mhsarry

عضو مشارك
#1
'',
انا حبيت انشر الموضوع للفادة ولانى استفدت من المنتدى كتير


فى الاول انا كنت عايز اغير اسمى فرحت لمحامى قلى انة مينفعش ورحت لمحامى تانى قلى انة يجب انة ترفع دعوى وان اجراءات الدعوى دى بطول ولازم يكون عندك سبب لتغيير الاسم بتاعك طبعا لفيت كتير ودخت لحد معرفت انة


ان تغير الاسم حقى شخصى يعنى ان لكل واحد انة يغير اسمة لان الانسان مبيختارش اسمة وعرفت الاجراءات والتجربة شخصية يعنى قمت بيها بنفسى وعرفت كل حاجة عن الموضوع


الاجراءات

- 1ان تروح السجل المدنى الى انت تابع لة وغالب بيكون جنب الاقسم بتاعك وقبل متروح جهز الورق دة (صحيفة الحالة الجنائية - صور بطاقة 2 -شهادة ميلاد -وموقفك من التجنيد ملحوظة (لو كنت طالب فان موقفك من التجنيد بيقوم بية السجل المدنى يعنى انت ملكش دعوة ) وبعد كدة تطلب من الموظف يديك طلب بتغير الاسم بتكتب الطلب واقرار بتغيير الاسم من اسم فلان الى اسم فلان

2- بعد كدة السجل المدنى بيودى الطلب لحاجة اسمة الجنة الثلاثية وهى مكونة من ضابط ووكيل نيابة ويظل الطلب عندهم حوالى 15 يوم ويرجع تانى للسجل المدنى وبيطلبو منك تانى

3- بيطلبو منك (تحريات ) يعنى تاخد بعضك وتروح للقسم وتسائل على واحد اسمة (شيخ الحارة ) وبيطلب منك (صور بطاقة -وشهادة ميلاد -وقيد عائلى -وصور بطاقة الوالد -واقرار الوالد بالموافقة على تغيير الاسم ) طيب اية لزمة القيد العائلى ان شيخ الحارة عايز يتاكد ان ملكش اخوات بنفس الاسم الى انت عايز تغيير الية وتجيب ابوك معاك عشان يكتب الاقرار بالموافقة على تغيير اسمك حتى لو كان سنك فوق 21 سنة

وبتخلص التحريات خلال 15 يوم او اقل

4- بعد كدة بتاخد التحريات وتوديها السجل المدنى وبيودها السجل المدنى الى الجنة الثلاثية تانى وفى هزة الحالة بيصدر قرار نهائى من الجنة اما الموافقة او الرفض


وفى الغالب بتوافق الجنة ودة ازا كانت تحرياتك زى الفل يعنى اهم حاجة التحريات فازا كانت تحرياتك زفت فان الجنة طبيعى بترفض تغيير اسمك
وفى حالة الرفض يجوز رفع دعوى فى هزة الحالة واعتقد ان دة نادر والله اعلم

5- طيب لو صدر قرار بالموافقة طيب بالنسبة للورق الموضوع بسيط وميعقدش
اولا ان شهادة الميلاد بتاعت حضرتك بتتغير تلقائى وبتاخد الشهادة وتطلع بيها البطاقة الشخصية وبالنسبة للتجنيد السجل المنى هو الى بيقوم باخطار منطقة التجنيد بتغيير اسمك يعنى انت ملكش دعوة وبالنسبة لشهادة الجامعة بتاخد (شهادة الميلاد والبطاقة بعد التغيير يعنى بالاسم الجديد وصورة من القرار ازا امكن وتروح بيهم الجامعة وهما بيغيرو اسمك فى الشهادة )


والمعلومات دى عرفتها من النصوص الى موجودة فى السجل المدنى
دى كل معلوماتى عن موضوع تغيير الاسم وانا مستنى قرار الجنة انشاء الله

وهخبركم بكل جديد لو فى استفسار

 

gamal gamal

محامى ومستشار قانوني
#2


كلام جميل ومضبوط
وإن شاء الله ستحصل
على الاسم الجديد يا غالى


وبالفعل التحريات لها دور أساسى
في الموضوع ............
 

mhsarry

عضو مشارك
#3
انشاء الله
 

ahmed.ezzat

عضو مشارك
#4
هل حضرتك غيرت الاسم ولا لا ؟؟؟
 

memo5

عضو ماسـي
#5
مشكورين طيب لو طفل عنده شهرين وحبيت اغير الاسم ايه الاجراءات
 
deyamag

deyamag

عضو ذهبي
#6
طيب لو الأب متوفي .
 

gamal gamal

محامى ومستشار قانوني
#7
لا يشترط موافقة الأب كشرط اجبارى
في هذا التغيير .........
 

عمرمحمد2

عضو مشارك
#8
طيب يا ريتتقوللنا ان كان التغيير تم ولا ....
وهل تغيير اسمك فى الاوراق بعد كده كان متعب؟
والاجراءات دى خدت قد ايه وقت ؟
وشكرا
:1016:
 

عمرمحمد2

عضو مشارك
#9
سؤال للاستاذ جمال
هل ممكن المحكمه ترفض الدعوى زى ما الاحوال بترفض الطلب ولا المحكمه لازم تحكم لصالح صاحب دعوى تغيير الاسم؟ ارجو الافاده و شكرا
 

gamal gamal

محامى ومستشار قانوني
#10
المحكمة غير مختصة بنظر دعوى التصحيح ......
 

عمرمحمد2

عضو مشارك
#11
امال انا ازاى اقدر اغير اسمى عن طريق المحكمه؟
 

عمرمحمد2

عضو مشارك
#12
انا اقصد تغيير الاسم وليس تصحيحه
 

gamal gamal

محامى ومستشار قانوني
#13
تغيير الاسم يكون عن طريق مصلحة الأحوال المدنية
واذا لم تلجأ اليها أولا ...............
لا تقبل لك أى دعوى أمام المحكمة ....
 

عمرمحمد2

عضو مشارك
#14
اه حضرتك تقصد المحكمه تنظر فى الطعن على قرارات اللجنه ...طب وهل الدعوى من النوع ده بتاخد وقت كتير..يعنى احنا بنسمع عن قضايا بتاخد سنين مثلا ؟ وهل لورفعت دعوى اكيد هكسبها ولا المحكمه ممكن ترفض الدعوى ؟معلش انا اسئلتى كتير اصل الموضوع ده شاغلنى قوى وشكرا لحضرتك على الاهتمام بالرد
 

أعلى