mhabeb

عضو جديد
التسجيل
15/1/13
المشاركات
3
الإعجابات
0
#1
اتمني الافاده من مشرفي المنتدى الكرام

الموضوع باختصار ان انا كان عندى غلطه في تاريخ الميلاد وبناءا عليها طلعت بطاقه رقم قومي وشهاده ميلاد كمبيوتر بتاريخ ميلاد خاطئ وعند التقديم للتنجيد طلبوا مني شهاده البكالوريوس ( سياحة وفنادق دفعة 2012 ) لما رحت اطلع شهادة البكالوريوس طبعا شهاده الميلاد الاصليه الورقية كانت ف ملف الكليه ولما استلمتها اكتشفت الخطأ وبالفعل قدمت علي تعديل تاريخ ميلاد في السجل المدني بس بعد مقدمت ورق التجنيد بالاوراق القديمه وبناءا عليه طلعت بطاقة وشهاده ميلاد بتاريخ الميلاد الصحيح
طبعا انا كنت قدمت ورق التجنيد بالمستندات القديمه اللي فيها التاريخ الخطأ واجراءات استخراج البطاقه وشهاده الميلاد الجديده اخدت وقت طويل واستلمتهم بعد اعلان نتيجه الارجاء
المشكله بقي ان تاريخ الميلاد الخطا اللي انا قدمت بيه دخل الجيش وتاريخ ميلادى الصحيح اللي انا غيرت كل اوراقي ليه اخد ارجاء 3 سنين .
انا منطقه تجنيد العامريه ( الاسكندريه ) رحت اغير اوراقي قالولي روح غيرها من اداره تجنيد القاهره اللي هي ف حلميه الزيتون بس لما رحت هناك ودخلت لرئيس فرع التجنيد قاللي ملناش دعوة بالخطأ انت هتتجند بناءا علي الاوراق اللي انت قدمتها حتي لو غيرت بياناتك بعد قرار الارجاء ملناش دعوه وقاللي ان فيه قانون بيقول انه لا يعتد باي خطا ف الاوراق بعد تقديمها للتجنيد !! ( طبعا انا قريت قانون التجنيد المصري كله ملقتش ماده بتقول الكلام دا خالص ) وقعد يقوللي كلام غريب كانه مضطهدني وان انا عاوز اهرب من الجيش فقلتله ان انا اساسا مقدم علي تصحيح تاريخ الميلاد قبل نتيجه الارجاء يعني مكنتش عارف انا هدخل الجيش ولا لأ .. كل اللي كان بيقولهولي ملناش دعوه ومتلفش كتير علشان انت هتتجند يعني هتتجند .

طبعا انا معايا كل المستندات اللي تثبت ان تاريخ ميلادي كان خطأ ومعايا صوره من قرار اللجنه الثلاثيه اللي غيرت بيها تاريخ الميلاد بنائا علي خطا مادى من موظف السجل المدنيومعايا شهادات الابتدائي والاعدادى والثانوي والكليه وبطاقه الاب القديمة الورقيه اللي كنت مثبوت فيها بالتاريخ الصحيح دا بالاضافه لشهاده الميلاد وبطاقه الرقم القومي بتاريخ الميلاد الصحيح اللي اخد تاجيل.

الموضوع ده فيه ظلم كبير عليا لان انا لو اتجندت هبقي الشخص الوحيد ف مصر كلها اللي متجند بتاريخ ميلاد واخد ارجاء 3 سنين يعني انا هبقي بخدم ف الجيش وزمايلي كلهم واخدين تاجيل !! .

ففيه واحد قاللي اعمل تظلم وارفعه لوزاره الدفاع بس انا مش عارف الخطوه الجايه ايه فقلت اسألكم لعل ف السؤال خير ان شاء الله ..

ارجو الافاده وشكرا جزيلا
 

a

mostafa_bahy

عضو جديد
التسجيل
11/1/13
المشاركات
7
الإعجابات
0
#2
للأسف الشديد ده النظام في مصر الموظف الحكومي لا يعترف باي شئ الا بالاوراق الرسمية حتى لو كان هو نفسه متأكد 100% ان في خطأ هيقلك الجملة الشهيرة "انا مليش دعوة الا بالورق" :832:
في ناس بتتجند وهي ملهاش جيش وناس بتتجند بالثانوية وهي لسة بتدرس في الجامعة ...الخ نتيجة الاخطاء الغبية

بص انت قدامك حلين الاول التظلمات والشكاوى والتاني تشوف واسطة كبيرة لعل وعسى وفي انتظار المشرفين يمكن يفيدوك اكتر وربنا معاك
 
a

mhabeb

عضو جديد
التسجيل
15/1/13
المشاركات
3
الإعجابات
0
#3
متشكر علي الرد وفعلا هو دا النظام ف مصر حتي لو اتغيرت 1000 حكومه
ارجو الافاده من المشرفين الكرام
 
a
Hany Adel

Hany Adel

محامى ومستشار قانوني
التسجيل
5/4/11
المشاركات
2,338
الإعجابات
120
#4
بالفعل الخطأ من جانبك .. واي تغيير في حالة شاب التجنيد بعد تقديم اوراقة لا يعتد بها
وكان يجب البدء في اجراءاتك .. قبل هذا بكثير

المهم ان تلتزم بالتجنيد
وعلى التوازي قدم التماس لوزير الدفاع عسى ان يكون هناك فرصة
 
a

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#5
مع احترامى للجميع
أختلف معكم في الراى

أرى ان تقدم تظلم ثم تقوم برفع دعوى مستعجلة
أمام القضاء الإدارى بأحقيتم في التأجيل وإلزام
وزير الدفاع بذلك ....
وهى قضية ستكيبها بالتأكيد حتما .......
 
a

mhabeb

عضو جديد
التسجيل
15/1/13
المشاركات
3
الإعجابات
0
#6
مع احترامى للجميع
أختلف معكم في الراى

أرى ان تقدم تظلم ثم تقوم برفع دعوى مستعجلة
أمام القضاء الإدارى بأحقيتم في التأجيل وإلزام
وزير الدفاع بذلك ....
وهى قضية ستكيبها بالتأكيد حتما .......
شكرا جدا علي الرد سياده المستشار .
انا بالفعل هقدم تظلم مقدم لوزير الدفاع بكره في الوزاره ان شاء الله بس ياريت حضرتك تطمنى هل ان شاء الله هيبقي فيه نتيجه كويسه ولا الموضوع ده هيبقي مصيره زي اي تظلم بيتقدم ويترفض ؟
ياريت حضرتك تطمنى بحكم خبرتك وشكرا جزيلا
 
a

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#7
لا تعول كثيرا على نتيجة التظلم
واحرص على الحصول على ما يفيد تقديمك للتظلم
وهذا في منتهى الأهمية .................
 
a

أعلى