Hooba17

عضو مشارك
#1

عذرا للعنوان ولكن الموضوع تقريبا كدة
أنا عامل وصل أمانة لشخص ما بمبلغ 2300 جنيه فقط لا غير من حوالي سنة ونص
وكان المفروض أسدد المبلغ من سنة، ولكن مش عارف أوصل للشخص دا لأسباب معينة
المهم
أنا متخوف من إن الشخص دا يكون عمل قضية بالإيصال ولا لأ
أولا لأن أنا غيرت محل إقامتى إللي هو يعرفه ومكتوب عنده
ثانيا لأني أسمع إن فيه ناس ممكن بعد ما يعمل قضية زي كدة، يحط عنوان غلط مثلا عشان ماحدش يوصل لصاحب القضية وياخد حكم غيابي وتروح فرص المعارضة والإستئناف وكدة ... ويلبس في الحيط
أفيدوني لأني مش عارف أتصرف وخايف أروح أعمل فيش مثلا ألاقي بلوة مستنياني وفي الحالة دي أتصرف إزاي
وهل لو كان رفع قضية وخد حكم عليا غيابي وراحت فرص المعارضة والاستئناف والحاجات دي، إيه العمل؟؟؟؟
ياريت حد يفيدني بالحلول، وجزاكم الله خيرا عنا جميعا

 

Hooba17

عضو مشارك
#2
منتظر الإفادة
 

Hooba17

عضو مشارك
#3
في انتظار افادة أ. جمال مستشار المنتدى​
 

gamal gamal

محامى ومستشار قانوني
#4
عليكم السلام

لا تقلق يا غالى

اذا صدر ضدك حكم بالحبس سيكون حكما غيابيا .
والحكم الغيابى يمكنك المعارضة فيه متى علمت بهذا
الحكم . أو خلال عشرة أيام من تاريخ اعلانك بالحكم

واذا لم يتم اعلانك سيكون ميعاد المعارضة مفتوح
أمامك فى أى وقت ....

واذا ظهر عليك حكم غيابى فسيطلبون منك القيام
بعمل المعارضة بمنتهى السهولة فلا تقلق ....
 

Hooba17

عضو مشارك
#5
عليكم السلام

لا تقلق يا غالى

اذا صدر ضدك حكم بالحبس سيكون حكما غيابيا .
والحكم الغيابى يمكنك المعارضة فيه متى علمت بهذا
الحكم . أو خلال عشرة أيام من تاريخ اعلانك بالحكم

واذا لم يتم اعلانك سيكون ميعاد المعارضة مفتوح
أمامك فى أى وقت ....

واذا ظهر عليك حكم غيابى فسيطلبون منك القيام
بعمل المعارضة بمنتهى السهولة فلا تقلق ....
أشكرك شكرا جزيلا يا أستاذ جمال
يعني لو فرضنا انه اترفع الايصال دا من سنة مثلا وحبيت اعمل صحيفة حالة جنائية اليومين دول
ساعتها هكتشف القضية كدة
وهل هيتاخد ضدي اجراء في القسم؟
وهل هيظهر في الصحيفة حاجة؟؟
وايه الاجراءات ساعتها اللي هتتعمل والعمل هيكون ايه؟؟
وخالص الشكر مرة اخرى لسيادتكم
 

Hooba17

عضو مشارك
#6
تكملة لكلامي يا أستاذ جمال
وإلحاقاً بالموضوع ( http://www.damasgate.com/vb/t/293331/ )
لو رحت أجدد البطاقة ممكن اتفاجئ إني يتقبض عليا مثلاً وأنا مش عارف أصلاً إن فيه قضية عليا؟
((دا بفرضية إن صاحب الإيصال إللي أنا مش عارف أوص له رفع قضية))
 

احمد الياسرجي

عضو فعال
#7
لا تقلق لو اتقبض عليك حتى هتبيت ليله فى القسم وتانى يوم هتروح النيابه علشا تعمل معارضة وتطلع عادى مفيش مشاكل
ويمكنك الكشف في القسم اللى انت كنت تابع له عند موظفين تنفيذ الاحكام وتسأل بأسمك تشوف من الاسماء اللى عليها احكام ام لا
ولو لقيت عليك حكم هتاخد رقم الحصر وتعمل المعارضة عادى وتحضر في الجلسه مع محاميك وتدفع المبلغ هناك
او تعرف عنوان المجنى عليه صاحب المبلغ من المحكمة بعد اخذ رقم الحصر وتروح تسددله الفلوس ويتصالح فى الجلسه عادى جدا
 

Hooba17

عضو مشارك
#8
لا تقلق لو اتقبض عليك حتى هتبيت ليله فى القسم وتانى يوم هتروح النيابه علشا تعمل معارضة وتطلع عادى مفيش مشاكل
ويمكنك الكشف في القسم اللى انت كنت تابع له عند موظفين تنفيذ الاحكام وتسأل بأسمك تشوف من الاسماء اللى عليها احكام ام لا
ولو لقيت عليك حكم هتاخد رقم الحصر وتعمل المعارضة عادى وتحضر في الجلسه مع محاميك وتدفع المبلغ هناك
او تعرف عنوان المجنى عليه صاحب المبلغ من المحكمة بعد اخذ رقم الحصر وتروح تسددله الفلوس ويتصالح فى الجلسه عادى جدا
أشكرك يا أستاذ أحمد على مرورك
لكن ليلة في القسم دي كارثة :)
وهل لو رحت القسم قلتلهم عايز أكشف على نفسي، هيمشي الموضوع إزاي؟؟
 

احمد الياسرجي

عضو فعال
#9
مش لازم تقول عن نفسك فهمهم انك محامى وعايز تكشف لواحد موكل
 

Hooba17

عضو مشارك
#10
هل من الممكن الإفادة في الردود السابقة من الأستاذ/ الجمل - المحامي القدير
 

أعلى