lalyleee

عضو مشارك
التسجيل
9/2/10
المشاركات
32
الإعجابات
0
#1

انا كنت بعت لحضرتك سؤال بخصوص تاجير شقتى وحضرتك ربنا يجازيك خير رديت عليا ونصحتنى وانا همشى بنصيحتك وهعمل عقد ايجار بدل وصل الامانه على المستاجر
بس عرفت ان فيه نوعين من عقود الايجار
الاول عقد الايجار العادى بمدة السنه الواحده وقابل للتجديد بموافقة الطرفين
والعقد التانى اسمه عقد الاستضافه
فعايزه اعرف ايهم افضل وقانونى اكتر
وايه الفرق مابينهم وحضرتك تنصحنى اعمل انهى واحد فيهم
وهل لازم اوثقه فى الشهر العقارى
سؤال اخير واسفه عالاطاله انا وزوجى مغتربين وبابا هو اللى هيقوم بتاجير الشقه بدالنا لاننا صعب ننزل مصر الفتره دى , فهل لازم توكيل لبابا انه يعمل الحكايه دى
احنا كنا عملنا توكيل بشراء الشقه من سنتين وبمده محدده وانتهت المده هل لازم يكون فيه توكيل للتاجير
وميرسى قوووى لحضرتك مره تانيه واسفه عالاطاله
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2
عليكم السلام

تحرير عقد إيجار من جانب والدكم
لا يحتاج إلى توكيل في هذا الشأن ...
لأنه يجوز الإيجار من غير مالك .....
ويغتبر سكوت المالك موافقة منه على
هذا الإيجار ............

وأنصحك بعقد إيجار عادى للمدة التى تحددونها
ويمكنكم تضمينه شرط جزائى

بأنه في حالة إنتهاء عقد الإيجار يتك تسليم الشقة فورا وأى تأخير في التسليم
من جانب المستأجر يستحق المؤجر مبلغ ألف جنيها عن كل يوم تأخير عن الإستلام .
وهذا الشرط نهائى ولا يخضع لرقابة القضاء المصرى لأنه تم برضاء الطرفين ولا يجوز
العدول عنه مطلقا لأى سبب من الأسباب . مع أحقية المؤجر في إنهاؤ العقد في نهاية
مدته في جميع الأحوال .

وأحذرك من عقد الاستضافة ::::::::
لأن الاستضافة قانونا لا يجوز المطالبة بأجر أو إيجار عنها !!!!!!!!!!!!!!!!!
وهذا واضح من اسمها .. كما أن إنهاء الاستضافة عند الخلاف لا يكون الا بحكم
قضائى نهائى ...........

والأفضل عقد إيجار مزيل بالصيغة التنفيذية في الشهر العقارى كما قلت لكم ...
 

أعلى