عادل ماجد

عضو مشارك
التسجيل
18/2/12
المشاركات
11
الإعجابات
1
العمر
26
#1

شرد اوصفك

شرد اوصفك يا حلو وشكدر اكول
ويا كلام الي اوصفه ويا سمر
يا جمالك معجزه تفوق الخيال
تندهش لعيون لجلك والكَمر
ويل عذوبة صوتك الحان الحياة
تنعزف نبرات صوتك بلخبر
وتغده فرحانه الحروف وي الشفاه
تنكتب بحساسها ابيات الشعر
.......
شرد اوصفك
شرد اوصفك اني ميفيد الكلام
لن خذيت كليبي يمك منجبر
وهسه صايره بداخلي امواج اشتياق
تهدم بتفكيري اوقات الصبر
احسب بلحظات بعدك من تروح
تشهد العينين لحظات القهر
ولن رسم عيناك طيف امن الجمال
تسحر بعيناي من طيفك يمر
......
شرد اوصفك
شرد اوصفك اني مجنون بهواك
كلبي مغرم بيك من دون البشر
وانعمت لعيون بس شخصك تشوف
ما يشوفن غيرك يريد النظر
كون ابوسن ايد امك يل حبيب
وادعي من ربنا ويطوللها العمر
لنها جابت احلى بنت بهل وجود
احلى من حور العيون امن الصغر
ومو تسعة شهور ظني الحملتك
هلجمال اتوقعه لطول الدهر
شرد اوصفك
شرد اوصفك اني يا كلمه التلوك
خافن اغلط بلكلام واعتذر

اي خافن اغلط بلكلام واعتذر


وشكراً : عادل الشاعر
.
.
.
.
.
.
ويمكنكم سماع قصيدة شرد اوصفك بصوتي على هذا الرابط

http://www.youtube.com/watch?v=ysJ52-90050

.
.
.
.
او على هذا الرابط

http://www.4shared.com/mp3/Bs7nwUYZ/____.html?

.
.
.
.
.
.​
 

أعلى