xMero

عضو مشارك
#1

لدى اخى الأكبر جنسية اخرى غير المصرية وهى من دولة غينيا
واستلم شهادة استثناء من الخدمة العسكرية وهذا نص سبب الاستثناء ...
==
استنثاء المذكور نهائيا من اداء الخدمة العسكرية والوطنية طبقا للقرار الوزارى رقم 126 لسنة 2006 مسلسل تطبيقا للفقرة الرابعة من المادة السادسة من القانون 127 لسنة 1980
==

والنهارضا كان عندى تحليل فيروس واخدت لائق وروحت لمكتب المواقف الامنية وقولتهم وطلبى منى قيد عائلى ونسختين من موقف اخويا وشهادة ميلاد وصور للبطاقة والمؤهل

فهل فى امل لو شافو موقف اخويا واتأكدوا من خلال اسمه او الرقم الثلاثى من كده انى اخد اعفاء ولا ده سبب ميخلنيش اطلع من الجيش ؟ مع العلم ان جواز السفر الاجنبى تم سحبه من اخى قبل مغادرة مصر عن طريق امن الدولة
 

Masry1

عضو مشارك
#2
ليك اخوات ولاد غيره ؟ و والدك عنده كام سنة ؟
 

xMero

عضو مشارك
#3
اهلا بيك
ليا اخين واحد اكبر منى وواحد اصغر
واخويا االلى خد استثناء هو اكبر واحد فينا 33 سنة ووالدى 64 سنة
شكرا جزيلا
 

Masry1

عضو مشارك
#4
لو اخوك الصغير لسة اقل من 21 سنة هتاخد تأجيل لغاية ما يتم 21 .. ولو ساعتها كان لسة بيدرس هتاخد تأجيل تاني لغاية ما يخلص دراسة
 

xMero

عضو مشارك
#5
جزاك الله خير اخى الكريم
انا فعلا اخويا الصغير 15 سنة
بس هل حضرتك الموضوع ده اكيد 100%
لانى بسمع ان فى ناس مع والدتهم او اخوهم جنسية تانية ومع ذلك ممكن يدخلو لانها على حسب مزاج المخابرات فهل الكلام ده صحيح ؟ ونسيت اوضح ان جواز السفر الاجنبى اتسحب من اخويا فى المخابرات وليس امن الدولة وغادر مصر بعدها

بانتظارك

شكرا جزيلالالا
 

gamal gamal

محامى ومستشار قانوني
#6


للأسف أخى الغالى الجنسية الأجنبية
ليست سببا وحدها في الاعفاء من الجيش
ولكن هذه متروكة لادارة التجنيد إما أن تقبلها
أو لا تأخذ بها ....

وسن أخوك الأن ليس ضروريا الا في حالة
واحدة أن يكون أخوك مهاجرا من مصر
وليس مجرد سفر عادى ...

فإن كان سفره عاديا فلن تعتبر أنت عائلا لأخوك
الأصغر ....
 

Masry1

عضو مشارك
#7
جزاك الله خير اخى الكريم
انا فعلا اخويا الصغير 15 سنة
بس هل حضرتك الموضوع ده اكيد 100%
لانى بسمع ان فى ناس مع والدتهم او اخوهم جنسية تانية ومع ذلك ممكن يدخلو لانها على حسب مزاج المخابرات فهل الكلام ده صحيح ؟ ونسيت اوضح ان جواز السفر الاجنبى اتسحب من اخويا فى المخابرات وليس امن الدولة وغادر مصر بعدها

بانتظارك

شكرا جزيلالالا
انت مش هتاخد استثناء لأسباب أمنية , انت العائل الوحيد للأسرة بعد أشقائك الغير قادرين على الكسب , يعني الموضوع ملوش دعوة بالمخابرات والكلام ده .. أهم حاجة تاخد معاك قرار موافقة وزارة الداخلية على تجنس أخوك
 

Masry1

عضو مشارك
#8


للأسف أخى الغالى الجنسية الأجنبية
ليست سببا وحدها في الاعفاء من الجيش
ولكن هذه متروكة لادارة التجنيد إما أن تقبلها
أو لا تأخذ بها ....

وسن أخوك الأن ليس ضروريا الا في حالة
واحدة أن يكون أخوك مهاجرا من مصر
وليس مجرد سفر عادى ...

فإن كان سفره عاديا فلن تعتبر أنت عائلا لأخوك
الأصغر ....
المجنس اللي خد اذن بالتجنس من مصلحة الجوازات والهجرة والجنسية زيه زي المهاجر حتى لو قاعد في مصر
 

gamal gamal

محامى ومستشار قانوني
#9
جميل
ولكن نجن نتكلم عن أخو المجنس !!!!!!
 

Masry1

عضو مشارك
#10
جميل
ولكن نجن نتكلم عن أخو المجنس !!!!!!
نعم سيدي الفاضل أخو المجنس هو العائل الوحيد للأسرة , عشان كدة انا سألته عن سن والده وباقي أشقائه الذكور
 

gamal gamal

محامى ومستشار قانوني
#11
اذن الخلاصة في كون المجنس يعتبر مهاجرا من عدمه ..
وهذه مهم جدا التأكد منها في مصلحة الجوازات بمجمع التحرير
 

Masry1

عضو مشارك
#12
اذن الخلاصة في كون المجنس يعتبر مهاجرا من عدمه ..
وهذه مهم جدا التأكد منها في مصلحة الجوازات بمجمع التحرير
النقطة اللي حبيت أوضحها ان المجنس يعتبر غير قادر على الكسب مثله مثل المهاجر , يعني كونه مهاجر من عدمه لا يهم طالما تم الموافقة على التجنس من وزير الداخلية

وكمثال مع اني عارف المعلومة من مواقف شخصية كان فيه موضوع هنا يستفسر صاحبه عن اذن السفر وكان كاتب نص قرار الاعفاء المؤقت الحاصل عليه
http://www.damasgate.com/vb/t/234027/
 

gamal gamal

محامى ومستشار قانوني
#13
اذن لا يضر صاحبنا التأكد من هذه المعلومة
حتى يقرر السير في اجراءات الاعفاء من عدمه ..

لأن هناك فرق بين ::

الحاصل على جنسية أجنبية مع الاحتفاظ بالجنسية المصرية .
و
الحاصل على جنسية أجنبية مع التنازل عن الجنسية المصرية .
و
الحاصل على جنسية أجنبية بدون اذن أو موافقة السيد وزير الداخلية .
و
الحاصل على جنسية أجنبية بإذن وموافقة السيد وزير الداخلية .
 

Masry1

عضو مشارك
#14
نعم أستاذ جمال اتفق معك , لكن انا افترضت انه شقيقه أخذ الاذن بالتجنس بالفعل لان التجنيد يشترط موافقة الداخلية على التجنس قبل سن ال30 قبل الحصول على الاعفاء وطالما شقيقه خد استثناء من التجنيد يبقى أكيد مر بهذا الاجراء
ثانيا الحالة التي أعلمها شقيقه محتفظ بالجنسية المصرية ولم يتنازل عنها
 

gamal gamal

محامى ومستشار قانوني
#15
شكرا أخى Masry1
على تواصلك الرائع
وأتمنى مشاركانك الدائمة معنا ....
 

أعلى