وردة البستان

عضو محترف
التسجيل
21/2/13
المشاركات
481
الإعجابات
186
#1

لازلت متفائلاً
ــــــــــــــــــــــــــــــــــــــــــ

وجرت نيران كّلبي والسعيــــــــــر
ماذي كّلبي وغمـّكـّاله جروحــــــــه
عالزمان المايزن حفنة شعيــــــــــر
ولعب بطروكـّ الخلكـّ مرجوحـــــــه
شلون دنيه فـّرعت لجل الحقيـــــــر
والعزيز تذله تمرد روحــــــــــــــه
صدكـّ معقوله الصكـّر ظل يستجيـــر
بالغراب وطلب منه انصوحـــــــــــه
عيونه ركـّن بعد مايكـّدر يطيـــــــــــر
ثاري جوعـه ياكل المنطوحــــــــه
الاسد ذاك الي يخوف بالزئيـــــــــــر
صوته راح وجوزته مبحوحـــــــــــه
للكديشه المنطرد هــــــي التغيــــــــر
والكحيله مسنسله وملكوحـــــــــــــه
واليطر الروج ويفوج بغزيـــــــــــــر
بماي كـّيش ويغركـّ بضحضوحـــــــه
صار بسمار العدل كلش كـّصيـــــــــر
بعد ماينفع ثخينه اللوحـــــــــــــــــه
دنيا والملاچ بيهه اصبح فقيــــر
غفل لنها نعمته مزيوحــــــــــــــــه
نسمع اصوات الظلم عبر الاثيـــــــر
وصارت اصوات العدل مكبوحــــــــه
حچاية العدله صفت مابيها خيـــــــــر
العوجه مسموعه غدت مملوحـــــــه
والله لوما وشله ظلت بالضميـــــــــر
چان شغلتنه أصبحت مفضوحــــــــه
صيح حيهم تره حل يوم النفيـــــــــر
وفزع البيهم توالي ملوحــــــــــــــه
الدنيا ساحه وحيل ملعبها چبيــــــــر
والأبواب مشرّعه ومفتوحــــــــــــه
من نشد العزم ابدن مانحيــــــــــــــر
والبناء يصير عالي صروحــــــــــه
عسى يتساوى الفقير وي الوزيــــر
بلكي نرسم مثل هاي اللوحـــــــــــه


 

أعلى