labieb

عضو مشارك
#1
طبعا الاغلبية بيتعامل مع الفلاشات كبديل للاسطوانات لانها اسرع بكتير ده غير انها بتاخد مساحة اكبر من الاسطوانة وطبعا ما بتتخربش مع الوقت زي الاسطوانات , بس في ميزة في الاسطوانات انها بتكون للقراءة فقط يعني الفيروسات ما بتدخلهاش

طيب والحل ايه علشان نضيف الخاصية دي في الفلاشات ونخليها زي الاسطوانة للقراءة فقط ؟
الحل اننا يكون معانا فلاشة الشيب بتاعها من نوع phision
(ملحوظة : ممكن تكون الفلاشة كينج ستون ونفس الشكل بتاع الفلاشات اللي صورها في المنتدي بس الشيب بتاعها مش phision ولازم تتاكد من الشيب عن طريق برنامج الشيب جينيس)
ودي المواضيع اللي في المنتدي بتشرحها بالتفصيل الممل

طيب لو معنديش فلاشة الشيب بتاعها من النوع phision وخصوصا ان الفلاشات الجديدة الموجودة كلها في السوق بشيبات تانية غير النوع ده ؟
طيب ممكن تعمل حاجة تانية سهلة وبسيطة : انك تعمل الملفات اللي انت عاوزها علي كرت ميموري وتحطه في ريدر فيه زرار بيخلي الكارت للقراءة فقط وكده ما بيدخلوش فيروسات

طيب انا شوفت قبل كده برامج بتخلي الفلاشة للقراءة فقط واستخدامها سهل جدا , ممكن استخدمها ؟
هقول لحضرتك ان البرامج دي بتخلي الفلاشة للقراءة فقط علي جهازك انت بس , يعني لو حطيت الفلاشة في جهاز تاني بتبقي عادية وفي برامج تانية بتعتمد علي ملفات الاوتورن بتخلي الفلاشة للقراءة فقط علي اي جهاز بس فكرتها انها اول ما بيشتغل ملف الاوتورن بتاعها في الويندوز بيفعل الخاصية للقراءة فقط وللاسف معرض للفيروسات بردة بشكل كبير , وياريت لو فيه اي حد من الاعضاء عنده رأي تاني يشاركنا بيه

طيب لو انا مش عايز اعمل الويندوز علي كرت ميموري علشان مساحته صغيرة وكمان ما عنديش فلاشة الشيب بتاعها من النوع phision هأعمل ايه ؟
ده ان شاء الله هيكون موضوعنا النهاردة وفكرته اننا هنقسم الفلاشة قسمين قسم هنحط عليه ملفات الويندوز وملفات البووت (يعني المفات اللي ما بنحتجهاش من داخل الويندوز) وده هيكون القسم المخفي يعني ما فيش فيروسات هتقدر تدخله
وقسم تاني هحط فيه التعريفات وباقي البرامج اللي احنا عايزنها وده اللي هيظهر في الويندوز وهيبقي معرض للفيروسات والقسم ده لو اتفيرس سهل اني ابدل الملفات المتفيرسة فيه

نبدأ الشرح وهنفذ الكلام ده ببرنامج Win Setup_1_0_beta8
بعد لما نفتح البرنامج هنضغط علي برنامج Bootic المدمج مع البرنامج بتاعنا

وهيفتح لنا النافذة دي




يبقي المربع الاول بكتب فيه حجم البارتيشن بالميجا وطبعا بنحدده علي حسب الملفات اللي عايزين نضيفها علي الفلاشة يعني لو عاوز اضيف علي الفلاشة ويندوز اكس بي بس اخليه 700 ميجا مثلا , والبارتيشن التاني بكتب فيه باقي مساحة الفلاشة وباقي المساحة بتظهر تحت في البرنامج وبعدها بضغط Ok والبرنامج بيطلع رسالة تأكيدية بضغط ok وبيطلع لي رسالة تأكيدية تانية بضغط علي yes وبستني لحد ما يخلص ويطلع رسالة فيها ok وبكده نكون قسمنا الفلاشة لقسمين زي ما في الصورة كده القسم الاول هو اللي بيظهر في الويندوز والقسم التاني ده بيكون مخفي بالنسبة للويندوز يعني لا الويندوز ولا اي فيروسات هتقدر تشوفه ما بيظهرش غير علي اللينكس او في البوت

بفصل الفلاشة وبوصلها تاني وبيظهر البارتيشن اللي هو active اللي مساحته 100 ميجا لو طلب فورمات بعمله فورمات
نرجع بقي لبرنامج Win Setup_1_0_beta8 ونفتحه


بعد لما بضغط علي install grub4dos بيظهر لنا رسالة بضغط علي yes ورسالة تانية بضغط ok وبستني لحد ما يطلع لي رسالة زي دي واضغط انتر

وبيظهر لي رسالة تانية بضغط ok , بعد كده بقفل برنامج RMPrepUSB وبرجع تاني لبرنامج WinsetupfromUSB واضيف الويندوز اللي انا عاوزه عليها اكس بي او سفن او ايت واي ملفات ايزو تانية انا عايزها وهنا انا هضيف برنامج الجوست بس

بعد لما بضيف ملفات الويندوز والبوت اللي انا محتاجها علي القسم ده برجع تاني للبرنامج المدمج بتاع التقسيم Bootice علشان اخلي البارتيشن ده مخفي واظهر البارتيشن التاني (ملحوظة : ما ينفعش نضيف اي برامج تانية غير الويندوز سواء اكس بي او ايت او سفن او اي ملفات بووت لان البارتيشن ده هنخفيه ومش هيظهر داخل الويندوز فمش هنقدر نستفيد باي ملفات جواه غير في البووت فقط)
بعد ما بفتح برنامج Bootice بضغط علي parts manageوبضغط علي Reformat USB Disk


وبكده نكون عملنا الفلاشة قسمين بارتيشن عليه الويندوز وده هيكون مخفي ومش هيظهر في الويندوز وبكده نكون عملنا له حماية من الفيروسات او الحذف
وبارتيشن تاني نقدر نحط عليه اي داتا تانية بنستخدمها في الويندوز ولو عملنا له فورمات البارتيشن المخفي بيفضل زي ما هو

طبعا الموضوع حصري لمنتدياتنا زي ما قولت ومش موجود في المنتديات العربية ولا الاجنبية وصراحة قدرت أوصل للحل ده بسبب ان احد الاعضاء الشيب بتاع الفلاشة بتاعته طلع مش phision وكنت عاوز اساعده واتمني اكون ساعدته ,

ملحوظة : الموضوع من مجهودي الشخصي وصراحة تعبت في البحث لما وصلت ليه فياريت ما تبخلش بدعوة لي وقراءة الفاتحة لابي
 

احمد الوجهه

عضو محترف
#2
جزاك الله خيرا فعلا كنت محتاجه
 
Smsm Star

Smsm Star

الوسـام الذهبي
#3
أبدعت أخى فأحسنت
جزاك الله خيراااا
ولنا عوده بعد التجربه بإذن الله


تحياتى
 
ma7m0ud

ma7m0ud

الوسـام الماسـي
#4
الله ينور عليك
 

SamehGoda

عضوية الشرف
#5
شرح حلو ووافى أخ لبيب ولى تعقيب بخصوص حكاية الزر اللى فى الريدر بيعمل lock لكارت الميمورى فهى طريقة

فاشلة لأنه لا يفعل الحماية من هذا الزر أما بقية الخطوات سليمة وتمام الشرح فهى أفضل وتم التقييم 3 نجوم لعدم التنسيق

الجيد للموضوع وجزاك الله خيرا شرحت فأبدعت
..
 

احمد الوجهه

عضو محترف
#6
طيب ينفع اعمل كارت موميري اخفيه كله مش اقسمه وازي ارجعه تاني زي الاول يعني حته واحده
 

SamehGoda

عضوية الشرف
#7
طيب ينفع اعمل كارت موميري اخفيه كله مش اقسمه وازي ارجعه تاني زي الاول يعني حته واحده
يا عم أحمد أنا المفروض أحذف السؤال هذا علشان الأعضاء لو شفوه هيغمى عليهم ههههههههههههههههههه:1002:
 

DreamWorld

الوسـام الماسـي
#8
شكرا لك اخى الحبيب
تستاهل نجوم السما 1000000000 نجمة
 

Abo Yassen

الوسـام الماسـي
#9
شكرا لك اخى الكريم على مجهودك الرائع رحم الله والدك ورحمنا جميعا وفقكم الله ......
 

labieb

عضو مشارك
#10
جزاك الله خيرا فعلا كنت محتاجه
اتمني تكون استفدت من الموضوع

أبدعت أخى فأحسنت
جزاك الله خيراااا
ولنا عوده بعد التجربه بإذن الله


تحياتى
في انتظار تجربتك اخي العزيز ومتابع معك

الله ينور عليك
الله يخليك ياحودة

شرح حلو ووافى أخ لبيب ولى تعقيب بخصوص حكاية الزر اللى فى الريدر بيعمل lock لكارت الميمورى فهى طريقة

فاشلة لأنه لا يفعل الحماية من هذا الزر أما بقية الخطوات سليمة وتمام الشرح فهى أفضل وتم التقييم 3 نجوم لعدم التنسيق

الجيد للموضوع وجزاك الله خيرا شرحت فأبدعت
..
شكرا اخ سامح , بالنسبة لموضوع بتاع كارت الميموري ففي ريدرات بتعمل خاصية read-only بس للاسف وجودها قليل في السوق اما بالنسبة للتنسيق فاعتذر لاني كنت عاوز اوصل المعلومة باي شكل واتمني تكون وصلت


شكرا لك اخى الكريم على مجهودك الرائع رحم الله والدك ورحمنا جميعا وفقكم الله ......
مشكور علي مرورك المميز abo yaseen
 

goldroma

عضو فعال
#11
بسبب ان احد الاعضاء الشيب بتاع الفلاشة بتاعته طلع مش phision وكنت عاوز اساعده واتمني اكون ساعدته ,
على فكرة يا جماعة انا هو الشخص ده انا بشكرك جدا جدا يا محمد يا ابن لبيب انا هدعوا لابيك بالرحمة لانه خلف حد زيك مبدع ورائع ويحاول ان يساعد الناس انت فيك الخير يا محمد يا ابن لبيب والله يا جماعة الى كل من فى المنتدى انتوا عارفين لما تساعدوا واحد ويفرح والله اعظم شىء فى الدنيا كما قال النبى صل الله عليه وسلم يعنى انا مثلا اول ما شوفت الشرح ده فرحت لانه كدة خلاص ما بقى فيه فلاشة ممكن متتعملش ربنا يدخل السرور عليك يا محمد يا ابن لبيب كما ادخلته على جميع الاعضاء
ورحم الله والدك ولكن على فكرة لا يجوز بالنسبة للمسئلة شرعا لا يجوز قراءة الفاتحة ولا اى شىء من القران على الميت وانما يجوز الدعاء له بالمغفرة فقال النبى صل الله عليه وسلم او ولد صالح يدعو له وقال الشيخ ابى اسحاق الحوينى محدث عصرنا
انه لايجوز قراءة القران على الميت ولكن الدعاء فقط بالرحمة وان يرفع عنه العذاب علشان فيه ذنوب الواحد بتعذب عليها لكن الفاتحة عند الصلاة عليه فقط اللى هى صلاة الجنازة وبعيدن خلاص ما فيش قراءن تانى ابدا ولكن فيه دعاء فاسال الله عز وجل ان يرفع عنه العذاب وان تكون معه ملائكة الرحمة اللهم امين
سلام يا قمررررررررررررررر
 

labieb

عضو مشارك
#12
بسبب ان احد الاعضاء الشيب بتاع الفلاشة بتاعته طلع مش phision وكنت عاوز اساعده واتمني اكون ساعدته ,
على فكرة يا جماعة انا هو الشخص ده انا بشكرك جدا جدا يا محمد يا ابن لبيب انا هدعوا لابيك بالرحمة لانه خلف حد زيك مبدع ورائع ويحاول ان يساعد الناس انت فيك الخير يا محمد يا ابن لبيب والله يا جماعة الى كل من فى المنتدى انتوا عارفين لما تساعدوا واحد ويفرح والله اعظم شىء فى الدنيا كما قال النبى صل الله عليه وسلم يعنى انا مثلا اول ما شوفت الشرح ده فرحت لانه كدة خلاص ما بقى فيه فلاشة ممكن متتعملش ربنا يدخل السرور عليك يا محمد يا ابن لبيب كما ادخلته على جميع الاعضاء
ورحم الله والدك ولكن على فكرة لا يجوز بالنسبة للمسئلة شرعا لا يجوز قراءة الفاتحة ولا اى شىء من القران على الميت وانما يجوز الدعاء له بالمغفرة فقال النبى صل الله عليه وسلم او ولد صالح يدعو له وقال الشيخ ابى اسحاق الحوينى محدث عصرنا
انه لايجوز قراءة القران على الميت ولكن الدعاء فقط بالرحمة وان يرفع عنه العذاب علشان فيه ذنوب الواحد بتعذب عليها لكن الفاتحة عند الصلاة عليه فقط اللى هى صلاة الجنازة وبعيدن خلاص ما فيش قراءن تانى ابدا ولكن فيه دعاء فاسال الله عز وجل ان يرفع عنه العذاب وان تكون معه ملائكة الرحمة اللهم امين
سلام يا قمررررررررررررررر
شكراً اخ احمد واتمني اكون فعلا حليت ليك المشكلة وده شئ يسعدني اني اساعدك واساعد اي حد في المنتدي
 

zoro779

الوسـام الذهبي
#13
جزاك الله خيرا
ياريت تذكر طريقة ارجاعها لحالها مره اخرى

وكمان هل بهذه الطريقه سوف تقراء الفلاشه من الدوس فقط
 

labieb

عضو مشارك
#14
جزاك الله خيرا
ياريت تذكر طريقة ارجاعها لحالها مره اخرى

وكمان هل بهذه الطريقه سوف تقراء الفلاشه من الدوس فقط
علشان ترجعها بارتيشن واحد زي الاول من الشاشة دي بتختار USB-HDD mode(single partion)

بالنسبة للدوس من داخل الويندوز فالبارتيشن لا تتم قرائته من هناك , لان البارتيشن ده بيكون مخفي بالنسبة للويندوز
 

zoro779

الوسـام الذهبي
#15
يعنى هى بتشتغل على البوت تمام
لكن جوه الويندوز غير مرئيه
 

aharchi jaouad

عضو مشارك
#16
ممكن الموضوع ملف pdf لان الصورلا تظهر عندي جزاكم الله الف خير
 

labieb

عضو مشارك
#17
يعنى هى بتشتغل على البوت تمام
لكن جوه الويندوز غير مرئيه
تمام كده البارتيشن بيشتغل على البوت بس

ممكن الموضوع ملف pdf لان الصورلا تظهر عندي جزاكم الله الف خير
ان شاء الله هرفع الشرح النهاردة في ملف
 

AboMo3aZ

الوسـام الماسـي
#18
بارك الله فيك يا غالي وتم التقييم
 

المصرى85

عضو مميز
#20
بعد إذنك أخى labieb ممكن وضع
ملف ال pdf الموجود بة الشرح بالمرفقات
لتسهيل تحميله على الأعضاء
 

أعلى