slmanashrf

عضو جديد
التسجيل
19/1/13
المشاركات
2
الإعجابات
0
#1
انا الحقيقة موقفي غريب و كل ما اسأل حد يقولي حاجة غير التاني فارجو رد نهائي و اكيد بارك الله فيكم
انا والدي متوفي و انا الابن الاكبر و والدتي غير متزوجة انا مواليد 4\1990 و هتخرج باذن الله الترم دة و شهادتي هتبقي مكتوبة شهر 1\2013 و انا نص اول يعني لو هقدم عادي لازم اقدم شهر 2
و لية اخين واحد في هندسة هيتخرج الترم اللي جاي و هوه مواليد 9\1991 و اخويا التاني عنده 19 سنة بس هوه معاق و مبيتكلمش كمان و طبعا مش في اى جامعة او مدرسة دة كل ظروفي
يا ريت تفيدني اعمل ايه انا و الله محتار بقالي كتير في الموضوع دة و مش لاقي حد يفدني
هل تنصحني اقدم عادى و لا اعمل ورق عائل اسرة و لو عملت عائل اسرة هاخد تأجيل 5 سنين و لا لحد اما اخويا يخلص بعد 4 اشهر و هل هيبقي ليا سفر لو نفع موضوع العئل دة ولا لأ و ما هوه موقف اخي المعاق مع العلم انه محتاج لرعاية كاملة طوووول عمره فهو غير قادر علي الصرف و لا علي خدمة نفسه و هل ممكن يرعوا حالته دة بالنسبة ليا و يدوني اعفاء نهائي ولا لأ ؟؟!!!!
و الله انا عارف اني طولت بس ارجو المعذرة و ربنا يجزيكوا خير
 

Hany Adel

Hany Adel

محامى ومستشار قانوني
التسجيل
5/4/11
المشاركات
2,338
الإعجابات
120
#2
شوف طالما اخوك موجود .. وحيتخرج قريبا فأحسن لك تقدم في دفعتك عادي
لييييه ؟

لانك حتقدم مثلا عشان كبير عائلة .. حتاخد 3 سنين
وبعد ما اخوك ما يخلص الجيش او ياخد اعفاء .. ايهما اقرب
حتدخل الجيش طووووووالي .
ولو اشتغلت او سافرت حتلاقي نفسك غصب عنك بترجع تقضى المدة
وتضيع عليك الشغل !!!!

لكن لو قدمت دلوقتي حيبقى فيه امل انك تاخد اعفاء تبع الدفعة بشكل طبيعي
او تدخل الجيش وتقضى وتنتهي من الملف ده وتقفلة نهائي وتخلص
وتشتغل او تسافر براحتك

قدم واخلص وما تسمعش كلام حد
كلنا كنا في الجيش .. وما تخافش .. الجيش المصري رغم صعوبة الحياة فيه ..
لان دورك مقاتل .. مش رحلة ترفيهيه
الا انه منظم واكثر تفهما من الحياة المدنية .
 

alexhatem

موقوف
التسجيل
9/9/10
المشاركات
28
الإعجابات
0
#3
بقولك قدم علي الجيش وريح نفسك فيه ناس موضوع الجيش مش بينيمها الليل فانتا احسن لك قدم علي الديش وريح نفسك من موضوع الوش ده وكمان اخوك قريب منك في السن لو بعيد عنك في السن كان معاليش فاحسن ليك قدم لجيشك ومتعملش كبير عيله اوووووووووي تعمل كده.
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#4
والله أنا رأيى يقدم على الإعفاء
حتى يكون مسئول على أسرته
في هذه الفترة خاصة وفى وجود
أخ معاق وأم أرملة ....
ولا تضمن الظروف يا غالى ....
 

أعلى