عادل ماجد

عضو جديد
التسجيل
18/2/12
المشاركات
11
الإعجابات
1
العمر
26
#1



الكَمر مشتاك ليغني ونورك
ونور الجنه بعيونك ونورك
رسم هلنون تتحله ونورك
وجمال الواو مايرهم لبسمك
وهلال الراء جن يضحك لبسمك
اكتبت موال ونجومي لبسماك
ليك لوحدك عزفك ولمني
ومثل هلماي طشاني ولمني
لمت واسودنت محد ولمني
اظن هذا الكَلب وحده وناسه
ولجلك باع كل اهله وناسه
تشبث بيك والعالم وناسه
ونسه الصغار الحبهم والكبار
نخب هلكاس قدملك ولك بار
اجه امن بحوره يتمشه ولك بار
وتخيل نفسه جن يمشي لوياك
ولو الدمعات لبخده لوياك
لؤلؤ من نظر نزلن لوياك
وتمنه يبوسك يحضنك وشم بيك
وطبع آثار بوساته وشم بيك
الك وبصدره يكتبلك وشم بيك
ثلثت حروف يكتب مله عندك
ومله بدمه ايتألم مله عندك
ملل ما يعرف بسدك مله عندك
والك مايمل بس وانته حبه
وتمنه يصير شجره وانته حبه
شفاهك تروي هل يعطش وانته حبه
و وليته شلون لو حبك ولاني
الينولك ياهو مو كلبي ولاني
تذوب يا صلب شافك ولاني
اظن عيوني هم ذابت اليه ..

وشكراً ( عادل الشاعر)


ويمكنكم سماع زنجيل الابوذيات ونورك على هذا الرابط

http://www.youtube.com/watch?v=4qrCowAVzTM&feature=share

 

Egyptian..Star

عضو محترف
التسجيل
18/11/12
المشاركات
452
الإعجابات
195
#2
بارك الله فيك
 

أعلى