yarabi

عضو مشارك
#1
من فضلكم عايز اعرف ازاي ابلغ عن عائلة كاملة بتاجر في المخدرات ( البرشام )
العائلة كلها من الام والعيال كلهم بيستخدموا شقتهم في تجارة المخدرات
وكمان بلطجية ومعاهم سلاح ومن كام يوم حصل خناقة بينهم وبين بلطجية تانيين وكان ضرب النار من السطوح وكنا عايشين في رعب
اتصلنا بالشرطة جت ومعملتش اي حاجة ولا خدت حتي واحد فيهم
واضح ان فيه ارتباط ما بينهم وما بين حد في القسم الي احنا تابعين ليه
هما معروفين جدا يعني بمجرد ما تدخل المنطقة وتقول فين بيت فلان هتلاقي الف مين يدلك عليه
يعني القسم عارفهم كويس قوي ولا حياة لمن تنادي

احنا عايشين في رعب والمنطقة كلها ناس طيبين وعلي اد حالهم ومحدش يقدر يقف ادامهم لانهم رد سجون كلهم ومعاهم سلاح

عايز اعرف بس اعمل ايه ؟؟؟
ماحدش يقولي روح القسم او اعمل محضر لاني كدة هبقي في حكم الميت لانهم هيعرفوا اني رحت

ساعدوني
 

gamal gamal

محامى ومستشار قانوني
#2


الحل ببساطة شديدة
خطاب عن طريق البريد للسيد
مدير أمن محافظة ال .........
وتخبره بالموضوع !!!!!
وبدون توقيع منك بداعى
عدم التعرض لك ..........
 

yarabi

عضو مشارك
#3
شكرا جزيلا علي ردك
هل سيتم الاهتمام بخطاب بدون توقيع ؟
وما الاجراء الذي سيتم ؟ لاننا قصد نصل لنفس النقطة
ان المديرية تبلغ القسم التابع والقسم التابع يبلغ التاجر وعائلته ان فيه حد بلغ وتزيد المشاكل
 

الباشا شكر

الوسـام الذهبي
#4
ربنا يسترها عليكم يارب شىء مؤلم جدا وان شاء الله تخلصوا منهم
 

gamal gamal

محامى ومستشار قانوني
#5
هذا أقصى ما يمكنك عمله ....

فقط اعمل اللى عليك
والنتيجة على الله ...

وللعلم فقط المديرية تعمل
ما هو مطلوب منها ويمكنها
القبض عليه دون علم قسم الشرطة أصلا ....

ومن المجحف أن تظن في الشرطة كلها
الفساد والاهمال ...................
 

مسعد صبري

عضو فعال
#6
هذا أقصى ما يمكنك عمله ....

فقط اعمل اللى عليك
والنتيجة على الله ...

وللعلم فقط المديرية تعمل
ما هو مطلوب منها ويمكنها
القبض عليه دون علم قسم الشرطة أصلا ....

ومن المجحف أن تظن في الشرطة كلها
الفساد والاهمال ...................
نحن لا نظن أن في الشرطة كلها الفساد والإهمال ولكن متأكدين
فأنا في منطقة والدي ووالدتي قد تم منذ عدة أشهر القبض على تاجر مخدرات متلبس بشوال من المخدرات (طبعاً أغلب ما في الشوال أكياس فارغة للتموية) وبعد عرضه على النيابة تم الإفراج عنه ولا نعلم كيف خرج بكل سهولة هكذا مع العلم أن الشرطة الفاسدة أخرجت من الشوال مخدرات ولكن للأسف فقد فقدت الأمل أن يكون في بلدنا شرطة صالحة عادلة .
 

gamal gamal

محامى ومستشار قانوني
#7
اوك ورأيك أحترمه ...

أما أنا فلن أفقد الأمل في صلاح
الشرطة وكل الجهات إن شاء الله ....
 

أعلى