trojan0013

عضو جديد
التسجيل
3/5/08
المشاركات
18
الإعجابات
2
#1
و رحمة الله و بركاتة

بعد اذنكم انا عندى مشكلة او مشاكل و هى :
مش هخش فى تفاصيل المشكلة و ربنا ينتقم منهم ..
متزوج منذ 20 شهر و عندى طفلة صغيرة مكملتش لسة سنة حاليا زوجتى رفعت عليا 3 قضايا ( تمكين من الشقة - و نفقة - و تبديد منقولات )
محتاج اعرف بعد اذنكم لو انا رحت و طلقت غيابى اية الى هتخدو منى
معلومة : العفش زى ما هو معملتش اى حاجة فية و زيادة كمان بس الشقة فى بيت عيلة و كمان مش بأسمى هى بأسم والدى
و كمان زوجتى همرها ما هتعمل خلع او تطلب الطلاق

فا انا دلوقتى لو طلقت غيابى هتاخد منى الاتى:
المؤخر و نفقة متعة و نفقة عدة و نفقة صغير و اجر مسكن ولا اية المشكلة .؟
و ممكن يرفضو اجر المسكن و يطلبو شقة مع العلم انى موظف بسيط و مرتبى لا يتعدى 900 جنية
و حاجة اخيرة انا سمعت ان بيكون فى حبس ليا ؟ و سمعت كمان ان هما ممكن يجيو ساعت تسليم العفش و يقولو انة مش بتعهم مع انة بتعهم و هو الى مكتوب فى القائمة
معلش اسف انى طولت فى الكلام بس و الله من الغم الى الواحد فية و ربنا يهديهم
شكرا لكم مرة اخرى على المساعدة مقدما
 

trojan0013

عضو جديد
التسجيل
3/5/08
المشاركات
18
الإعجابات
2
#2
:265: باين مفيش حد هنا :close:
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#3
عليكم السلام

اذا طلقت غيابى فسيكون من حقها
المؤخر و نفقة متعة و نفقة عدة و نفقة صغير
و اجر حضانة ....
والاستقلال بمسكن الحضانة ...

وبالطبع سيراعى القاضى دخلك الشهرى ....
 

trojan0013

عضو جديد
التسجيل
3/5/08
المشاركات
18
الإعجابات
2
#4
شكرا جدا لحضرتك على المساعدة
اذا سمحت لى سؤال اخير
هو الافضل انى اطلق غيابى ولا لاء مع العلم انها مش هتطلب الطلاق او تعمل خلع و ممكن تفضل كدة على زمتى 20 سنة كمان
 

trojan0013

عضو جديد
التسجيل
3/5/08
المشاركات
18
الإعجابات
2
#5
معلش تكمل السؤال فوق
هى كل الى هتعملو انها هتعمل كل شوية شكاوى فيا و نفقة و خلافة و هتطلع عينى فا كنت عايز اعرف الحل الافضل ليا انى اطلق غيابى ولا لاء
 

احمد الياسرجي

عضو جديد
التسجيل
25/3/13
المشاركات
134
الإعجابات
0
#6
اتمنى مساعى الصلح اولا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#7
أنت الأعلم بحل هذه المشكلة ....

وظلم للمرأة أن تتركها معلقة
لأن هذا ليس من ديننا ...

الإمساك بمعروف
أو
التسريح بإحسان ...
 

trojan0013

عضو جديد
التسجيل
3/5/08
المشاركات
18
الإعجابات
2
#8
أنت الأعلم بحل هذه المشكلة ....

وظلم للمرأة أن تتركها معلقة
لأن هذا ليس من ديننا ...

الإمساك بمعروف
أو
التسريح بإحسان ...
يا اخى الكريم انا مظلمتش
انا بعت ليهم انهم يخدو كل حاجة العفش و المخؤ و خلافة و كل حاجة و نروح نطلق ودى
هما رفضو و قالو لاء عايزين كمان شقة و لو مجبتش شقة لينا احنا هنحبسك دة كلمهم بالحرف
ما هو الى مخلينى الجأ للطلاق الغيابى دة بعد ما مش لاقى حل
بس باين حضرتك مختش بالك من كلامى فوق
و بعدين انت بتقول "وظلم للمرأة أن تتركها معلقة" انت حضرتك شايف ان المرأة ضعيفة و غلابانة و مكسورة الجناح
دة القانون و انت عارف مخليها 10000 راجل دلوقتى
حسبى الله و نعم الوكيل فى كل ظالم
 
Hany Adel

Hany Adel

محامى ومستشار قانوني
التسجيل
5/4/11
المشاركات
2,338
الإعجابات
120
#9
اطلبها في بيت الطاعة
وخد عليها حكم نشوز

وما تسمحش لحد يدخل الشقة من اهلها
واذا كانوا من هذا النوع من الاهالي العنيفين وليسوا اهل اصلاح

عليك الاستعانه بمحام ذو طبيعة متوحشة
للرد بقوة او الاستباق في حالة محاولة استخدامهم اي اسلوب ملتوى !!!

وبردوا حاول الصلح كما قال استاذنا الجمل
 

trojan0013

عضو جديد
التسجيل
3/5/08
المشاركات
18
الإعجابات
2
#10
شكرا لك سيادة المستشار على النصيحة و فعلا اهلها من هذا النوع و بالنسبة للصلح حولنا كتير جدا و للاسف مفيش حل لدرجة ان بنتهم هى الى عملة مشاكل كتير و كانت غضبانة عند اهلها و رحنا علشان نجيبها انا و مجموعة من اهلى و هما طردونا من بيتهم :confused: :832:

اذا سمحت سؤال:

الافضل ليا انى اطلق غيابيا ولا لاء مع العلم ان زوجتى عمرها ما هتطلب الطلاق او تعمل خلع و كمان هى معاها بنتى 9 اشهر و انا عرضت عليهم يخدو كل حاجة ليهم بس هما رفضو و قالو لاء انهم عايزين شقة كمان مع العلم انهم اساسا مش محتجين الشقة لانهم عندهم بيت 5 ادوار و شقة فى منطقة اخرى بس هما عايزين ينتقمو منى و خلاص :frown:
و هما حاليا رافعين عليا قضية تبديد منقولات و تمكين من الشقة و نفقة و الجلسة فى اول شهر 6 الجاى
وحاليا فى ناس بتقول ليا اروح اطلق بسرعة علشان متعدش عليا نفقة كتير و متعملش تمكين من الشقة
و لما اروح اطلقها هتاخد اجر مسكن بس بدل ما تعمل تمكين من الشقة

معلش ارجو الرد اذا سمحت فى اسرع وقت
شكرا لك

 
Hany Adel

Hany Adel

محامى ومستشار قانوني
التسجيل
5/4/11
المشاركات
2,338
الإعجابات
120
#11
مين العبقري اللي قالك انك لو طلقتها مش حتعد عليك نفقه كتير ؟

ومسألة ان اهلها عندهم سكن او بيت او حتى 100 شقة دي مش مبرر عدم طلبها مسكن حضانه

ولازم يكون معاك محامي كويس عشان فيه حاجات ما ينفعش تتقال على الملأ
هو حيعرف يعملها لك

ولا اؤيد الطلاق لانه سيصعب الامور
 

trojan0013

عضو جديد
التسجيل
3/5/08
المشاركات
18
الإعجابات
2
#12
للاسف انا رحت امبارح و عملت طلاق غيابيا :frown: و للاسف المحامى الى معايا هو طيب شوية
طيب لو سمحت هما رفعو عليا قضية تبديد منقولات و عملة رشوة للمحضر علشان ميجيش يسلمنى الانزار و حاليا ليها جلسة فى المحكمة فى اول شهر 6 المحامى الى معايا بيقول ليا عادى مفيش اى مشكلة احنا هنروح الجلسة و نعرض عليهم الحاجة
و ناس تانية بتقول ليا لاء المفروض قبل الجلسة تروح تعمل ليهم انزار بأستلام المنقولات عن طريق القسم علشان يكون ماك حاجة تسبت و انت فى النمحكمة انك مش ممانع انك تسلم ليهم العفش
و بالنسبة للشفقة طيب ممكن منجبش ليها شقة و ندفع ليها اجر مسكن صح و حاليا هى مطلقة منى
و حضرتك لو فى اى معلومة مهمة اتمنى منك ارسالها على الخاص . و شكرا لك اخى الفاضل
 

أعلى