2- فى حالة ان دا ينفع , هل فى بداية العقد اكتب عقد بيع .. وبس ولا اكتب .. عقد بيع على شرط واقف ؟

3- هل لازم اكتب كلمة ابتدائى فى العنوان ولا يكتفى ضمنآ ان العقد طالما مش مسجل فى الشهر العقارى يبقى هو كدا كدا ابتدائى من غير ما اكتبه ؟ ولا لازم اكتب الكلمه دى " ابتدائى " ؟

4- ينفع احط بصمات المشترى والبايع ولا فى مشاكل ؟
-لان الشهود ممكن ياخدوا رشوه واحنا عايزين نبعد عن اى شبهات من الاول

5- فى حالة ان ينفع نعمل ان التسليم يكون بعد وفاة البايع , هل اكتب فى العقد بند ينص على ان لو المشترى مات فى حياة البايع ,, تنقل الملكيه لورثة المشترى
ولا مش لازم اكتب البند دا لانه مفهوم ضمنيآ ؟

ياريت الرد بالتفصيل والتدقيق عشان اقدر افهمه واقدر اعمل الصح
شكرا جزيلا
 

Hany Adel

Hany Adel

محامى ومستشار قانوني
#2
الموضوع تقريبا خاص بشقة ميراث
وفيه حد عايز يضمن حقة عند المورث قبل ما يموت

وعموما عليك تحديد هدفك بشكل صحيح
والاستعانة بمحامي خبره ليكتب لك العقد او يضبط لك العلاقة بما يحقق اهدافك

وده بالشكل ده مش عقد بيع
ولكن اقرب الى وصيه

ويمكن لورثه البائع مستقبلا الطعن فيه بسهولة جدا والطعن بصوريته امام القضاء

لذا عليك تحديد الوضع الحقيقي
ثم الهدف المرجو
لضبط الخطة القانونية لحماية هدفك المستقبلي

تحياتي
 

أعلى