عادل ماجد

عضو مشارك
#1

.............. حيرت العيون ...............

لكل محب اسباب واني احب بلا سبب
شرد اكَلك وانت حيرت العيون ,,
شرد اسولف بيك مو كَلبي انحبس
باقي بيك مأمن يحب وما يخون ,,
هاي نظراتي الك ما تكمل بدونك
دك دليلي عليك .. كلي كان وما يكون ,,
كال قصه تفصلت .. سمعي اندهش
كال عينه انرسمت بأصعب فنون ,,
يل رمشها انصاغ علعين شحلاته
من ترمش تنسم مشاعرها بشجون ,,
ومن اشوفن خده .. ابصر هلسماء
ومن اشوف الشفه .. تفتن هلفتون ,,
انه اسمع عينه تحجي بلا كلام
اعترفت بحبها بهمسة هلجفون ,,
كالت امن اشتاك .. ما الكه اليحن
هم تحن .. تشتاك .. هل طبعك حنون ,,
راح افرحه اليوم .. واسعد خاطره
وراح اشيل بحبي كل هاي الظنون ,,
وراح اسهر ليلي كله ما انام
وراح اخل الما هان من اجلك يهون ,,
اني هذا كليبي حب بلا سبب
ويبقه هذا الكَلب حبك حب جنون ,,

ويبقه هذا الكَلب حبك حب جنون ,,


وشكراً : عادل الشاعر



ويمكنكم سماع قصيدة " حيرت العيون " بصوتي على هذا الرابط :

http://www.youtube.com/watch?v=ZbO6VibcU9s


او :

http://www.4shared.com/mp3/M13PekHX/Adel_Al___Shaer__Hayart_Al_3eo.html?
 

أعلى