unix3

عضو مشارك
#1
بالله عليكم انا عايز اعرف انا ليا جيش ولا لأ

انا عندي 22 سنة اخر سنة بكاليريوس هندسة
امي عندها 62 سنة و والدي 74 سنة
و الدي كان متزوج واحدة قبل امي و خلف منها اخواتي....بس انا وحيد امي انا.
و الدي و امي غير قادرين علي الكسب و 2 من اخواتي متزوجين و واحد عايش برة و واحد في الجيش.
و اللي كان والدي متزوجها توفت من زمان عشان كده اتجوز امي.

و الدي حاليا مش عايش معانا.....هو عايش عند واحد من ولاده المتزوجين بس هو لسه علي زمة امي يعني مش مطلقين.....و انا مع امي لوحدنا.....و انا اللي بصرف عليها لما بكون شغال....ازاي اثبت ان والدي مش عايش معانا و مش مطلق في نفس الوقت ؟
و هل ممكن اعمل تظلم لو ليا تجنيد ؟ لان انا اللي بصرف علي امي لانها كبيرة في السن....ساعدوني ارجوكوا

بالله عليكم عايز افادة من اي حد
 

Masry1

عضو مشارك
#2
تقدر تاخد اعفاء مؤقت بصفتك العائل الوحيد لوالدتك لان والدك في حكم الغير قادر على الكسب بعد سن ال60 , وبالتالي كون والدتك على ذمة والدك أو انه مش عايش معاكم لا يهم في هذه الحالة
 

unix3

عضو مشارك
#3
يعني انا كده ممكن اخد الاعفاء بحكم ان والدي متجاوز ال 60 و انا وحيد والدتي مش كده ؟
و هل دي اعفاء ممكن علي اثرها اقدر اسافر برة في شغل او غيره ؟

و شكرا جزيلا لردك يا استاذ
 

Masry1

عضو مشارك
#4
ستحصل على اعفاء مؤقت كونك العائل الوحيد لوالدتك وليس كونك وحيد والدتك .. وحيد والده فقط هو من يحصل على الاعفاء
وتستطيع الحصول على اذن سفر في أي وقت بعد حصولك على الاعفاء طالما لم يزول السبب
 

unix3

عضو مشارك
#5
الف شكر ليك يا استاذ
 

unix3

عضو مشارك
#6
طيب دلوقتي انا رحت مكتب التجنيد اللي انا تابع ليه و كان الورق المطلوب كالاتي:
قيد عائلي
شهادة ميلاد اخوات ( اخواتي اكبر مني )
بطاقة 6 جند
شهادة ميلاد اب
شهادة وفاة الزوجة الاولي
بطاقة الاب
قسيمة زواج ( قصدهم للزوجة الاولي ولا امي ؟ )

و لو في حاجة زيادة يا ريت الافادة
 

unix3

عضو مشارك
#7
اسف....نسيت اقول ان الاوراق دي كانت تحت بند "العائل الوحيد للاسرة" و ليس العائل الوحيد للأم
هل في مشكلة كده ؟
 

gamal gamal

محامى ومستشار قانوني
#8
قسيمة زواج والدك من الاثنين
وعائل الاسرة هو المسمى للاعفاء ...
 

Masry1

عضو مشارك
#9
خلي بالك قسيمة الجواز تكون مكتوبة من المأذون مش كمبيوتر
 

أعلى