potter1991

عضو مشارك
#1
حاليا انا فصلت من الكلية في شهر 12 هل من الممكن اني اقدم في كلية تانية ولا لازم ادخل الجيش
انا سني 21 سنة
و بخصوص تجديد البطاقة هل في مشاكل في تجديدها و انا مش في الجيش و كدة هتتختم منين طالما مفيش كلية

و اسف للاطالة و ارجو الرد
 

gamal gamal

محامى ومستشار قانوني
#2


في حالة الفصل من الكلية يستلزم
تقديم نفسك للتجنيد فورا في أول
دفعة قادمة ...

ولا يتغير الأمر بتقديم ورقك
في أى كلية ثانية .....

أما تجديد البطاقة فلا يحتاج
الى أى ختم من أى جهة ما دام
أن التجديد لا يتضمن أى بيانات جديدة ...
ويكتفى الأمر ببدل فاقد أو تجديد فقط ....
 

potter1991

عضو مشارك
#3
الف شكر للرد السريع
بس في حاجة مش فهمها انا فاضلي سنة و اتخرج هو مش كده كأني حولت لكلية تانيه كدة هتعامل في الجيش معاملة مؤهل متوسط

بالنسبة للبطاقة هي مكتوب فيها طالب و انا مفيش اي حاجه عايز اغيرها لا عنوان و لا حالة اجتماعية
بس هروح لما اجددها اكتب اية في الاستمارة الجديده في جزء المؤهل ولا انا هقول اني عايز اجدد بنفس البيانات و مش هكتب حاجة و هو انا او عملت بدل فاقد هتتطلع بنفس البيانات بس لمدة سبع سنين قدام

و اسف جدا للاطالة
 

gamal gamal

محامى ومستشار قانوني
#4
التحويل لكلية ثانية يعطيك الحق في التأجيل .
ولكن الفصل من الكلية . ثم التقديم لكلية أخرى
لا يعطيك هذا الحق ....

أما تجديد البطاقة فممكن بنفس البيانات فقط ...
واعلم أنه لو زادت المدة عن سبع سنوات من حقهم
طلب تحديث بياناتك حتى لو كنت ستجدد فقط ...
لذا
حاول أن لا تتأخر في التجديد ثم تبحث مشكلة
التحويل أو التقديم لكلية ثانية ....

ويمكنك الاستعلام من الكلية الثانية عن امكانية
تأجيل التجنيد لك من عدمه أولا ....
 

potter1991

عضو مشارك
#5
شكرا جزيلا علي الرد
انا كده لا يحق لي التحويل انا جالي جواب الغاء قيد من الكلية

يعني انا لو قبل معاد تجديد البطاقة ب 3 شهور ممكن اطلع بدل فاقد بنفس البيانات لمدة سبع سنين
 

potter1991

عضو مشارك
#6
شكراااااااا
 
new_yasser

new_yasser

عضو مميز
#7
بعد أذن سيادة المستشار ..... عند تجديد البطاقة فإن كتبت فيها طالب فلابد من ختم المدرسة او الكلية على الاستمارة ..... لكن فى حالتك هذه أما أن تكتب إحدى المهن أو إثبات آخر مؤهل حصلت عليه وهو الثانوية العامة وما يعادلها وهنا لا بد من تقديم ما يثبت فصلك من الكلية ...... هذا من واقع احتكاكى بموظفى السجل
 

potter1991

عضو مشارك
#8
بعد أذن سيادة المستشار ..... عند تجديد البطاقة فإن كتبت فيها طالب فلابد من ختم المدرسة او الكلية على الاستمارة ..... لكن فى حالتك هذه أما أن تكتب إحدى المهن أو إثبات آخر مؤهل حصلت عليه وهو الثانوية العامة وما يعادلها وهنا لا بد من تقديم ما يثبت فصلك من الكلية ...... هذا من واقع احتكاكى بموظفى السجل
يعني لو طلعت بدل فاقد دلوقتي هيطلب الكلام ده و لا داه في حالة التجديد فقط
و سؤال بسيط احدي المهن د محتاجة نقابة صح ؟ هو الخانة دي مينفعش تبقي فاضيه ولا هيكتب فيها حاصل علي الثانويه العامة و هو انا ممكن اطلب من الكليه ما يفيد فصلي
بس واضح ان البطاقه ملهاش اي علاقة بالجيش ؟
 
new_yasser

new_yasser

عضو مميز
#9
بدل فاقد أو تجديد لا تفرق هنا طالما ستثبت بها انك مازلت بالتعليم ..... ولو كنت قد استخرجتها قبل حصولك على الثانوية فاثبت بها شهادة الثانوية وبس ...... وإن اتيت بما يفيد فصلك قدمه
 

potter1991

عضو مشارك
#10
هل يجب كتابة المؤهل ف البطاقة ؟ يعني هل من الممكن اقدم شهادة الثانوية بس ما يكتبش انا حاصل علي اية ؟
 

gamal gamal

محامى ومستشار قانوني
#11
اذا قدمت شهادة الثانوية

سيكتب في خانة المهنة حاصل على الثانوية العامة ....
 

potter1991

عضو مشارك
#12
اذا قدمت شهادة الثانوية

سيكتب في خانة المهنة حاصل على الثانوية العامة ....
يعني لازم يكتب و مينفعش تبقي فاضية

طب علي كدة الغير متعلم بيكتب عنده ايه

اسف علي الاطالة

و الف شكر لكل الردود
 
new_yasser

new_yasser

عضو مميز
#13
بيكتب ...... لا يعمل ...... عامل زراعى ..... عامل عادى ..... عامل حرفى ...... سباك ..... نجار ..... سائق ..... جزار

بالمعاش ..... الخ الخ ... أظن كدة وصلت ...... روح اعمل بطاقة بقى !!!!!!
 

أعلى