ريحانةالدعاء

عضو مشارك
التسجيل
7/3/13
المشاركات
25
الإعجابات
8
#1
عن عمر بن الخطاب رضى الله عنه قال : قــال رســـول الله صلى الله عليه وسلم : (((( إنما الأعمال بالنيات وإنما لكل امرئ مانوى , فمن كانت هجرته إلى الله ورسوله فهجرته إلى الله ورسوله , ومن كانت هجرته لدنيا يصيبها او امرأة ينكها فهجرته إلى ماهاجر إليه ))))) اتعلمت من الحديث ده انى قبل ماعمل اى حاجة او اقول اى حاجة او اروح اى مكان انوى ان الحاجة دى لله وربنا هيباركلى فيها ده غير انى هثاب على كل خطوة بخطيها او كل كلمة بقولها او كل حاجة بعملها لو نيتى خالصة لله من قلبى بجد ^_^ جرب وانت رايح الشغل الصبح تقول يارب انا رايح الشغل وهعمل كل اللى عليا .. وهبتسم فى وش كل اللى يقابلنى لعل ابتسامتى تدخل البهجة على مهموم وتكون صدقة ليا .. هحسن الظن بالناس واعامل كل الناس بالحسنة عشانك يارب ((((( صدقنى هتحس بسعادة فى كل خطوة بتخطيها .. هتلاقى حب وابتسامة جميلة فى وش كل اللى يقابلك ليك .. هتحس ان كل الاس بتحبك ))))) جرب وانت رايح المدرسة ولا الكلية وانوى واخلص النية لله وانك هتركز وتعمل اللى عليك عشان ترضى ربنا .. هتلاقى نفسك فعلا بتستفيد جرب وانت رايح المسجد النهاردة لصلاة الجمعة انك هتروح بدرى وتركز فى كل كلمة الشيخ بيقولها عشان تستفيد وعشان ترضى ربنا وانك هتبتسم فى وش كل اللى تقابلهم وان شاء الله هتخرج بحسنات وممكن معلومات تفيدك او رسالة من ربنا ليك تقربك منه ده غير حب الناس ليك وانت بتكتب حاجة عالفيس ولا بتكلم حد وغيره وغيره ...... إلــخ اخلص نيتك فيهم لله


اخلص النية لله وابتسم فى وش كل الناس واحسن الظن بالناس وبرده اخلص النية لله فى الابتسامة وحسن الظن بالناس ^_^ ربنا يجلك فى كل خطوة وكل كلمة وكل فعل حسنة ^_^ يالا بقى صلوا على الحبيب .. حتى قلوبكم تطيب
اتمنى من اخواتى ان ينضموا معى الى تتطبيق الدعوى صوت الاسلام يقوم بنشر أحاديث صحيحة وآيات قرآنية والسيرة النبوية وقصص الصحابة والتابعين ,فاجعل صفحتك تتعطر بايات الله وسنة الحبيب ونسأل الله أن يتقبل منا ومنكم​
 

أعلى