happytimes

عضو جديد
التسجيل
2/5/13
المشاركات
10
الإعجابات
0
#1

مساء الخير اخوانى الكرام

أرجوكم وأتوسل اليكم انا محتاج لكل رأى صحيح يقدر يفيدنى فى المشكله اللى عندى بخصوص التجنيد
دلوقتى انا والدى متوفى .. ولى أخ كان مسجون واخد حكم 3 سنوات .. أول ماخلصت الكليه كان لسه مسجون فروحت طلعت شهادة اعفاء مؤقت وطلعت لى الشهاده فعلاً مكتوب فيها " اعفاء المذكور مؤقتاً من أداء الخدمه العسكريه والوطنيه كونه العائل للعائله بعد والده المتوفى بتاريخ --- وشقيقه الوحيد (اسم اخويا ) الغير قادر على الكسب مؤقتاً وعليه تقديم نفسه خلال 30 يوماً من تاريخ زوال السبب او بلوغه سن 29 عام ايهما أقرب تاريخاً .

ده كان نص الشهاده بتاع الاعفاء المؤقت بتاعتى .. دلوقتى بقى مشكلتى الكبيره تتلخص فى ان والدتى عمرها 72 سنه وانا ليا اختين اكبر منى بس الاثنين فى السعوديه .. واخويا اللى كان محبوس ده من يوم ماطلع ولا شوفناه ولا عايزين نشوفه لأن بصراحه ربنا يهديه .. وبعد اخويا ماطلع من السجن انا مروحتش سلمت نفسى لأنى بصراحه كنت خايف على والدتى لأن قلت لو لبست هسيبها لوحدها ازاى ؟ فبصراحه انا مش عارف اتصرف ازاى خالص انا شايل هم انى اروح الجيش طيب ووالدتى هعمل ايه معاها خاصة انى اللى قايم بيها وبعمل لها كل طلباتها ,, ارجوكم قولوا لى اعمل ايه فى الموقف ده لأن مش عارف اتصرف خالص وبجد محتاج مساعدتكم .. ياترى انا كده متخلف عن التجنيد ؟ وياترى لو روحت وحكيت لهم الموقف زى ماقولته لكم كده ممكن يجددوا لى الاعفاء المؤقت ولا كده خلاص هلبس ومفيش اى حل ممكن اعمله ؟
ملحوظه انا بكالريوس نظم معلومات يعنى لو ده هيفدكم وعايز اعرف انا لو متخلف عن التجنيد بيكون العقاب مدته قد ايه 3 شهور ولا ايه .. ارجوكم ساعدونى وقولوا لى الحلول اللى قدامى وياترى ممكن يقدروا الظروف اللى انا فيها ولا لا .. ولا الست الكبيره دى هيكون مصيرها ايه مع العلم انها مش بتتحرك من السرير ومعاها شهادات طبيه بكده .. منتظر ردكم ان شاء الله وبجد ربنا يبارك فى كل اللى يقدر يساعدنى ويدلنى اعمل ايه فى الموضوع ده
 

happytimes

عضو جديد
التسجيل
2/5/13
المشاركات
10
الإعجابات
0
#2
يا جماعه ارجوكم انا والله العظيم محتاج مساعدتكم انا مش عارف اتصرف ازاى او اعمل ايه ياريت تساعدونى
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#3
عليكم السلام

يا غالى للأسف الشديد أنت متخلف الآن عن التجنبد
لعدم تسليم نفسك بعد خروج أخوك من السجن بمدة شهر ...
وعليه
اذا سلمت نفسك خلال 3 شهور فلا مشكلة أيضا وستأخذ
سنة زيادة ...
ولكن اذا لم تسلم نفسك بعد ذلك فتعتبر متخلاف عن التجنيد
ويتم تجنيدك اذا قبض عليك قبل سن الثلاين سنة ...

وبعد الثلاثين تأخذ الشهادة بعد المحاكمة والغرامة ....
 

احمد الياسرجي

عضو جديد
التسجيل
25/3/13
المشاركات
134
الإعجابات
0
#4
انصحك تنتظر لسن 30 سنه وبعدها بتدفع غرامة حوالى 5000 جنيه وخلاص يبقى الموضوع انتهى
 

happytimes

عضو جديد
التسجيل
2/5/13
المشاركات
10
الإعجابات
0
#5
عليكم السلام

يا غالى للأسف الشديد أنت متخلف الآن عن التجنبد
لعدم تسليم نفسك بعد خروج أخوك من السجن بمدة شهر ...
وعليه
اذا سلمت نفسك خلال 3 شهور فلا مشكلة أيضا وستأخذ
سنة زيادة ...
ولكن اذا لم تسلم نفسك بعد ذلك فتعتبر متخلاف عن التجنيد
ويتم تجنيدك اذا قبض عليك قبل سن الثلاين سنة ...

وبعد الثلاثين تأخذ الشهادة بعد المحاكمة والغرامة ....
شكرا ليك يا استاذ جمال بس رد حضرتك برده موضحش لى الامور
دلوقتى مش هيتم عمل اعتبارات انى اللى برعى والدتى ؟ او ان اخويا بعد ماخرج من الحبس مش شوفناه ؟
طيب دلوقتى لو انا اللى روحت لهم منطقه التجنيد وسلمت نفسى علماًَ انه فات على خروج اخويا 3 سنوات كده هاخد سنه زياده ؟ وياترى سنه كامله ولا 3 شهور بس ؟

انا مش عارف اعمل ايه يا استاذ جمال بس ارجوك انا فعلا فى موقف صعب ومتعرفش فعلا حالتى انا والدتى بسبب الموضوع ده ايه وكل يوم والله بيعدى علينا بالهم والغم بسبب التفكير فى حلول .. انا مش عارف دلوقتى اروح الجيش واخدم وطنى وامى بقى الله اعلم بيها هيكون موقفها ايه لأنها حتى مش بتتحرك من السرير .. ولا اقعد مع امى ارعاها واتخلف عن الجيش لغاية سن ال30 علما بان سنى 25 سنه :(

انا والله ضحيت بحاجات كتير انا شغال كويس جدا مصمم مواقع وفيديو ايدتنج وموشن جرافيك وجالى عروض كتير جدا انى اسافر بس قولت مش مهم كل ده اهم حاجه انى ارعى امى الغلبانه دى بس حاليا مش عارف اعمل ايه.

ارجوك وضح لى دلوقتى لو انا سلمت نفسى فى الجيش هتكون مدة خدمتى بالظبط كام لان ناس قالوا لى السنه الزياده دى يعنى 3 شهور بس فمش عارف صحة المعلومه دى .. ثانيا مفيش طريقة او التماس اتقدم بيه لوزير الدفاع بخصوص الموقف اللى انا فيه ده ؟ ثالثاً عايز اعرف مفيش اى طريقه تخلينى اطلع تصريح سفر بالشهاده المؤقته اللى معايا وبكده ممكن اخد والدتى ونسافر بره عند اخواتى البنات لان هيا رافضه تسافر وتسيبنى لوحدى والله بجد تعبت وقرفت ومبقتش عارف اعمل ايه .. ارجوكم ساعدونى لان والله فاض بيا من الحوار ده
 

happytimes

عضو جديد
التسجيل
2/5/13
المشاركات
10
الإعجابات
0
#6
انصحك تنتظر لسن 30 سنه وبعدها بتدفع غرامة حوالى 5000 جنيه وخلاص يبقى الموضوع انتهى
شكرا لك يا احمد باشا .. والله العظيم انا لولا ظروفى وظروف والدتى ماكان عندى اى مشكله انى اروح الجيش واخدم بلدى مش شايف فيها حاجه بس انا فعلا فى مشكله كبيره ومش عارف اتصرف ازاى .

انا بين نارين يا باشا والله لو انا فضلت قاعد لغاية الثلاثين ومحاكمه يبقى مفيش جواز لان مش هعرف اكون نفسى صح لان انا لا معايا مهنه ولا حاجه وشغل تصميم المواقع فى مركز صغير زى اللى انا فيه فى محافظة الدقهليه عمره مانفع ان الواحد يجهز فيه يادوب اللى جاى على قد اللى رايح ده الشق الاول الشق التانى بقى انى لو روحت الجيش مش هستحمل لان والدتى هسيبها تقعد مع مين ياربى يعنى هسيبها مع الجيران مثلا والله ما عارف اعمل ايه ارجوكم لو اى حد يعرف اى طريقه قانونيه او غير قانونيه ممكن تفيدنى فى حالتى يقولى عليها وانا مستعد ادفع حتى اى حاجه المهم اخلص من الجبل اللى على قلبى ده لان تعبت جدا الواحد شايل مسئليه من صغره فوق طاقته بمراحل وحوار الجيش ده خلانى مبقتش قادر اتحرك فارجوكم بجد انا محتاج لكل راى يقدر يفيدنى وربنا يبارك فيكم يوصلح لكم احوالكم وييسر طريقكم ديماً
 

michealm911

عضو جديد
التسجيل
7/5/13
المشاركات
1
الإعجابات
0
#7
عندى استفسار بسيط عن اثبات تاريخ عقد التاريخ
انا محام وجالى واحد معرفة لى وقال لى عايزين نعمل عقد ايجار لمحل ونعمله اثبات تاريخ فى الشهر العقارى لواحد قريبى رحنا عملنا عقد الايجار وهو مضى مكان الموجر ورحت انا بالتوكيل للشهر العقارى عملت اثبات تاريخ .....
هل ده فى مسئولية عليا لو الراجل المالك انكر العقد؟؟؟؟؟؟؟؟؟؟؟؟؟؟؟؟
 

احمد الياسرجي

عضو جديد
التسجيل
25/3/13
المشاركات
134
الإعجابات
0
#8
طبعا مسئولية عليك والمفروض مش تعمل كدا
 

happytimes

عضو جديد
التسجيل
2/5/13
المشاركات
10
الإعجابات
0
#10
منتظر مساعدتكم يا جماعه
 

happytimes

عضو جديد
التسجيل
2/5/13
المشاركات
10
الإعجابات
0
#11
مازلت فى انتظار بارقة امل من اخوانى
 

أعلى